هنا الإهداءات

[بتول آل علي]

[align=center]
و من جديد وصلنا إهداء

من (( البحر المديد )) و موجه إلى (( صلفيق ابو قناة ))



[poem=font="Simplified Arabic,6,orangered,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صلفيق ياراعي العجرا=دايم قناتك تسحّبها
صباح والا الوقت عصرا=دوم الخناقه تدورها
نصيحتي لو لها تقرا=تاخذ قناتك وتكسرها
وترتاح من هم هالغبرا=اللّي كبارٍ مصايبها
وتعود النفس للصبرا=وعن المشاكل تجنبها
وانت ابخص بنفسك وادرا=كان النصيحه تطنشها
لولاك غالي ولك قدرا=كان النصيحه ما نبديها
والسيل له دايمٍ مجرا=والعشب يغطي جوانبها
تحية وشوقٍ وعطرا=مع الدهور لك اهديها[/poem]


[align=center] [/align][/align]

[بتول آل علي]

[align=center]
لدينا إهداء أول من

(( البحر الطويل )) و موجه إلى (( الأصيل ))

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الف شكر وتسلمي أختي الدهور=بفكرة الإهداء والذوق الجميل
ويا سعد (.....) وفرحه والحبور=يوم صار اهداه للقرم الأصيل
استلم يا خي باقة من زهور=تقدمه لك صاحبة طرفٍ كحيل
مضمخة بالمسك وأنواع العطور=من محب لشخصك الشهم النبيل
والعفو تر صاحبك عجل المرور=مار له عوده عشانك يالزميل[/poem]


[/align]

[بتول آل علي]

[align=center]
و ها نحن نستمر باستقبال الروائع

و إهداء من (( البحر المتقارب )) و موجه إلى (( سعود بادي ))


[poem=font="Tahoma,4,white,normal,normal" bkcolor="transparent" bkimage="backgrounds/26.gif" border="none,4,gray" type=0 line=1 align=center use=ex num="0,black"]

.
يمه انا وش جابني معكم هنيا=والشعر مالي معه صحبة قديمة
ان طلبت الفكر عيا الفكر عيا=قال مالك والشعر انتـ........!!
ودي أمدح شاعرٍ ما فيه زيا=بالشعر معروف له مركز وقيمة
سعود بادي ونعم من أهل الحميا=بالنسب معروف من أسرة كريمة
أعرفه أشعار ما تسقين ميا=مار بشارك هل القلوب السليمة

.[/poem]


[/align]

[بتول آل علي]

[align=center]
و ...

إهداء جديد من (( بحر الرجز )) و موجه إلى (( مذهل ))

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
سلام للروح للانسان "=" سلام للصدق للنيه
البارحه مالها عنوان "=" غير التباريح والكيه
قلبت في صفحة النسيان "=" ياكثر مالناس منسيه
احيان مالقى عذر واحيان "=" اخلق لي اعذار وهميه
ابن آدم الحي شانه شان "=" لولا الكبر فيه والسيه
والشكر لأمن مجاله حان "=" سقت الشكر لك يانشميه
لمسه رقيقة وفكر جنان "=" يعكس مشاعر خرافيه
من بعدها تنحر القيفان "=" مذهل من القلب مهديه
ميزانها الصدق والالحان "=" مشاعرٍ فيّ عفوية
أجمل تحيه تجي بلسان "=" لك ياعشير السنافيه
والمعذرة لك من النقصان "=" ماكل الاقوال مقريه [/poem]

[/align]

[بتول آل علي]

[align=center]
أيضا هناك إهداء

من (( بحر المتدارك )) و موجه إلى (( نبراااس ))

[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وشحيلتك كان المحبين غشوك=وتبدلو عقب الصفا بالتجافي

ياكيف تمشي بالوطا .. والوطا شوك=ماتتقي للشوك ياصرت حافي

تاقف على الرمضا إذا الباب مصكوك=نبراس يانبراس ونت السنافي[/poem]

[/align]

[بتول آل علي]

