صلوعلى النبي
[poem=font="Simplified Arabic,6,white,normal,normal" bkcolor="transparent" bkimage="" border="double,4,black" type=1 line=0 align=center use=ex num="0,black"]
يــا الله يــا مـالـكٍ انـسـه مــع جـنّـه =
والخلق بيديـك تصريفـه وتدبيـره
تـبـرج لعـبـدٍ جــداه مـجـاذب الـونّــه =
يلعب به الهم من ديـره الـى ديـره
لا نامـوا النـاس حــن القـلـب لــه حـنّـه =
ودقت اهمومه طبولٍ واشتغل زيره
صـبـرت للهم واعـلـن حـربــه وشـنّــه =
وجيشه علىالمعركه صفت طوابيره
وكـبّـرت بالله وسـقـت الـخـيـل بالـعـنّـه =
وهزمت جيشه وجيشي ضده مغيره
ونصـرنـي الله بصـبـر كــم لــي اكـنّـه =
اصبر وصدري ما ياسع حبة اشعيره
وجـات السـوالـف بـزيـن اللـبـس تزهـنّـه =
لا سمعت الصوت مني ساقها غيره
قالـوا حضرنـا نـجـاوب صـوتـك وغـنّـه =
مادام تبغي الطرب جبنـا مزاميـره
والـوقــت عامـلـتـه بـديـنـاره ويـنّــه =
عوّد يبيع السلـع مـن دون تسعيـره
مـا عـاد ميـزت سعـر الهيـل مــن بـنّـه =
كيف العرب صار مثل الببس والبيـره
فـيـا وارد الـعـد جــود حبـلـك وثـنّــه =
علمني الوقت امس الحبل واغيـره
فالله ولا الفـزعـه الـلـي بـعـدهـا مـنّــه =
،الفزعـه اللـي تمـن.الله ولا غيـره
لـو كـان تخرجـنـي مــن الـنـار للجـنّـه =
رجا الله ابدى من ابن ادم ومن خيره
فالطيّـب اللـي يجـي ضنـي عـلـى ضـنّـه =
وان زل منّا حدٍ مـا قـل تقديـره
والـلاش لا اخطـى عـلـي والله مــا احـنّـه =
ادور لغلطتـه واحـب تعـزيـره
كـل مـن النـاس لـه مـذهـب ولــه سـنّـه =
ذا الوقت ما عاد تعرف للبشر سيره
والحسـد مــا يمـنـع الفـنـان مــن فـنّـه =
بالعكس يمكن يزيد الفن تطويـره[/poem]
رد مع اقتباس
مشرف مضيف الترحيب والتعارف
المفضلات