[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مل السهر مني وانـا منـه مليـت=
يشكي على جفني وجفنـي شكالـي
من غيبت اللي راح من دون توقيت=
اسامرالنجمـات طــول الليـالـي
اسهر وانـا لانـي بحـيٍ ولاميـت=
بين الرجـاء واليـاس والاحتمالـي
كني صويب الداب ابو ناب واشفيت=
للمـوت والعربـان مامـن موالـي
اقطع مع الهاجس رهـاد السباريـت=
واليا صحيت ادله معـى ماجرالـي
هذا وانا فـي عشرتـه ماتماديـت=
ياكيـف لولـي حـول والا حوالـي
نصف السنه قضيتها معه واخفيـت=
من عقبهـا دربـه ولا لـه توالـي
حسبي على الفرقاء ليا اقبلت واقفيت=
تثـر علـى الرجـال يـا هملالـي
لو هو بقو الصبر شايع له الصيـت=
لابـد مايشكـي عنـاء الارتحالـي
ياكثر ماللحـزن بالجـوف خفيـت=
مير البلا بـاح العـزا عـز تالـي
ادله وافز لطاري اسمـه لياأوحيـت=
وآون من حالي علـى فقـد غالـي
كم ليلةٍ بأسمـه صرخـت وتغنيـت=
كنـي معـه جالـس وكنـه قبالـي
واثري معى طيفه جلست وتهنيـت=
ماهوب لاحولـي واثرنـي لحالـي
فرقاه رمحٍ صابنـي منـه عانيـت=
يضيق منه الصـدر لوهـو شمالـي
روح ولا للوصـل رجعـه وتثبيـت=
الا بطيـف أحــلام والا خيـالـي
لو هو على الدنيا رجيت وتشافيـت=
مير البـلا تحـت اللحـد والهيالـي [/poem]
رد مع اقتباس
المفضلات