[align=center]أعزائي
ارجو ان تقبلوا مني هذه المتواضعه
اتمنى ان ترتقي الى ذائقتكم[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/33.gif" border="solid,5,gray" type=2 line=0 align=center use=ex num="0,black"]
يامعذبة القلوب الساهية لاتهجريني=انعشي قلبي بوصلك وانعشي باقي سنينه
حرضي قلبك على قطع الجفى وارضي كنيني=مثل ما قطر الندى حرض زهور الياسمينه
طيفك العذب الندي مايوم فارق مقلتيني=ساكنه في جوف ذاتي في حناياي الطعينه
والله اني لاسهيت وجا خيالك وسط عيني=انتشي كني غريق ٍ شاف اشرعة السفينه
ولاصحيت وشفت انه طيف حلم ٍ مكتسيني=ضاق بي وسع الفضا واسترسلت دمعه دفينه
نعنبو غيرك وش اللي صار مابينك وبيني=لجل تجفيني وانا اللي كل كلي لك رهينه
الجفا سم ٍ على قلبي واصبح محتويني=وصلك الترياق جودي لي بوصلك يافطينه
من غيابك الفرح كنه زعل عيا يجيني=والسعادة اعلنتها حرب مابيني وبينه
في غيابك كل سعد ٍ من غيابك مايبيني=والشقى قام يتودد لين جودني بيدينه
بعد بـُعدك تهت انا مالي هوية وين ويني=والهنا ما من هنا وين الهنا ويني ووينه
امهليني علـّني اثبت مدى شوقي وحنيني=واثبت ان القلب بعدك هم واشياء ٍ حزينه
راجعي نفسك وشوفي يمكن انك تنظريني=يمكن انك ترجعين وماقطعتي توصلينه
وكان عزمتي على هجري وبعدي اهجريني=واقتلي قلبي بهجرك واقتلي باقي سنينه[/poem]
[align=center]أخوكم/ بدر
عذب الوصل[/align]
رد مع اقتباس
المفضلات