استفسار مهم

[سيف ومنسف]

[align=center]السلام عليكم

مساكم الله بالخير

يالربع

ياوجيه الرفاقه

عندي استفسار جاني والله من كبار سن مايعرفون النت

قالو لي استفسر لنا عنه

وانا مالقيت الا مضايف شمر لأن المذكور في بيت الشعر المستفسر عنه

هو عبيد بن رشيد

فقلت اكيد خوالي شمر عندهم خبر

<< طبعاً خواله شمر

فقلت هم راعين الاوله وماهو قصور بغيرهم

لكن الشخص المذكور بالبيت الشعري هو عبيد بن رشيد وشمري

فأكيد بيكون عندهم خبر

انا ابي تكملة القصيده ان وجدت او كم بيت منها ومن قايلها اذا ماعليكم امر

ولاهو بيت شعر بعد صدر بيت

يقول

لاصرت قصاد وعبيد قصاد .....

هذا صدر البيت

ولا ادري وش هي تكلمته

اتمنى الاجابه وبإنتظاركم

شاكر ومقدر جهودكم وتعبكم

لاعدمتكم يالخوال

تحيتي[/align]

[هايس الشمري]

[align=center]هلا يالبناخي


حياك الله




اما انا والله ما عندي عنه فكرة عنه

ننتظر الاخوان و ما يقصرون ان شاء الله

اخوك


الذيب[/align]

[المطنوخ]

[align=center]يالغالي بالعلوم هذي مالك الا راعي الوقيد ولا يهونون باقي الاخوان

اصبر شوين ابي اصوت لوه واجيبه معاي

انت الحين تقهوا ومالك الا طيبة الخاطر

الا وشرايك نسير انا وياك يم مضيف الترحيب

الربع عازمينك هناك يقولون يركبك حق ان ماتقهويت عندهم ويبون يتعرفون عليك

حياك الله ياسيف ومنسف بين اخوانك وخواتك[/align]

[راعي الوقيد]

[align=center]سيف ومنسف

حياك الله عزيز وغالي

بالنسبة لإستفسارك عن البيت ..؟

اللي سمعته طال عمرك انا بس هالبيت وكان السبب أن شاعراً جاء يمدح الامير عبيد الرشيد فقال له عبيد سأكافئــــــك بقصيدة أجود منها وأطول فقال الشاعر :

[poem=font="Simplified Arabic,5,white,normal,normal" bkcolor="black" bkimage="" border="groove,4,gray" type=1 line=0 align=center use=ex num="0,black"]
لا صار أنا قصاد وعبيد قصاد= ما للعمى عند المفتح حذية[/poem]

وبعد هذا الرد السريع امر عبيد له بناقة ،ولما اخذها الشاعر راح يتحسس سنامها بيديه فقال له الرجل المكلف بالعطايا لا تخف إنها سمينة فرد الشاعر أعلــم انها سمينة فالامير لا يعطي الا السمينة ولكنني أتلمس سنامها لأرى مــــــــا اذا كان الامير خبأ لي في شعفة سنامها خرجية من النقود فأسرع الرجل إلى عبيد الذي امـــر بالأٍسراع في وضع النقود لكي لايكذب حدس الشاعر في كرمه ،،،

لك التحية
والسلااااام ...
..[/align]