هذا وهو توفي !!

[ريم شمر]

[align=center]صراحه البنت هذي تبي لها مخطر مع الغارب

على قولة ابو غازي والله مادري هي كذا بعد والا لا


سألتها عن طريقة التوفي ومير تجيب لي قصة حياتها

اجل لو اني سألتها عن طريقة الجريش


بعدين انا اعرف نواياها ....هي ناويه تجيب لي جلطه مستعجله

كل شوي تسولف عن الرياض ومطر الرياض الين بغى قلبي يوقف

عموما هي طلبت مني استر ماواجهت ولاانشر فضايحها

وانا اقول وحده بوحده والبادي اظلم

خلي الكشتات في بر الرياض تنفعتس <<<< مقهوووره



الحلقه الثلاثين من طاش ماطاش

بطولة وفكره الريم

لاتفوتكم الايقونات
7
7
7
7


والله ياريومة مالتس علي يمين ,, لو انتس بالرياض كان عطيتي روحتس ركبة وعذرتيني على هالتطنيشة

وقسمن جو مهبول غير طبيعي وأمطار وسيول وغرق وسعة صدر تخليتس تعافين الدنيا كلها >>> الله من زين التعبير

بر الرياض تحول بقدرة قادر إلى بحيرات عذبة والشعبان كلها ماشية

لا ,, وكله كوم وملهم كوم ثاني >>>> مسوية جولة تفقدية لضواحي الرياض

أبشرتس صار فيها شلالات ماهنا بعد عن شلالات نياقرا كل جبل ينافس الجبل اللي جنبه بشلالين ثلاثة

مرينا مع طريق سدير القديم قبل البير بشوي واثر السيل عامل عمايلوه فيه

فاتس بغيت أوهقهم فيه نزلة في الطريق قاطعها السيل ولو تمر معها السيارة الصغيرة تصير كبيرة >>>> ياملحي على هالوصف

قصدي ان الداخل مفقود والخارج مولود >>>> ايه هذا الحتسي اللي يجمد على الشارب

طبعا مثلتس عارف سيارتنا لاهي جيب ولا شاص ولا حتى هايلكس

من هالسيارات الخكرية

قالوا لازم نرجع لأن سيارتنا ماتقدر تقطع هالطريق ,, قلت الا والله تقدر قبل شوي مارة سيارة وطلعت منه ,, ترى شكل الطريق كذا بس ,,والا هو تراه مايوهق >>> الا والله أنا اللي أوهّق

المهم حلفت لهم اني شفت سيارة مارة من عنده وطلعت زي الشعرة من العجينة بس اللي ماقلته لهم هو ان هالسيارة جيب >>> بس ماأتوقع هالمعلومة مهمة بالحيل

المهم جيناتس داعسين ولا والله هالموية تغطي كبوت السيارة ونص القزازة

طبعا خذي وخلي ,,العالم يدعون علي وأنا فاطسة من الضحك >>> الله من البرود

بس أبشرتس طلعت النتيجة سليمة وكل شيء تمام التمام ,, والأحلى إن هالعالم بسياراتهم وجيوبهم قاعدين يتفرجون علينا وأحس بنظرات الإعجاب في عيونهم بس قهر مادروا إنها فكرتي

تقريبا درنا قرى سدير كلها ابتداء بالرياض >>> معليش خليت الرياض قرية من قراها

وانتهاء بالمجمعة والله ياهي سايلة وسدها يجيب لتس دوار السيل

عاد ودي إننا مكملينها وواصلين عندكم في الارجنتين بس ماكتب الله

ريومة ,, الظاهر سؤالتس كان عن التوفي والا لأ ؟؟ [/align]

[المهرة]

[align=center]
لازم تكملين القصه 00
الكاميرا الخفيه كانت بالموقع وصورت لنا هذه الصورة بعد ماالريم وهقت اهلها طبعاً على وصف
الريم الرياض انقلب الى بحر ماهو شلالات



وربي من قلب ضحكت 00 يوم اقول هالبنت تملك خفت دم الله لايغير عليها (( الريم ))


يسلمووو ريوومه على المشاركة اللزيزه
اختكم 00 المهرة[/align]

[المطنوخ]

[align=center]ريم شمر.....

