[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ربعي دعيجاتٍ على الحرب عيّان=وكم طفلةٍ ربعي تعشوا حليله[/poem]
"الدعيجات" او "الدعوج" هو لقب لقبيلة الشلقان من الزميل من سنجاره من شمر
هذي القبيله التي لاشك انجبت من الرجال الذين تفخر بهم شمر عامه
امثال دغيم الظلماوي وعبكلي والكثير
من هؤلاء الابطال "غريّب الشلاقي"
غريب الشلاقي فارس معروف وعقيد قوم حياته بنجد
لكن بعد ضهور فتنة الاخوان وصار هذا يذبح هذا وهذا يسلب هذا بدون وجه حق
الرجل الكبير يضرب والمصلين يذبحون
تضايق غريب من هالامور وانتزح للعراق هو وحول خمس طعش بيت من جماعته
وهو يسكن عند واحد يقال له "مرضي الرفدي من عنزه" واحدن يقال له"ابن رميزان من العبيد"
الوكاد هالثلاثه تعاشروا وصاروا مايفترقون الا عند النومه
يوم جاء اكا اليوم وغريب جالس ببيته وهو يشوف اكالرجال بين البيوت متقنع ببشته
وهو يدربل عليه يامار لبسه "نجدي" وهو يدري انت ياغريب ان هالرجال قاصده
ماابطا وهو ياصل بيت غريب يامار هذا "الحيد" من المرامشه من اهل موقق
قال غريب وش عندك يالحيد
قال الحيد :والله ياغريب منحاش بحياتي نجد ماهي على خبرك عثوبه الاخوان وانا هالحين منحاش لشمر الجزيره
فاتت الايام يامار الرجال متجمعين ببيت غريب اليا مار "اكالصلبي" راكب على حماره "الله يعزكم"
ويشحذ
وهو يجي من عند بيت غريب وسيده لقسم الحريم يشحذهن
وهو يراعي له غريب يامار هذا "منيف" ومنيف هذا صلبي لسنجاره مايعد باطراف نزل سنجاره
قال غريب :وين ياخو طليحه
تهول الصلبي من هاللي يعرفه وهو يلتفت يامار هذا غريب وهو يجلس يبكي انت يالصلبي
قال غريب "وشو اللي جابك بعد يامنيف من نجد"
قال منيف :منحاش من الاخوان
قال غريب :عاد انت وش يبون منك يامنيف
قال منيف :حتى انا ماسلمت يدورن اني منيف الصلبي لاني معزن جمع ولاني مذلن جمع
"يوم تجمعت هالاحداث على غريب وصارت كله بوقت واحد تمثل غريب بهالابيات
يذكربه بعض الاشخاص من شمر وبعض فخوذ شمر ويتذكر حكم الضياغم"
يقول غريب:
[poem=font="Simplified Arabic,5,white,normal,normal" bkcolor="black" bkimage="" border="groove,9,burlywood" type=1 line=0 align=center use=ex num="0,black"]
يالله طلبتك ياوسيع المحاريف=فتاح بيبان الضعوف المواصيل
يالله ياللي تذل وتعز وتخيف=ياحامي اطراف الحرم من هل الفيل
تفكنا من موهفات الصواديف=ومن شر لبدات الليالي المقابيل
ويا دك بي من واهس القلب تكليف=سيرت يم مبهرين الفناجيل
من بيت "ابوراكان" ريف المناكيف=اليا بيت "ابوساجر" ملم التحاويل
مجالس يطرب لها راعي الكيف=وندله بزينين القبل والتعاليل
بلاي ان قلبي لاغش غش ومخيف=ياشفت زومات السلف والنزازيل
يطري علي ربع بهم ندرك الحيف=ياركبت رشات الرجال المحاحيل
باسباب "برجس" هو و"مياح" ياحيف=ضاع الجهام ومردية كنس الحيل
اللي بهم نرعى الخطر والمخاويف=سون بهم سمر الليالي بهاذيل
وشتاتهم من نجد اليا سند السيف=ولاينشمت بامور منشي المخاييل
وياراكب اللي كنهن بالتواصيف=اسحاب ربدٍ طالعن شوف ازاويل
يشدن شواحيف نحاهن عواصيف=الموج حاديهن وهن ارتكن حيل
يعبن لتقطيع الديار المياهيف=رمل ولاذاقن لهيج المخاليل
وتنحر يمة سهيل اليا شيف=ومنا تروكم يالنشاما مراسيل
وياعلكم بجاه من يقري الضيف=تلفون مامرن عليكم غرابيل
ياجيتوا عقرب والرعون المشاريف=تزبرقوا قطعانهم بالدرابيل
واليا لفيتوا للارباع المشانيف=قولوا لابو علوش ريف المراميل
قل ياحيف ياغضبان ياحيف ياحيف=تنسوا مروين الغلب والشناكيل
ياخو دليل مابنجدٍ تحاسيف=يوم اخلوه رجال "غلبا" فواصيل
هل الفعول "الصدز" والحكم بالسيف=اليا كربن شحص المهار المشاويل
اللي بنجد دللوا شذرة السيف=راحوا سدادن للديون المساميل
وياخو دليل مابنجد مصاريف=باقت بنطاح الوجيه المقابيل
مار شم عن ديار عافها الحيد ومنيف=والرزق عند اللي يجيب الهماليل
دار بها الحقران يضرب بها الضيف=ماتنسكن دار الخزا والتخاجيل
وتر بعدك اطيب عن عفون الدناديف=دوارت الجنه بذبح الرجاجيل
وياراكب اللي عايزينه تواصيف=(00000) اللي تخيل المخاييل
وتزاعجوا عليه بعاد المساليف=وزاحت هل النواهات بعد المراحيل
لديار "شمر" تقري الجار والضيف=وعسى بخيرات المكاريه تسهيل
بين "الضياغم" و"السياف" هل السيف="واولاد مسعود" بعاد المواصيل
وربعي "هل الجدعا" اليا صدرن عيف=لهم بروجات السبايا تنافيل
"وعيال الفديغي" فوق قب مزاغيف=خيالة الادرار ماهم تزاويل
مع سربة "العصلان" عند التحاريف=يرون عطشان الحراب المغاليل
غلبا بكضات الحرايب مواليف=يتلون من عقب "المحزم" مشاكيل
بالله ثم باسبابهم ديرة الريف=نرعاه لو دونه اراضي هل السيل[/poem]
وعذرا على الاطاله ولكن ماحبيت اذكر القصيده دون المناسبه لان ماله طعم
رد مع اقتباس
المفضلات