[align=center]الشيخ ممدوح بن شعلان
هو شيخ وفارس من فرسان قبيلة الروله العريقه
غزى ممدوح على شمر
وبالتحديد
على السويـــد من سنجاره من شمـــــر
وتصير بينهم عركه وينكسر ممدوح ومن معه
يقولون ان ممدوح يوم انهزم حسب ان الامر انتهى على هالون
يوم فطن يامار خيل السويد لاحقته
وهو يصيح طول حسه:لاوالله الا بكننا حريمنا
وهو ينهزم وهو ومن معه ويشدون على الخيل
واليامنهم نطو لهم حزم وطبو على البطين
والتفتوا وراهم يامار ماوراهم احد يرخون الخيل
وياخذون شوي يمار هذي الخيل طالعة روسه من فوق الحزم
همن يصيح طول حسه "لاوالله الا بكننا حريمنا"
وعلى هالشكل يما لحقوه شمر عند مكان يقال له السطيحه
وتصير بينهم اكا العركه ويذبح به ممدوح الشعلان واخوه
واللي سلم انهزم
عاد هذا واحدن من عنزه اسمه شامان بن شبيبه
من رفقى ممدوح ماحضر العركه ويوم دري بذبحت الشيخ قام يرثيه
يقول بن شبيبه [/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
ياعين كفي دمعتك ياقميحه=ماعاد لك من باقي السهر مصلوح
برقن يلوح وشاق عيني لميحه=بخشوم غرن بالسما بس له ضوح
عسى الحيا يسقي جناب السطيحه=يسقي شغايا وادي فيه ممدوح
شيخ الشيوخ اللي لربعه منيحه=ماهو من اللي شيخته بس للروح
مجرب كلن سمع في مديحه=اللي لجمعات الطوابير ذابوح
مضاربه باهل السبايا مبيحه=من غالطه بالطيب غادي ومفضوح
عزي لمن مثلي همومه مشيحه=وقلبه على سردال الابطال مجروح
القلب عيا لايطيع النصيحه=جاوبت قمري الحمايم على النوح
ليتن حضرت الشيخ وانطح نطيحه=او ليتني مع ذبحت الشيخ مذبوح[/poem]
المفضلات