[align=center]
هنا إهداء أول جديد

من (( البحر السريع )) و موجه إلى (( بركات الشمري ))


[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالدهـور .. اخذي حروفً سامريّه = وصليّها حسب توقيت قرينيتش
لْبْركات الشمّري..أحلى تحيّه = من هجوسً للطنايا تنتعش
ألهميني يالحروف الأبجديه= واسعفيني ياحروف الأنقليش
(للشعر/للحلم) ولّا (المـزهريّه) = و (انكساره)(ثرثره)..فـكرً فـريش
ودي أكتب كل مايطري عليّـه = لو يصادف درب هاجوسي سيريش
لجل من فـك الحروف النرجسيه = ولجل من خلاني اقفيـها بريتش
مع شروق الشمس ولاّ العسجديه=له قدر مثل قاضي فوق البينيش
كل حرفً فيه فـوح الشاذلـيّـه = مابه منقـودً وخالي مـن رافـيش
مع بنات افكار ..وأحلامً نـديّـه = يمطر احساسً .. وقـافـه لا بـيـريـتش
ودي أسترسل ولبيوتي بقيّه = لكن الحرف البريطاني فـلـش
الحروف الأبجديه سامريّه = والحروف الأنجليزيه فينيش[/poem]


English = الأنقليش / الأنجليزيه
fresh = فـريش / طازج - متجدد
search = سيريش / تفتيش
british = بريتش / بريطاني
bench = بريتش / مقعد
ravish = رافـيش / زلـّـه
perish =بيريتش / يـُهلك او يُفني
flush = فـلـش / لايحضرني أو ليس على البال
finish = فينيش / أنتهت

:
:
إهداء آخـر

[poem=font="Simplified Arabic,5,skyblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يارفيقي لاتهاجر وانا ماابغى أهجرك=لو ليالينا على هجراننا تجري جري
ان فتح مسنجري مافتح ماسنجرك=وان فتح ماسنجرك مافتح ماسنجري[/poem]

[/align]

[بتول آل علي]

[align=center]
صباحكم مطــر

إهداء ثاااالث من (( البحر المديد )) و موجه إلى (( صلفيق أبو قناة ))

[poem=font="Simplified Arabic,5,tomato,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مع الدهور ارسل سلام وتحيه=للصاحب اللي رفقته ترفع الراس
عبر المضايف جعلها دوم حيه=ارسلتها من دون حبرٍ وقرطاس
صلفيق ابوالفزعات مافيه زيّه=يفزع اليامن للخطر دقت اجراس
لياعترضت الاعداء لسكة خويه=يهتز لين المعتدي يهان ويداس
لاما يعرف الخوف دون الحميه=يصير ذيبٍ مفترس خالي احساس
دايم على العجرا خفيفه يديّه=والمعتدي ليا واجهه دج وانحاس
[/poem]


[/align]

[بتول آل علي]

[align=center]
و إهداء آخر من

(( البحر الطويل )) و موجه إلى (( الأصيل ))

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الحظوظ كبار والأنفس صغيرة=والعلوم كثار والشكة مقلة
والقلوب صحاح ما فيها غثيرة=والدروب وساع صاحبكم يدله
والقريحة بحمد مولانا غزيرة=أي قاف أبغي منه عجلٍ تهله
يوم جتنا فكرة البنت الخطيرة=قالت أهدو كل خلٍ صوب خله
كل شاعر يهدي أبيات لعشيره=يبادله أزهار سلاتٍ بسلة
يالأصيل أبن الأصايل من عشيرة=مجدها كالنجم معروفٍ محله
أنت شاعر والشعر نصبك أميره=وان زعل شوقي وحافظ وابن بله*
شاعر القلطات والفصحى سفيره=وبالنبط معروف ونجمٍ وسط فله
طيب أخلاق ومبادي وحسن سيره=والسوالف منك ما والله نمله
وللدهور الشكر بأولها وأخيره=الله ان لحاسدينه لايذله
اقبلوها سامريه دق زيره=واعذروني وان حصل بالقيل زله[/poem]


