[poem=font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black"]
وجدي عليكم ياريش العين طالي=وجد السجين اللي تقفوّه بسيوف
قامت تحدّه مرمسات الليالي=حكم عليه اعدام والموت مشيوف
من عقب ماهو داله البال سالي=حكم الليالي يالغضي مابهن روف
اقبل من "البصره" وهاك المدالي=محمّل الموتر "هيراوين" وصنوف
قطع "جلد" من عند حد الشمالي=من عند "رفحاء" وارتحل ناوي "الجوف"
لاشك دنيا ماله اول وتالي=ماجت على كيفه مقادير وضروف
شافوه منهم للحكومه رجالي=خفر السواحل اقطعوا يمه الشوف
جته المواتر مثل صفق الخيالي=غصبٍ على المطنوخ ينتابه الخوف
اطلق عليه النار مع كل جالي=وجابوه للتحقيق والسجن مكتوف
قرّب قصاصه وللشريعه مجالي=ولاتنفعه توبه ولاتنفع نكوف
قام يتذكر زوجته والعيالي=من بينهم صارت عراقيل وصدوف
وامٍ وحيده مالها اليوم والي=ياكود ربٍ للمخاليق عاطوف
هذاك حاله ياريش العين حالي=وجدي كما وجده مضامين وحروف
كنت احسب انك للخطا ماتبالي=واثرك على الزلات يازين ملهوف
ياعين ريمٍ مرتعه بالسهالي=مجفّله من حس قناص وحفوف
منك الجدايل وصفها كالحبالي=قامت تثنى من على صدر وكتوف
ليتك لنا يازين تصبح حلالي=ولا من اسبابك انا رحت "يانوف"
[/poem]
رد مع اقتباس
المفضلات