السلام عليكم ورحمة الله وبركاته
هذه القصيده للشاعر عبدالله بن سبيل قاله بالامير محمد العبدالله الرشيد ـ المهاد ـ
( ماادري اذا هي بالمضايف او لا . على العموم زياده الخير خيرين اذا كانت موجوده)
[poem=font="Simplified Arabic,5,white,normal,normal" bkcolor="black" bkimage="" border="groove,6,burlywood" type=1 line=0 align=center use=ex num="0,black"]
بديت بذكر الله على كل ماطرا=مجيب الدعا معطي العطايا الجزايل
وتركت الهوى ماعاد بي طاري الهوى=ولا قايل بخيار قــــــوم مـثـــايل
ولا عاد لي في باقي الاشيا حسايف=أكود مشاهد راس شيخ بحــايل
محمد سلطان العرب موهب الذهـــب=هو خير من تافد إليه الــقبايــل
تشد النضا من كل فج تجي لـــــــه=كما تاتي البيت الشريف الرحايل
من جاه يلقى رغبة في جنابـــــــه=ومن راح مغلول يزيده غلايـــل
سهل على الدانين صعب على العدى=لكن عيونه صلو جمر الشعايـل
فهيم عديم يرهب القلب عــــارفــــه=لكنه يقرا الغيب وافي الخصايل
ولاشي غير الخمس ماهوب عالمــــه=مضى من سياساته وبخصه دلايل
يشوف عيان ما بدا إلا صدورهــــــا=ويشوف من المقفي نحور الاوايل
كن الاماني كلهن وســـط كـفــــــه=ولا على مضمون تيل بســـايــل
الى فتل بالاســـباب نـاقضــــــــه=على كل حال ولا لفتله مـحــايل
ولا كيل له قيل قصر دون قيمتــــه=وتزيد مكاييله على كل كـــايل
جضور من العليا جزوع من الــخــنا=جزوع رثوع الى اوجس الشد مايل
من ريعته يوم(؟؟؟؟) تـمـايـلوا=واهل القصيم وبان هرج الصمايل
ذبح روسهم والحي منهم بحبســـه=خذيل ذليل بالردا والفشايــــــل
وملك دارهم ومدارهم يوم دارهــــم=واللي شرد منهم رمى له حبايل
يصيدن حذرات الوحوش حبايلــــــه=ومصايده ما تدرك الا الجلايــــل
ومثل رثعته بمطير ماهي خفيــه=نهار تشيب أطفال سمر الجدايل
على ثرب يوم الله نوى بذهابهم=تمارح العزبات بين الــنـزايــــل
عقب مبانيهم وغاوى حــلالهــم=وباقي الشرايد يطلبونه زمايــل
هذا جزاهم يوم يدخل عقولهـــم=على مثل عمل ابليس ماهوب ضايل
أطاعوا من لاسرهم يوم ضرهم=غشوم يشوم عن القريب الموايــل
كثيرات رثعاته قليل سليمهـــا=إلى طنا ما يستمع للعــذايـــــــل
والى بغى امر ما يداري عواقبه=يجي له دجران من الغيظ شايـــل
إلى شال غيظه يرذي الخيل والنضا=تطول بواريده بعيد المخــايـــل
فيما يغيظ الغيظ إلا على العــدى=بيوم يغط الشمس قبو الدبايـــل
تضع منه ذات الحمل والمرضع اذهلت=لكن فوق اكبودهن الملايـــــل
على شفايا فرق البين شـمـلـــهم=على راي من لا هوب عنهم مسايل
إلى خرب الله شملهم ثم خربــــه=يصبح وسيع البال والغيظ زايـــل
أخذ مال ما حساب يضبط حسابه=وجوز عزبان وطلق حـلايـــــــل
مثل ما مضى ماهيب غر فعايله =ولا خير باللي مامضى له فعايـل
يهاوي ليال الشبط مع كثحة الشتا=ومن كثحة الجوزا يهاوي القوايل
إلى عثا بالشرق والغرب واليمـــن=وطاعوا وراعوا عقب ذبح وسحايل
تجاحرت حضره وبدوه تخامروا=كل يحسب ويش له من خــمــايـــل
ومرهم وحذرهم وهادوا وهيدوا=وصغوا له وزكوا له بليا فضــايــل
تعدى هقاويهم وضيََع هجوسهم=يبي عادته على اخباث الدغــايل
لكن يوحى له من الله إلىعــدا=يعرف مصارعهم وماهوب نايـــل
ناس ينفعهم وناس يــضــرهم=حليم بحال وحال عبث وعــــايـــل
إلى عال مثل الموت مامنه فرَه=والى عطى يعطي المهار الاصايل
صخي مناله كلمته من لسانـــه=مردَه على الكتَاب يغني قبايـــل
عساي من ألي ما يقصر بحقهم=عنيت لفضله والمشاحي قلايــــل
شفاتي إلى جيت اتحدث بمدته=قدَام أجاويد العرب والرذايــــــل
ولا رايح من عنده الا بواجبـــه=وعاني لفضله مثل راعي العدايل
نفاد لماله مثل ماقال والــــده=عسانا ما نعتاض غيره بدايــــل
ولا فرد يوم قلط الزاد قــافــر=عليها ظهور الخور والسمن سايل
وضواين جوف المتوع متقاضبه=كنَه مع الشاوي عطين الثمايـــل
على ابيار عوهات وساع مجاذبه=ولايشربون إلا بشط ومحايـــــــل
أعدد خصال الجود وازريت أعدها=إثر ما يحسب جوده إلا الهبايــل
شجاع تورخ بالأماكن فعايلـــــه=كما ورخوا للسلف الأول فعـايل
وهو خاتم الشيخان لا شيخ بعده=إشارة سميَه نزِِلت بالرســايــل[/poem]
وسلامتكم
رد مع اقتباس
المفضلات