[align=center]:2:[/align]
قصة خليل بن عايد
كان خليل رجال مطوع وامام مسجد في مدينة القصيم ، واذا مر صوب الحريم او مرو صوبه ما كان يلتفت عليهم ولا يناظر فيهم، وكانت الحريم دايم يسولفون فيه ويمدحونه ،قامت وحده منهم وقالت انا اوريكم فيه والله لكيد له، تهيولت بالمرض وانها مهي طيبه وتبي خليل يقراء عليها ،وكانت تروحله وهي مطيبه ومتزينه، وقراء عليها ليلتين ومن بعدها ما جاته، وهو المسيكين حبها وتولع فيها، قام المقريد وقصد قصيده ووجها لشاعر (جبر بن سيار التميمي) وهو يقصد مر ابن بسام من جنب البيت وسمع خليل وهو يردد القصيده،ويوم الصبح الصبح ،راح ابن بسام لولد خليل وقاله قل لابيك انه البشت الي يصلي فيها مهي طاهره. يوم دار خليل انه ابن بسام اسمعه وهو يقصد .رحل خليل من المدينه الى مدينه اخر .
وهذي قصيدة خليل بن عايد:
[poem=font="Simplified Arabic,4,darkred,bold,normal" bkcolor="transparent" bkimage="backgrounds/17.gif" border="double,4,sienna" type=2 line=0 align=center use=ex num="0,black"]
مقصودي البادي مزيل المهمات=عوني على الحاجات مغني المفاقير
زبني عن اسباب الامور العظيمات=او اي زبن من تنصاه ماذير
ربي ايلاهي مقصدي فيه مكافات=رجواي مذخوري عليه التدابير
قلته وانا اجفاني عن النوم سهرات=والقلب كنه فوق عوج المناشير
الناس كل ياخذ النوم سجات=وانا كني فوق حامي المجامير
اسهر وليلاتي من الضيق قزوات=روحي على صدف النيا والهواشير
قمت اتقلب واخذ النوم ساعات=واقزي كما تقزي ركاب المعايير
باح العزا والسد مني بحومات=خشف ادعت ليحان قلبي تناثير
وقعت في غي الخشوف الربيبات=تلع الرقاب ابكار غر غراغير
ردني في سن عصر الجهالات=وقد هجوني في هوى الغي تهجير
بلواه ولا تنجي المخيف الحذارات=ولا تفك الي مضن المقادير
ما كان صابن غيهن والمشاكات=او يحترك قلبي بحب الغنادير
الد ولالي في ذا الافنان شوفات= ولا يفز القلب لوهن جواهير
لا شك انا كتبت علي الشقاوات=وارضى بتدبيره على الشر والخير
ولا تقول انه تفك النذارات=ولا تلوم المبتلي وادع له خير
قل لا بلينا وادع له بالمعافاة=تنجي وهي لك من خيار المذاخير
بالك تهزى والبلاوي بصدافات=ترى سبب مابي تهزيت بالغير
اعرست ابي عن فزة القلب مكفات=وغديت مثل الشاه تتلي الجزازير
مثل الحمامه صرت نيشان الافات=لو هي بشطب دارها الهم تدوير
عز الله ان سهومهن لي مجيدات= داسن قلبي بالحذا والمسامير
عز الله ان صرت للعين مقضات=عزالله اني بيد ربع مشاهير
من راعي الحجلين والخصر وسبات=وذريع كنه اقلوب الجمامير
ورهايف غر من النور غرقات=لواحظ خرس لمثلي سحاحير
وذوايب من فوق الامتان سافات=وقذيله تمشط بطيب العطاطير
يا زين شف قلبي جروحه عطيبات=اتعبتني وازريتني بالمعايير
حملتني بحمول حب ثقيلات=وصلاة ربي عن الفرض تقصير
بقرايتي للحمد واقرا التحيات=والواجب ان قلبي عندك ايلادير
عليك اجاوب راعبي الحمامات=في كل مشذاب رفيع المقاصير
اصيح وابكي عاد ما شوف فزعات= مثل الصياح اللي بوسط المقابير
مالي مجيب غير والي السموات=يفرج لمن ضاقت عليه المعايير
مانيب مبسوط همومه مريحات=ما لاج في قلبه سوات الزمامير
مكفي هموم ما بقلبه حسافات= ما جا بقلبه غير جمع الدنانير
وخلاف ذا يا راكب اللي معفات=حمرا تكب الكور كب النواحير
امه سحيما من ركاب الشرارات=وبوه شعيل من ركاب المناصير
مربعها الصمان دون الحتيفات=فوقه سواة الرجم تجفل من الطير
فوقه قطامي يودي الرسالات= ما يكلفه قطع المناهيج والسير
ريض تحمل من حليات الابيات=بسجله سطر بها الحبر تسطير
سلام مشفوق ولابه مراواة= وهو على كفة احياض الخفافير
وتحية مالج بالبحر موجات=واحلى من البان البكار الخواوير
تهدي الى جانب جميل السجيات=هو جبر ابن حزمي اخا نية الخير
عذب النبا راعي العلوم الجميلات=ما قط يكسب غير حلو المفاخير
يا جبر نشكي لك وبالقلب علات=افضي عليك السد وسهر وتجهير
تجبر فؤاد بالشاكاة ساعات=والافلا يجبر سوى الله مكاسير
يا جبر في مثلكم تجوز المشكاة= على السعد في حال وجد المقادير
يا جبر نشكي لك امور فنيعات= في ضامري ياجبر مثل الصهاهير
يا جبر لو هي بالجبال الصليبات=ذاب الصفا منها كما ذوبة الكير
يا جبر لو هي بالجمال السمينات=جضت وخلوهن هزال مقاصير
يا جبر قالات بقلبي خفيات=عزالله انه بي ثقال جماهير
ياجبر عن غيري رماحه خطيات=وعزالله انه بي عدال سوامير
ياجبر عن غيري علومه مصدات=وعز الله انه بي ورود ومصادير
يا جبر لا تاتي معزي سلامات=تراي مثل اللي كفه البير
ياجبر لو تقري كتاب السريرات=حنيت له وحنة ركيب المداوير
ياجبر خذ مني عهود مثنات=مادرتهن ما ران هاذي المقادير
قلبي تعنى للبلى والمصيبات=اسومهن بالقلب مثل التفاكير
يا جبر خذ ديني وعندي مساهات =ما هم قلبي بالعلوم المناكير
ولا تعبت بطردهن والمراعاة=ولا مشت رجلي لهن بالتدابير
من كاعب يا جبر تسقين كاسات= كاس العنا وكفيت شر العواثير
وختام قيلي في شريف الصلوات=على شفيع الناس يو التحاشير[/poem]
[align=center]و[/align][align=center]سلااااامتكم[/align]
رد مع اقتباس
بل منطقة القصيم اللي به مدن بريده وعنيزه والرس......ا ل خ،،،،،،،،
في كل شي طوفها يا اخي 
انا كذا بسميك 
المفضلات