عز الله إنه رجّال

[الجازي]

[align=center]في التمهيدي رحت على بالي بقدم على وظيفة >>>> ترى هالجملة اعتراضية ماحطيتها إلا من خوفي انكم تحسبوني رايحة أدرس في التمهيدي

المهم يوم رحت اكتشفت ان الراتب ارخص من راتب شغالة اندونيسية قبل الشروط بعد

أجل خمسمية ريال جعلهم الفقر وش دعوى !! اشتغل متطوعة أصرف وأكرم لي من هالطفسة

المهم بعيدا عن مشاكلي الشخصية

بعد ماتحطم كبريائي من هالراتب جلست أنتظر السيارة عشان أروح للبيت >>>> تفاصيل مملة

وجلست أنتظر في ساحة الألعاب واتفرج على هالبزارين من كل شكل ولون

المهم لقيت لكم هذاك الولد اللي شكله توه مستجد وقاعد يتفرج على بنتين جالسين يلونون في كراسة ,,

المهم البنت كانت الظاهر قاعدة تلون الغيوم بلون أزرق قال لها الولد :

ياغبية الغيوم باللون الأبيض والسماء هي اللي بالأزرق

طبعا البنت ماتحملت هالإهانة قالت له :

مالك دخل يابقرة !! >>>>>> أفا بدينا بالغلط

الولد هنا انتفخت أوداجه قلت الله يستر عسى مايسطرها

عصّب وناظرها بحدة وقال لها :

لاتقولين لي يابقرة ,,

بصراحة هنا حسّيت انه رجّال قلت بعدي والله هذي التربية والا بلاش

ماأمداني أمدحه في نفسي إلا وهو مكمل جملته :

البنت هي البقرة ,, أنا ولد قولي لي ياثور

أفااااااااااااااااااااا ,, ماكنا كويسين

ياأنا ضحكت ضحك لدرجة انهم بغوا يوظفوني بألفين بشرط اني اسكت >>>> ياشين اللي مايعرف ينصب

والله اثره خطير هالوغيد (( أبشركم صرت اعرف أقتبس بعض الكلمات من طقة الوغيد والوغدان ))

متفيصح يعرف الفرق بين المؤنث والمذكر شكلي بعطيه بطاقة دعوة عشان يجي عندي في الفصيح

ترى هالبزارين ماينحقرون عليهم حركات تغطي على حقون الفلة كلهم

بس يبي لهم واحد يتكي عندهم نص يوم عشان يجمّع سوالفهم [/align]

[المطنوخ]

[align=center]هههههههههههههههههههههههههههه
هههههههههههههههههههههههه

اجل تقولين 500 ريال؟؟

دام هذا نصيبتس اجل ممكن تشتغلين حطابه تحطبينلنا بـ550 ريال؟؟

ولا تشتغلين بوظيفة حاملة مخطر ابوغازي براتب 525 ريال


ياحليلتس والله طيب يوم ان ماعجبتس الوظيفه

هاللي يخليتس تقعدين بالسياره وشو؟؟

مع اني اراهن بحياتي<<ماخذه من المسلسلات المدبلجه

ان مكيف السياره طافي

الا تعالي صدز

انت وشو مشرهتس تبين معاش 4 الاف؟؟

مادري اخاف الملكه اليزابيث<<الله من زين التشبيه والمقارنه


ان هالوغيد تراتس قاعد تشوفين مدرس عربي بالمستقبل

اما هالعوبه هذي تهبا هذي وهي هالصغر لسانه يلوط قراعيطها

اجل ليا كبرت وشتسوي؟؟



يالريم الله عطاتس وظيفه حطابه استخيري وارضي بها

واتركي عنتس هالوظايف اللي مالهن سنع


الله يبارك بالثور اللي خلاتس تكتبين لنا عقب هالبطا

لا خلا ولاعدم

يالريم[/align]

[عبدالله المهيني]

[align=center]والله كان على سوالف الوغدان


خليها على الله

مار اشوا اللي عندي من طقتي


<< واحد يقول لسمي الذيب هاك اليوم أتصل علي وانا عندي حصة انتظار


شرايك تجي وتخاويني للصمان

نبي نروح للبل ونحلب البكرة انا وياك


^
^

والله انها سوالف وغد بثاني ابتدائي

حتى اسئلوا سرسر <<< دلع سرحان

ويعلمكم



بس ولو حلوين 500

وإلا لا يا جدعان



شاوووووووووو[/align]

[هايس الشمري]

