[poem=font="Simplified Arabic,6,blue,bold,normal" bkcolor="transparent" bkimage="backgrounds/1.gif" border="groove,9,indigo" type=2 line=0 align=center use=ex num="0,black"]
((وجيه المرايا))
؟ ؟ ؟ ؟ ؟
ماهان وجهـي ياوجيـه المرايـا=مير القدر فرحة شبابـي سرقهـا
كلي سفر وايـام عمـري مطايـا=تركض وفكري غايته مـا لحقهـا
الله ياكـثـر الخطا.والخـطـايـا=في عالمٍ شمسه تـوارى شفقهـا
عامين يجتـاح الظلـلام الزوايـا=ومدري متى هالشمس يشرق شنقها
بغيابها غـاب الفـرح بالسرايـا=واستاحشت عينٍ تعملـق حلقهـا
بدموع تذرف والمحاجـر ملايـا=فاقـت مـداد الرافديـن بغرقهـا
الغيث يجري والضماير..ضمايـا=واحترت افكر حالتي وش فرقهـا
قلبي رهين الهـم بيـن الحنايـا=وفكري مع الهوجاس..خذها وذقها
اجاهـد العبـره بحسـن النوايـا=واحرق مرابط خيلهـا واحترقهـا
صابر على جور السنين العرايـا=وامشيبهـا لوشاحبـي مفترقهـا
عندي امـل للحلـم باقـي بقايـا=بجباه يندى مـن حياهـا عرقهـا
ماهان وجهـي ياوجيـه المرايـا=رغم السنين اللي تصاقط ورقهـا
#######[/poem]
رد مع اقتباس
المفضلات