[poem=font="Arial,6,limegreen,normal,normal" bkcolor="skyblue" bkimage="backgrounds/21.gif" border="solid,4,gray" type=0 line=0 align=center use=ex num="0,black"]
لحظات الفــراق افجع من ان نتســاقى الأسى 00 والحزن
فهــذه سنــه الله في خلقــه
وحتمــاً سنرحل ذات يوم 00 والبقاء للــه وحده
ولكن الفراق مفجع ومؤلم 00 نسأل الله ان يرحم جميع موتى المسلمين
*************************
الله مـن دمـع ٍ تـناثر صـبيبه=قـام يـتهامل بـالعيون الحزينات
وقـلب ٍ يهز ضلوع صدره نحيبه=يـبكي عـلى قـرم خذته المنيات
مـصيبةٍ يـاكبرها مـن مـصيبه=اكبر علي من حجم سبع السماوات
ابـكي وغيري صاير الحزن جيبه=بـس الـبلى ماعاد تنفع حسوفات
ولـو أدري ان دموع عيني تجيبه=والله لاقـضي كـل الأيام دمعات
يـاالله حسيب الموت ياالله حسيبه=ماياخذ الا من الرجال الشكالات
فـي ذمـتي ياموت ماهي غريبه=تسرق وسرقاتك تجي دوم جزلات
مـاتاخذ الاروس نـاسٍ عـطيبه=ولا الردي يبقى له العمر ما مات
مرحوم يا شيخٍ غطى الناس طيبه=زبن الذي ضاقت عليه الوسيعات
بـعض الـعرب لامات مايندريبه=وبعض العرب موته يهز الطويلات
عـز الله انـه عـزوة ٍ نعتزيبه=لاكـبرت القاله وصارت صعيبات
اقـفـى وقـفت بـالمنايا ركـيبه=مـرواح مـاعقبه ملاقى ورجعات
يـاالله تـجعل جـنتك من نصيبه=بـالجنه الخضرا بعالي الرفيعات [/poem]
رد مع اقتباس
مشرف مضيف الترحيب والتعارف
المشاركة الأصلية كتبت بواسطة الاصمعي
المفضلات