[align=center]ههههههههههههههههههههههههههه


ياخي مدري ليه كنت اقرا و احس ان هاللي اقراه مقدمه طويلة


المهم ما دريت الا خلص الموضوع


يوم قريته ثاني مرة لقيتك خاشه عرض بالموضوع

بدون انترودكشن ولا ثيسيس ستيتمنت



نرجع للموضوع

اما الوغدان

و دك تجلس معهم و انت رايق

اما اذا اخلاقك قافله

يا ويلهم

يعطيك العافية

الذيب[/align]

[ريم شمر]

ريوم

والا من صزتس ناويه تشتغلين بمحل فيه
بزارين سعوديين

والله لو انها عشرة الاف ياشيخه
عسانا نتحمل اللي عندنا مو عاد عيال العالم


انا جربت مره اعطى درس كمبيوتر

اول مادخلت عليهم قلت من اللي عنده كمبيوتر
في البيت ياشاطرييييييييين
بعضهم رفع يده
سألت واحد من اللي رفعوا يديهم
قلت تعرف تشغله والا لا ؟!!

قال مااعرف بس امي تعرف بقولها تجي تعلمتس



صراحه صعبه اذا طلع شكلتس دلخه بقوووه قدام بزر

[ابو غازي]

[align=center] ااااااااااااااالريم [/align]

[الأصيل]

[align=center]وش السالفه ؟؟

باللغه الفصيحة : عم يتحدث الموضوع ؟




المشكله بالراتب ؟؟

أو الــ 500 ريال ؟

أو المشكله : مافي حليب بالبقره ؟

أو الثور مات ؟





علمونا ياشيباب علشان نشارك معكم

ونثري الجو .















طنخااااان

مره سيرت على أهل الأدب العربي

ياولد بغو يذبحوني

عادهالحين


عندك إياهم


وين أخو طنخه ؟؟ لك ولا للذيب [/align]

[شنقل]

[align=center]الريم

اثريك عاطله عن العمل


روحي للحمله الوطنيه للتوظيف
وقدمي عليهم


والله لايهينك
شوفي ملف الشبث تريه عندهم
هاتيه معك








يالظالمه
30 ايقونه خافي ربك
لاتخلص ايقوناتنا[/align]

[الجازي]

[align=center]

[align=center]هههههههههههههههههههههههههههه
هههههههههههههههههههههههه

اجل تقولين 500 ريال؟؟

دام هذا نصيبتس اجل ممكن تشتغلين حطابه تحطبينلنا بـ550 ريال؟؟

ولا تشتغلين بوظيفة حاملة مخطر ابوغازي براتب 525 ريال


ياحليلتس والله طيب يوم ان ماعجبتس الوظيفه

هاللي يخليتس تقعدين بالسياره وشو؟؟

مع اني اراهن بحياتي<<ماخذه من المسلسلات المدبلجه

ان مكيف السياره طافي

الا تعالي صدز

انت وشو مشرهتس تبين معاش 4 الاف؟؟

مادري اخاف الملكه اليزابيث<<الله من زين التشبيه والمقارنه


ان هالوغيد تراتس قاعد تشوفين مدرس عربي بالمستقبل

اما هالعوبه هذي تهبا هذي وهي هالصغر لسانه يلوط قراعيطها

اجل ليا كبرت وشتسوي؟؟



يالريم الله عطاتس وظيفه حطابه استخيري وارضي بها

واتركي عنتس هالوظايف اللي مالهن سنع


الله يبارك بالثور اللي خلاتس تكتبين لنا عقب هالبطا

لا خلا ولاعدم

يالريم[/align]

حطااابة ؟؟؟

تصدق جازت لي الوظيفة ,, بس مو بمعناها اللي تقصده أنت ,, بالمعنى اللي فهمتها به أنا أول ماقريت ردك >>>>>>>>>> بالله فهمت شيء ؟؟

كنت أحسبك كاتب خطابة

إلا وش رايك أخطب لك أنت وشلة الفلة ,, وأصير أخذ عن كل راس خمسمية وخمسين ,, والعروس ميتين وخمسة وسبعين لأن للذكر مثل حظ الأنثيين

بعدين من قال لك اني قاعدة بالسيارة أنا قلت قاعدة أحتري السيارة أنتظر السيارة أستنّى السيارة ماقلت اني قاعدة فيها

بعدين قلت لك قاعدة في ساحة الألعاب >>>>>>>>>ماصدّقت تلقى عليه غلط

يسلمو يالمطنوخ على هالتعليق والوظيفة [/align]

[شموخ]

هههههههههههههه
ياعمري يالريم انتى وسوالفك

العيال الصغار أحيانا إذا كان الواحد رااايق وده يسمع سوالفهم لكن البلشه اللي مايروووق الا شوي كيف يتحملهم هم وغثاهم

تحياتي لك
شموخ