اقصري حستس الناس نوما وانتي من هالفجور سوالف مع الريم؟؟!!

ياليتس غرقانه<<<يسمع بالميانه
[/align]

[المخاوي]

[align=center]^
^
^
انا اشك ان هالبنت ماانطلق لسانه الا قبل فتره وجيزه

^
^
^

انا لو منتس ياريم كان وافتكيت


[/align]

[الجازي]

[align=center]

عموما هي طلبت مني استر ماواجهت ولاانشر فضايحها

وانا اقول وحده بوحده والبادي اظلم

الحين بالله وشلون تفكرين أنتي !!؟

والله بديت أشك انتس صرتي أرجنتينية من جد

يالذكية يوم أقول لتس استري ماواجهتي كان قصدي على الرد المشطوف اللي هناك لأنه مالأمه داعي

والا لو إني أقصد استري ماواجهتي على موضوع الكشتة تسان ماسولفت بها خلقة يعني لهالدرجة الدلاخة أفضح عمري وأقول لتس استري علي

بعدين ياريومة أنا ملاحظة انتس هاليومين مستلمتني في مواضيعتس مرة فرحانة اني محبوسة وتجمعين لي تبرعات

ومرة تبين طريقة التوفي وتطرديني من الموضوع قدام الخلق

والحين ناشرتن غسيلي بهالكشتة

واحيانا ترقعينها وتشلحين قصايدي وتحطين لها تصاميم من راستس >>>> جاحدة معروفتس

ريومة ياحبيلتس بس والله مدري وشلون بيجي اليوم اللي أزعل فيه عليتس >>>> خوش صداقة

يالله يابعدي ,, أنا وكشتتي والرياض كلها بأمطارها وهبالها وسعة صدرها فداتس يابعد الأرجنتين كلهم [/align]

[راعي الوقيد]

[align=center]<< آخر واحـــــــــــــــــد

اجل صدز ما يتبلش في بؤها فوووووله

ياليل الصب متى غدهـ ** اقيام الساعة موعدهـ

فدفدي[/align]

[ابو غازي]

[align=center]

الحين بالله وشلون تفكرين أنتي !!؟

والله بديت أشك انتس صرتي أرجنتينية من جد

افا يالبتنااااااااخي اااالريم
ماني خابرن دمك أرجنتيني
بعدين هو مباقي ن شين من الدميم العرجنتيني تعطين خالتس أغديني أصير حمر



ااااااااااالريم
انا ويش أنا قايلن لتس منذو مبطي
ماقلت لتس لاتعلمين ريم شمر بسرار عايلتنا أجل ماتدرين إن ريموووو ه إرهابيه وعضوه بالمافيا العنصرية الشمرانيه وليست الشمرية

[/align]

[مفتاح14]

يعني كل هذي رساله خاصه؟

أجل وشلون لو تبي تجلس معتس؟



ريم..اذا عندتس رسايل غير هذي هاتيهن..بعض الرسايل عن مواضيع

[مناكد]

[align=center]الحمد لله على السلامه يالريم...


أشوا اللي سلمتوا ماغرقتوا مثل هالمهبل اللي حدر...


هذه الصور من منتديات مكشات...وهي يوم الجمعه 16 محرم 1426 هـ...



















أخيراً اسأل الله العظيم أن يحفظنا وجميع المسلمين بحفظه...[/align]

[الجازي]

[align=center]^
^
^


يوم الجمعة !!

هذا حنا الله لايفضحنا

مفتاحووووووووووه :

اللي في الرسايل الخاصة مذكراتي التاريخية أما مثل هالخفايف تلقاها منثورة في بعض مواضيع الأعضاء مثلك وشرواك <<<الله يكفي مواضيعك شر خفايفي

الحتسي اللي حطته لكم ريموه جايبته من مقطع لي في هالموضوع :

الظاهر أول مرة تزور هالمكان [/align]