ينصرك الله ياعتيج :)

[الجازي]

[align=center]يمكن بعضكم مرت عليه هالجملة ويتذكرها زين وخصوصا أخواني الكويتيين

هالجملة كانت مقطع من مسلسل : (( عتاويه )) الكويتي

المسلسل الظاهر إنه من العصر الحجري لأن الممثلين اللي فيه ماعاد يشبهون أنفسهم الحين

من يوم طلعت على الدنيا (( سنة الرحمة )) وأنا أشوف اشرطته عند أبوي ,, بصراحة مسلسل رهيب ولذيذ لايفوتكم >>> دعاية ببلاش

اللي خلاني أتذكر هالمسلسل أو هالمقطع بالذات هو تصفحي للجريدة

بالعادة تفتح الجريدة تقابلك خشة بوش على اليمين وشارون على اليسار والوزير الفلاني يمين و المسؤول العلاني يسار

الحين لألألألألألألألألألألألألأ

الوضع تغير ,, بصراحة صارت الجريدة ممتعة أكثر من أول حتى أكثر من كاريكاتير الهليل

يعني الحين تلقى صورة المرشح الفلاني يمين والمرشح العلاني يسار ,, وكل واحد مرسّم وكاشخن بصورته ,,

اللي مصور على جنب واللي من الوجه واللي على باله مصورينه وهو مادرى عنهم

وأحلى شيء إذا جيت تقرأ وعودهم ومشاريعهم

والله إني أرحمهم ,, كل واحد على باله إنه بيترشح لمنصب وزير الشؤون البلدية والقروية >>>كنت ناوية أكتب لمنصب رئيس الولايات المتحدة الأمريكية بس حسيت إنها مبالغة شوي

اللي ناوي يحط مواقف سيارات للدوائر الحكومية واللي جسور مشاة واللي بيحط مراكز ترفيهية لشبابنا الحلوين (( مادروا إنهم هم اللي لاقينها بالكشتات وسعة الصدر ))

واللي يوعدنا بحدايق وملاعب في كل حي ,, واللي ناوي يحط ديوانية أو مجلس لكل حارة عشان يجتمعون فيها أهل الحي ويناقشون أمورهم المشتركة وووو ........ إلخ من قائمة المشاريع اللي ماتخلص

عاد آخر شيء فشلوهم وصرح بعض المسؤولين إن بعض المرشحين تجاوزوا صلاحياتهم في تحديد المشاريع الموعودة

وكله كوم ودعايات حفلاتهم الانتخابية كوم ثاني

بصراحة مالقاها إلا الراوية الشرهان صاروا يتطاقون عليه يبونه يجي يوسع صدور الناخبين كود الله يهديهم ويرشحون هالمرشح المستضيف

أذكر مرة طاحت عيني على دعاية لمرشح يقول فيها :

برنامجنا لهذا اليوم :

أجمل المواقف الطريفة التي مرت على مرشحنا الانتخابي

قصة حريق .... وكيف تصرف مرشحنا معه

<<<< مشروع مجلة ماجد للأطفال

مابقى إلا إنهم يستضيفون فرقة افرح وامرح حقت أفكار ومواهب

هالكلام طبعا ماينطبق على كل المرشحين ,, بالعكس فيه مرشحين يحترمون عقول الناس ويستضيفون شخصيات مهمة ويقيمون محاضرات مفيدة بدون أي تكلف أو مبالغة ,, وهذولي هم اللي يستاهلون الترشيح بجدارة

عن إذنكم شريط عتاويه ينتظرني يبيني أشغله >>>> هذا إن طاع أبوي أخذه من مكتبته [/align]

[ابو غازي]

[align=center]هههههههههههههه

وانتي يابنت اختي ماودك تترشحين بعد بإسم مرشحتكم أم عتيج

تســـــــــويها هالخبله
هههههههههههههههههههههه

[/align]

[المطنوخ]

[align=center]مايبيلها حتسي

لي رجعتن

حاس ان هالموضوع فيه مؤامرة خفيه؟؟!!؟[/align]

[فيصل اللويش]

[align=center]الاخت ريم شمر

الموضوع ابعد من هذا بكثير

الموضوع هو بدايه ولبنه اولى نحو مشاركة الشعب في تطوير مايخدمهم ولو بالكلمه وانا من الناس اللي انبسط يوم اطالع اعلانات المرشحين واقول يالله انك تكثر مشاريعهم عل وعسى مسئول يقراها ويقول وش رايكم نرشح رئيس البلديه من أهالي البلد

ولاهي غريبه على حكومتنا الرشيده ذلك فهي تسعى لخدمة الشعب في اي مجال

ثانيا مسلسل عتاوية الفريج ماهو قديم بالحيل

أسئلي ابوك عن مسلسل اسمه ( درب الزلق )


ريم

المجلس البلدي ماهي الا خطوه اولى لمشاريع عديده تناقشها الحكومه


وخلي هالفقارا كل يوم عشى وغدا ببلاش دافعين من جيوبنا حنا :023b:


دمتي بخير ريم



فيصل اللويش[/align]

[الجازي]

[align=center]هلا والله بخالي أبو غازي ,,

أنا بدري علي الحين عساهم يفتحون لنا الباب عشان نرشحكم وبعدين يصير خير

حياك خالو [/align]

[سلطان الشمري]

[align=center]الله من اللقافه اللي متشعبتن براسس



نعنبو حي شيطانس ماتعقلين

بعدين انتي ماعندس حنك وسياسه هذي كله عشان تصير الدنيا كله انتخابات

والدليل شوف محارش تأثر بهم


باتسر يقولون ............................

والا بلاش سايسه




اقول الريم .. انا انتخبت اخو شراف ماودكن تنتخبونوه معي؟؟[/align]

[ابو خليف]

[align=center]والله انك صادقه يالريم


الضاهر يحسبون انفسهم

بيصيرون وزراء

ههههههههههههههه
متاثرين بفلام مصر والترشيحات الي تصير بها
هههههههههههههههه[/align]

[ريم شمر]

الاخت ريم شمر

الموضوع ابعد من هذا بكثير

يابو طلال الله يسلمك راعية الموضوع الريم

مهيب ريم شمر

انا وش حليلي مااحب اتكلم بالسياسه مثل بعض الملاقيف



ريومه اذا السالفه وصلت للسياسه والانتخابات انا مااعرفتس ولاتعرفيني لاتقعدين تورطيني
تحطين مواضيع وتجي على راسي

[شنقل]

الريم






31 ايقونه

وش خليتي لنا

هذا من غير حقت العنوان

صارت 32

[المهرة]

[align=center]ريووومه ياحيي وش جاتس انا من يوم شفت موضوع

سميره توفيق ووهالحين

عتيق 00
وانتخابات 00 اخاف بعدين يقلوبنها مجلس الشعب

انا بطلع خايفه اروح فيها
( العمر مش بعزقا)

مشكوره على هالمشاركه الحلوو ه

دمتي بخير
اختك00المهره[/align]