[align=center]الورق. ./
يشكي الجفاف
ابيض
مثل ذاك العفاف . .
ماشكى حرفٍ كذوب . .
ولا مشى درب انحراف . .
الورق . .
هو من كتبني . .
وانتحر فيني
اعترااااف
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون الورق ابيض ../ واقول إن الورق مهجور=أنا وشلون بأكتب شيء وخلي طوّل بهجرهـ ..؟!
حبيبي ليه هالغيبه ..؟! / ولابيّن لفجرك نور !! = أنا اسأل من يجاوبني حبيبي من قتل فجرهـ ..؟
يقولون العرب: غاااايب . . واقول: إنه مهو معذور = أنا لاغااااب عن عيني يغيب العالم بأسرهــ
كفايه ياعرب وينه ؟ / واشوف إن الورق ممطور = اكيد إنه على الحروه / قلم شعري نثر حبرهـ
حبيبي كل هــالعالم قلوبه في غياااابك / .. بور !! = تعال بسرعه اش باقي؟! / أنا قلبي نفذ صبرهـ
تبي تعرف وش احوالي؟ / انا هالشوق بي منثور = تبي تعرف وش علومي؟/ تعال وكفكف العبرهـ
أنا ادري هالتعب هدك . . تعالي / ياملاك الحور = تعالي واسمعي همسي حزينه فيني النبرهــ
تعالي و انثري فيني نواوير , وزهر , وعطور = كفايه انتي بغياااابك / دموعي ياكثر نثرهـ
ترى إنتي لاحضر طيفك / يكفيني عن الجمهور = والى من غبتي عن عيني على الخفااق ياكبرهـ
تعالي " شمس " في دربي تبدد عتمة الديجور = تعالي " ياسنين " الحب كفايه لخاطري كسرهــ
ترى شوقك هو الباقي / بصدري من زمان الجور = اذا غبتي يسليني / وطيفك داخلي أسرهـ
تغيبي وانتظر بكره / وقلبي بالغلا معمور = يجي بكره / يجي بعده / و لا يبقى سوى الحسرهـ
وعلى درب اللقاء واقف رجل مع قلبه المكسور = يناظر سكة رجوعك / يطق اصباااعه العشرهـ
طفل ../ في عينه الدمعه / رجل../ في هالزمن مقهور = حزين / يقّلب أوجاعه ../ يخمن عسره ويسرهـ
يبات الشوق في عينه / وعشق بخافقه مسمور = يقول الشعر بحضورك/ ويخجل لابغى نشرهـ
ومدام إن القلم حبره تهامل ../ والورق ممطور = اكيد إنك على الحروه ../ ونورك شع به فجرهـ[/poem] [/align]
رد مع اقتباس
المفضلات