[align=center]اخواني اعضاء مضايفنا الحبيبه
يسر حضرة جنابي ان ادعوا حضرة جنابكم لعشاء يوم الخميس ليلة الجمعه
واللي منكم يقدر يحضر فابرك ساعه
طبعا العشاء مضااااااااااااائفي
يعني لاهل المضايف ( وقردي بغيت اكتب لاهل الفله )
والله ياربع ماجاينا اجناب بس حنا
طبعا الدعوه للجميع يعني عضوين وعضوات
قصدي اعضاء واعضاءات ( وويلي بلشت شلون اجيبه )
الوكاد جيبو حتى وغدانكم
واللي يقدر يجي من برا الرياض يا هلا ومسهلا
وابرك ساعه
والموقع باستراحة الواحه
والتوصيف ( وانت جاين من مخرج 16 امش لين تجيك اخر اشاره اللي قبل بوابة الحرس لف يمين
وهد السرعه وراع يمين وامش حول خمس مية متر تجيك على اليمين )
واللي ما عرف الوصف يدق على جوالي واللي مهو معوه رقمي يرسل رساله خاصه ارسلوه لوه .
ادري انكم ماعرفتو الوصف توصيفي مثل وجهي
اخو ماني قايل
الاخوات العضوات
لا تصدقن ترا مافيه قسم لكن لا تجن نبلش بكن خخخخخخخ
واذا زعلتن ابشرن باللي يسوي لكن عزومه خاصه
ويحجز لكن استراحه ويخليكن تمذرحن
اقول لا تصدقن حيل
بغيت انسا
العزومه على شرف اخونا الكبير عايش العنزي
ويشكرون اخواننا اللي سوو هالعزيمه وحطوه براسي
اخواني حقين المضيف العام
والله اسف ياربع لاني اوذيتكم
بس والله من اليوم وانت اتخم بموضوعي هذا ولا ادري وين اوديه
ولا لقيت الا مضيفكم الغالي
لان المضايف الاخرى كلهم هررررررربوني
وتقلدوا تحيتي
[/align]
رد مع اقتباس
المشاركة الأصلية كتبت بواسطة الشبث
المفضلات