[align=center]في يوم الاربعاء الموافق 22/12/1425
بداء التجمع في المخيم ومكانوه الواقع حول الخفجي ( المعذره مراسلكم مامن هكا الدلاله بهكا الديار )
ويوم غابت الشمس ( ركزوا هالحين الاربعاء المغرب ) بداءت الامسيه الشعريه
بوجود شعراءنا الكبار ( يعني ياشنقل اطلع منها ) فيصل اللويش وسويلم الشمري والغازي
والمويهي طبعا الشبث وشنقل بهاللحظه غدوا خرطي وتصريفا للموقف جلسوا
عند الدلال ( تسننا حقين كيف ) الوكاااااد على هاللون ليما جت صلاة العشاء
وصلا اللي صلا واللي جمع مع المغرب جمع وبهالاثناء لفت انتبااااااااه الشباب الشبث
وشنقل وهم يلعبوووووون بالمراجيح ( الهبيبااااات ) قالوا واهني اللي ماشافكم ولا جابكم معوه
يهالخبووووووووووووووووول .
الوكاد عقب صلاة العشاء ويوم اجتمعوا الشباب نوبتن اخرى صار فيه مشكلة بسيطه للاصمعي
وهي عباااااره عن سقووووط جوالوه بين الحديد والبلك وقاموا يحرثون ويحاولون ليماااار ماااش
الوكااااد وهم يصوتون للشبث وهو يقمز ويجي طااااير وهو يرجف البلك ليمار لوه جعير
وساعتوه منقطعه ويدينوه منخرشااااات ( هذي تاليت السرعه الجنونيه ) وعقب محاولات
جاده ومن العقل اللي ورثوه من رحمة جدووووه استطاااع الشبث انوه يطلع جوال الاصمعي
( جايبن راس الدريعي عاااااد ) .
ويوم استتب الامن جلسوا يتلاغزوووون ( يقولون الغاز ) وهم يتقلدونهم اليم ( يعنني مشرف
الالغاز واعرف للالغاز ) والاصمعي واغلب الالغااااااز كانت بجهه والشبث بجهه
الوكاد استمروا على هالالغاز ليما جاء العشاء في حدود الساعه العاشره
وعقب العشاء وهو يتقلدهم فيصل اللويش كلهم واحد واحد .يا تقووول سالفه ولا قصيده
ولا اي شي .
ومن هالسوالف اللي ذكروه الزقرت سالفة اليم وهي ( يوم كان جذع على اولوه كان عندهم
عشاء ويوم بغوا يقلطون العشاء قال ابوه رح جب ببسي من البقاله ويوم اقبل على البقاله
تذكر انوه مامعوه فلوس ورجع للبيت علشان ياخذ من ابوه فلوس ويوم جاء البيت قام يشر
للوالد من عند باب المجلس (( ذابحوه الحياء )) الوكاد ابوه يوم شافوه يشر يحسبوه خلاص
جاب الببسي وقلّط العشاء ويبيه يقلّطهم وهو يقوّم الضيوف ويوم جوا المقلّط ليمار مابوه العووووود
لا عشاء ولا ببسي وهو يفركله اليم من البيت ولا رجع الا وقت الصبح ) .
وهالسالفه ماتلغي جمال سوالف ولا قصائد باقي الشباب وفيه سوالفن ذكره فيصل الويش
بقصائده بس حلّفن اني ما اذكره واترك لكم اسلووووب الضغط على ابو طلال
وخصوصا سالفة ( الولد المقفي ) وسالفة ( يسلموووووووو ).
الوكااااااد من الساعة ثنتين بداء الشباب في لعب الورقه ( البلوووت )وقد برز بهاللعبه بركاااات
الشمري اللي كل شوين يصيح هو وخويوه الشبث ( غيرهم ) واستمر اللعب والتنافس حتى
بعص مزاجهم الزووووووووووووول السوداني ( حارس المخيم ) يوم طفاااااء عليهم الماطوووور
وهو يهد عليه سرحااااان ويالله يمسكوووونوه الزقرت ( يبي حلق الزووول )
قال سرحاااان وليه تطفي المااطور قال الساعه كم دحين
وهو يعض لسانوه سرحاااان وهو يهد نوبتن اخرى ويالله يخلصون الزول منوه
الوكاد قال الزول خلاص حولع الماطووور ( الذله بنت حلال )
وهم يرجعون لخيمتهم وينتظرون ربع ساعه وهو يهد راعي الوقيد ويوم شاف راعي الوقيد
وهو يولع الماطور بسااااااااااااااااااع ( داري ان هدة راعي الوقيد مهي عبث )
الوكاااد جلسوا لين جاء وقت صلاة الفجر
ويوم توضوا الشباب استعداد للصلاة وهم يسمعووون صيااااح سرحان ( الجربوووووووووووع )
وهم يفزعون لوه الشبث والكاسب ليمار ماسكن تريكوه ( كشافووووه ) ويلحق فاره وهم يلحقونه معوه
ويقومون يديرونه على الخيمه ليما غااااال حدا الاطنااااب الشبث ويالله تماكنوه قبل يهفي .
الوكاد خلوا الفاره وتعوذوا من ابليس وصلوا وجلسوا عقب الصلاة وتقهوو
لين جت الساعه تسع الصبح .
قال الشبث انا ابقووووم الشباب اللي نيمين مبطي علشان ننام حنا وهم يجلسون على الدلال
ويوم جاء للغرفه اللي به اليم والغازي وهو يقوم يصااااايح يبي يزعجهم لين قاموا
قال اليم يالشبث بالله تعال ابيك تطق ظهري قال الشبث ابشر
وهو يجي يدربي راسوه وهم يطرحونوه ويدبونوه ويقوم لوه صياح وجعير ويالله يرضونوه بشااابوره .
................................................................................ ..............................................
اخواني هذا الجزء الاول بس
وانتظروا الجزء الثاني وفيه ( الدبابات ,مباراة الكوره , السامري والعرضه , الخطبه )
وكذلك اسماء جميع الاعضاء المشاركين في المخيم وحتى اللي بس مروا وسلموا
وتقلدوا تحيتي [/align]
رد مع اقتباس
عزالله انهم ماهم بخير وإنت وراااهم 
شبثاااااااااان
<< جابته امه
[/align]
[/align]
المفضلات