طلال بن غازي ،،،
[align=center]
السلام عليكم والرحمة
اقدم لكم اليوم قصيـــــــدة للشاعر والفارس طلال بن فريــــج بن غازي الشمري ...
يقول شاعــــــــــرنا :-
[poem=font="Simplified Arabic,5,orange,normal,normal" bkcolor="blue" bkimage="" border="double,4,gray" type=0 line=0 align=center use=ex num="0,black"]
عديت في راس الطويل المنيفي=واصبحت من رقي الرجوم تعباني
اخيل مظهور الحبيب يهيفي=بأيسر قطن بين الموشم وباني
احقهم بالشوف شوف نظيفي=لما غدا باقي العرب ذيهباني
وحولت من راس الطويلة معيفي=ماني لوضاح الثمان ارجواني
ياراكب من فوق عجل الزفيفي=مامون قطّاع الفيافي عماني
يشبه نعام جافل من ذريفي=اول شكوك وتالي الزول باني
اقفى يومي بالجناح الخفيفي=والريش شالنه ثنادي سماني
عليه من يوصل سلامي حليفي = عياد شوق مفلجات الثماني
عياد حيثك بالمعاني ظريفي=وتقلط اليا هاب الذليل الهداني
حالي على مظنون عيني عنيفي=وصايف ٍ ماهن على مودماني
ياغصن موز ناعم مستريفي=متمرجحٍ بين اللزى والسواني
صخفٍ بلطفٍ للنسايم يهيفي=نبنوب لاوبنه ولابه مثاني
علي .. لا سلطان ولاهو شريفي=مقطّع ٍ كل الحسب والعواني
رجلي اليا شافت عشيري تقيفي=تحير رجلي ما تعدى مكاني
له مبسم من كل ذربٍ نظيفي=يضفي على اللي كالزهر قحوياني[/poem]
وسلااااااامتكم ...
..
[/align]
رد مع اقتباس
المفضلات