[align=center]عمتم مساءاً ايها الساده والسيدات
<=== مسلسل مدبلج ماعليه تحملوني
بس وربي ياعندي لكم خبر عن مليووووووووووووووووووون ريال 375 هلله
اعتقد يمكن فهمتوا شي عن الموضوع من العنوان بس انا بصراحه من اليوم وانا ساكت قلت وشعندك يافهد ماتفضفض عن اللي بقلبك بفلة حجاج لك شوين
طبعاً يوم كنا بالخفجي انا لاحظت ان الربع كل واحد ماسكن له واحد ومتوحّد به
وانا بهاللحظات واثناء النظر بتلك الجماعات التي تقف ( لحد يفهم جماعات غلط اعني الربع )
واذا بذلك الفارس الذي يقف لوحده عند المغسله نوبتن يفرك بدينه بالصابون ونوبتن عيونه تاصل للسما بالنظر
قلت ياترى من هو ذلك الفتى ؟؟؟
وعندما اقتربت (( وتعلمون بالشفايه مشكله )) اريد ان اعرف مايجول بخاطر ذلك الفتى
وصلت واذا به سلمان النبهان الرائع
ودار بيني وبينه حديث بسيط وهو كالتالي بالضبط على شان لايطوفكم شي
فهد : هلا ابو سند هاه وش عندك ؟؟؟
النبهان : لا والله مامن شين بس عقب ضرب الصحون (( عافيه )) جيت اغسّل
فهد : الله يهديك بس تغسل صار لك ساعه وانا اشوفك ليش انت وش ماكل الله يدفع البلا
النبهان : فهد تصدق ياخي انا انسان حسّاس جداً وفيني شي ماني عارفه وش هو
فهد : افتح قلبك وانا اخوك وش هالشي اللي فيك ؟؟؟
النبهان : اقولك وماتعلم احد ؟؟؟؟
فهد : ابشر بعزك يالذيب افا عليك بس انا ماعلم احد ابد
البنهان : بصراحه انا اكتب خواطر ؟؟؟؟؟
انا هو قال اكتب خواطر وانا تحوشن رعشه لان بيني وبينكم الديزاين حقه يعني (( الشكل )) مايصلح حق خواطر لو قايل محاوره والا قصه وقصيده ممكن بس خواطر مادري
المهم وانا باللحظه اللي ساكت به وهو يقول تدري فهد (( انا شمعه تحترق ))
هنا تأكدت انه يكتب خواطر والا زاد الطين بله يوم قال
اتعلم يافهد بان الشتاء بارد
هنا علمت بان لدى ابو سند موهبه ولا احد يدري به
انا طبعاً سمعت خواطره كامله بس انا ابيكم تضغطون عليه
وتطلبون انه ينزل لنا وحده منهن (( شمعه تحترق )) او (( الشتاء البارد ))
فسبحان الله الطلعه هذي اكتشفنا فيها اشياء كثيره وهذه ابرزهن بالنسبة لي انا محدثكم
فلذلك بالاصاله عني وبالنيابه عن الاعضاء اطلب من ابو سند يسمعنا حدا خواطره
شكراً
فهد المويهي[/align]
رد مع اقتباس
[/align]
.... خاف ربك ياشين وربي أحسن دزاين وكشماااات بعد 
[/align]
المفضلات