[poem=font="Simplified Arabic,4,orange,normal,normal" bkcolor="transparent" bkimage="backgrounds/37.gif" border="none,4,gray" type=0 line=0 align=center use=ex num="0,black"]
سار القلم سجّل على صفحة البوك=واقفى يسطر من معاني حروفه
شعرٍ نضمته من شفا الراس مسبوك=فوق الورق والعين غصبٍ تشوفه
"وش نوح" بابك ياريش العين مصكوك=امس العصر يازين قمنا نحوفه
بسطحكم سلك "الفوانيس" مشبوك=لمبات ضوٍ يالغضي بكل طوفه
قلت:السبب قالوا: الخطاطيب مروك=ياعونة الله رحتي اليوم مزفوفه
الله يلعن ساعةٍ يوم زفوك=مع زفتك زفوا لروحي حتوفه
وش السبب عن دربنا ليه صدوك=ياعين ريمٍ يتبعنه خشوفه
او عين حرٍ يودع الجول مدكوك=يابو جديل ضافياتٍ ردوفه
غرك زمانك والمخاليق غروك=وهذا زمانٍ ماتطيعك ضروفه
ان كانها بالغصب يازين ودوك=لاوالله الا راح عمري حسوفه
الله يسهل منزلٍ فيه حطوك=وعسى بحياتك كل خيرٍ تشوفه
من باعنا يازين بعناه بصكوك=ورجم المذله يالغضي مانطوفه
دربك يسار ودربنا مابه شكوك=ونفسي على المقفين ماهي شغوفه[/poem]
رد مع اقتباس
المفضلات