[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="double,4,gray" type=1 line=0 align=center use=ex num="0,black"]
سميت بالله مابحكمه مشاريك = سبحان من بأيده على المعظله حل
ياحظي المقرود خلن وأخليك = قال المثل منهو يخليك له خل
مانت متواسي بينات مواريك = وعزالله أني من سبايبك منعل
قنصت لاشك ماينقنص فيك = ولايفعل أفعال متعافين منشل
خلاص ماني عقب مافات راجيك = راعيك من ماضيك ياصاحبي مل
رجواي في ربً كريمً مسويك = خاب وخسر من كان عن منهجه زل
محيي هشيم القاع ربي ومحييك = بأمره علينا وابل المرهشة هل
قالوا تريح بأرضك الرزق ياتيك = والمشكلة لابد تلقى لها حل
قلت أدري ان الله يحل المشابيك = ولاهو من اللي لاعطى ثم عطى كل
لاشك يلزم لك تعني مواطيك = والرزق ماياتيك وأنته على زل
ماجبتها من عند راسي دواكيك = وحكيً بلا برهان للطيب مادل
على كلامي أبن هاشم موصيك = قال الرسول أعقل وبالله توكل
يالله حطينا عظيم الرجا فيك = ومن أعتصم في حبل مولاه ماذل [/poem]
رد مع اقتباس
مشرف مضيف الترحيب والتعارف
المفضلات