هنا المجد وهنا العز وهنا شرع الله وكتابــه

هنا أمية مجد مدري عام مدري كيف نحسبـــها

هنا التاريخ نفسه لو يحسب ضيع احسابـــــه

وأهو عنده عذر دامه لحاله صعب يحسبتــــها

هنا سيفن على الحق ومع الحق ومع اصحابـــه

هنا امواجن تلاطم ما ربح منهو يقربــــــها

ظهر منا عظيمن اجبر التاريخ يشقى بــــــه

ظهر عبد العزيز اللي فعوله صعب نكتبــــها

ظهر في نجد واثري نجد تشكي غيابـــــــــه

معاشقه على وضح النقا ترجيه يخطبتـــــها

وكبر عبد العزيز وحظنا يومه كبر جابـــــه

نعرف ان نجد فتنه بس ما كلن يقربـــــــها

وكبر هذا العظيم ونجد صارت اقرب احبابـــه

وأهو طبعا يده اطهر يد لمست ذوايبــــــها

ومع انه راح ولكن نجد عجزت تطوي كتابــــه

تعده الف مره كل ما عدت حبايبتـــــــــها

تقول امجادكم لليوم هذا هي من اسبابـــــه

ترى مهما وصلتوا حسبتن بالضبط حاسبتــــها

وقالت جعل ربي يرحمه ويطهر ترابـــــــــه

عسف شبه الجزيره فيديه وصار صاحبــــــها

مع ان شبه الجزيره كانت اشبه حيل بالغابـه

ولكنه عرف زيزومها وشلون يكسبــــــــــها

حكمها في كلام الله وشرع الله وكتابــــــــــه

ونفسن ما يهذبها الكلام السيف هذبـــــــها

خالد المريخي

اخوكم العزيز طلال الزقروطي