قصيدتي لاغدى ضيّي ......((للشاعر فهد عافت))

**الفيصـــــــــــــــــــل** · 28-01-2002 21:12

هذه القصيدة اطرحها استجابة لطلب مشرفة الشعر الشعبي الأخت/مجموعة انسان

والتي سرتني بمتابعاتها المتلاحقة فشكرا لها وهذه القصيدة كما طلبتيها يامشرفتنا القديرة.

.......................................................

قصيدتي لاغدى ضيي / للشاعر فهد عافت.

قصيدتي لاغدى ضيّي

شحيح وارتبكت يديني

وتعثرت بي خطاويي

ولاعاد رايي يقديني

وصرت أطلب الصاحب يعيّي

ماغير بعدين بعديني
\r
وتنكرولي بني خيي

واستسهلوني معاديني

والموت ماعاد متهيي

والعمر ماعاد يمديني

تكفين لايابعد حيي

ظلي معي لاتهديني

ماكان لك صاحب زيي

وشلون اجيك وترديني

اما افزعي وانصفي غيي

ولا ترى الناس مقديني

**فيصل اللويش** · 28-01-2002 23:39

الا خ الغالي000 الفيصل

جدا جميله هاالمشاركه لهذا الشاعر الرائع والمبدع

صح لسانك ولسان المبدع دائما فهد عافت

فيصل اللويش

**مجموعة إنسان** · 29-01-2002 00:56

الأخ الفيصــــــل

مدري شقول بس ماشاء الله عليك

والله يعطيك العافيه على هذه القصيده

من زمان أدور عليه سمعتها بالتلفزيون مره

مره ثانيه لك كل الشكر وللمبدع فهد كل التقدير.

مدري له ديوان أو لا ؟؟