**ابن بله يتلزق بأحمد شوقي وحافظ ابراهيم ولا هو سياسي مهو شاعر

[/align]

[بتول آل علي]

[align=center]
و هنا غيث آخر و إهداء

من (( البحر الوافر )) و موجه إلى (( ذيب شراف ))


[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أهلا ً .. وسهلا ً .. ياأعزائي =هذي القصيدة ... وارتجاليّه
للذيب الأمعط .. بكتب اطرائي=وإن ماوفى له ... جبت عينيّه
ياذيب .. واقبل مني اهدائي=من قلب مخلص .... صادق النيّه
ياذيب حرفك .. عطّر اجوائي =وخلا المشاعر ..تشتعل ... فيّه
خوّتك أصلا ً.. مصدر .. إعلائي = خوّتك يعني ...غير عاديّه
من قبل لاأبدأ .. ألف ... بائي=جيتك وشايل... حب فـ يديّه
يكفي هدوئي .. شبه ضوضائي= ويكفي خفوقي .. ( بير ) .. حنيّه
من مد دلوه .. ناوي احشائي= يلقى الجروح .. تنوح .. من كيّه
ومنهو يحاول بس ... إقصائي =قلّه .. يبي لك .. تصبر شويه
للفكر بنت ٍ ... تنوي .. إغرائي= تسوى وربي .. 1000 .. جنيه
ماعاد اشوف الصبح .. واعدائي=ياخوك ... كثروا ... من حواليــّه
والشعر أحسّه .. أتعس اعبائي=لاشفت موته .. في عرب حيّه
ياكثر ماقالوا .... عن اسمائي=( مجنون شعر ) وما بهم.. زيّه
شاعر ولااتبع زيف ... أهوائي = واعرف تمام الشعر ... من غيّه
وإن مت تبقى .. بصمة امضائي = بالشعر : بصمة / مفعمه / حيّه[/poem]

[/align]

[بتول آل علي]

[align=center]

انتهت رحلتنا عند هذه المحطة و نشكر كل من شارك معنا في إنجاح هذا الموضوع و نشكر شعراءنا الأفاضل و شاعراتنا الفضليات على ما أتحفونا به من هطول عذب لهذه الأقلام الرائعة

.
.

و ها نحن بصدد كشف الستار عن الأسماء المستعارة ....


1- المُرسِل : بركات الشمري (( بحر الوافر )) ،، المُرسَل إليه : ذيب شراف

2- المُرسل : ذيب شراف (( بحر الهزج )) ،، المُرسل إليه : الغازي

3- المُرسل : صلفيق ابو قناة (( بحر الطويل )) ،، المُرسل إليه : الأصيل

4- المُرسل : ((بعيد النظر)) \ (( بحر الكامل )) ،، المرسل إليه : فلاح العماش

5- المُرسل : نبراااس (( بحر البسيط )) .. المرسل إليها : ريم شمّر

6- المرسل :متفاائل (( بحر الرمل )) .. المرسل إليه : عادل السلطان

7- المرسل : سعود بادي (( بحر الرجز )) .. المرسل إليه : مذهل

8- المرسل : مذهل (( بحر المديد )) .. المرسل إليه : صلفيق ابو قناة

9- المرسل : الأصيل (( بحر المتدارك )) .. المرسل إليه : نبراااس

10- المرسله : ريم شمّر (( بحر المتقارب )) .. المرسل إليه : سعود بادي

11- المرسل : الغازي (( بحر المجتث )) .. المرسل إليه : متفاائل

12- المرسل : فلاح العماش (( بحر المنسرح )) .. المرسل إليها : أم نـــواف

13- المرسل : عادل السلطان (( بحر السريع )) .. المرسل إليه : بركات الشمري

14- المرسله: أم نـــواف (( بحر الخفيف )) .. المرسل إليه : (( بعيد النظر ))



>>> أحس إني أعلن نتايج الثانوية


مجددا ... نشكر كل من شاركنا و كل من تابعنا و كل من قرأ حرفا هنا


أختكم

الدهور[/align]