في المطبخ ..

[الأصيل]

[align=center]السلام عليكم ..

بالخير يالشبعانين والجوعانين

............

أتمنى من الأخوات صاحبات مضيف المطبخ وهكا النواحي عدم قراية الموضوع

................

موضوعي حقيقي .. لكن يحتاج لبعض الملح والبهار وحبتين ثوم ،،، وفحل بصل .

..................

سنه من السنين .. طلعت مع الشباب للبر ،،

وهم لك يفسرون عن ذرعانهم ...

اللي يقطع اللحم ، واللي يضبط البهارات ،، واللي يولم القدور ..

طبعاً أخوكم الأصيل .. مالوه بالطبخ لاناقه ولا حوار

ماغير أجيب الطماط والبصل ..

وأركض أغسل الصحن .. وهات السكين ... يعني ( مطراش )

المهم تغدينا ( ونا الصراحه نقدت على روحي )

من هكا اليوم قلت لازم أتعلم الطبخ .

ومافي أحد انولد من بطن أموه وهو طباخ ..

والدنيا تجارب

عاد والله ما أعرف أطبخ ألا بيض عيون

وزيتون ( مايبي لوه طبخ ياشاطر )

الثمره ..

انتظرت الفرصه المناسبه للتجربه النوويه المطبخيه

....

قالو الأهل نبي نسير .. قلت أبرك الساعات ،، ارتسبو

وبسرعه ليوالله هم عند المعازيب

قالو : حوّل .. قلت : لاوالله مشغول .

وانا لك أنكس على البيت

وأرمي ثوبي وألبس ثوب النوم ،،

وبوجهي للمطبخ ..

قلت عاد يالأصيل : وش تبي تطبخ ، وش مشتهي ؟؟

قلت : كبسة دجاج على رز .

قلت الطمع شين ..

أول الفال رز بس ، وبعدين حاول تطبخ الدجاج .

المهم ،،

جبت هكا الدزدر ، ونا لك أملاو ما

وأشيل من الرز حوالي طاستين

وانا لك أصلقهن بوه

وأشب النار على آخره ( من شان يستوي بسرعه)

قلت : الحمد لله ،، الدعوا سهالات ..

ونا أروح للغرفه وأنسدح ( الولد واثق ومتطمن للطبخه )

قريت شوين بحدا الكتب ( أتسلى )

عقب نص ساعه .. شميت ريحة عليدز ( شي محترق )

ونا أفوع ( سبق تعريف الفوعه في قصة الانتقام ( فلتراجع هناك )

وعلى المطبخ ،، ليوالله الدخنه من الدزدر .

قلت الظاهر إنوه يبي لوه حوس ،

وانا أحوسوه من فوق ..

لكن الماخوذ مليان ماء للحين

ونا أخبر أمي الله يرحمه تقول للحريم( خلن الرز ليما يشرب ماو )

وهذا للحين ماشرب ماو ( تسان مهو صايم )

مالكم بالطويله

عقب ساعه .. ونا أكابد الجوع

قلت خلاص

الطبخه جاهزه ..

وبكل ثقه ... جبت لي صحن ..

ونا أشيل الدزدر ، ليوالله مناثقله ( يكفي لوه عرب )

ونا أغرف ولاني ملحق

لكن الحقيقه إني ماغرفت غرف

لأن الرز من فوق صاير عصيده ،، يسيل لحالوه

ومن حدر محترق ..

ولابوه ذرة ملح

ولا زيت ولا بهار ( تقول أتسل مريض بوه سكري )

( والمصري يقول : دحنا بيننا عيش وملح )

عيش مايخالف .. لكن وين الملح يابوالأصايل ؟؟؟

المهم ...كليت لي لقيمه

قلت ياولد ...

شي(ن) تعرفوه خير من شي(ن) تنستروه

بيض العيون وربك كريم

ومن حسن الحظ أن أهلي دخلو علي ( جابهم الوالد .. الله يرحموه )

يوم شافو : قالو : وش هذا ؟

قلت هاللي تشوفون

ماني معلمكم بالأحداث الي حصلت لي مع الأهل عقب الطبخه

والحمد لله إني ماطلعت مع شباب المضايف لمخيمهم ولاّ تسان إخيذة الضحى

لكن عاد


اللي خابرلوه فندق ست نجوم يبي لوه طباخ ماهر ... لاينسانا

ويابخت من نفّع واستنفع

ولساعة الله هذي .. ماأعرف غير بيض عيون .....







يالغالي ياللي بهذا ..

شعلوم الصعايده ؟؟

عساهم للحين يردمون ؟؟؟



وتحياتي [/align]

[مفتاح14]

[align=center]قبل كل شي... نسأل الله ان يرحم والديك ويسكنهم الجنه..آمين



ابو الاصااايل..شرهتك على اللي يعرف للبيض


بس اسمع من بعض العزوبيه المخضرمين بان ليس هناك مثيل للأندومي

وهي جاهزه للتحضير.. يعني مايحتاج تصرّف أهلك وهم بالبيت تسويه ومايدرون الا وهي جاهزه (على ذمة هالمخضرمين أنا مالي دخل)



واهم شي ان هالاندومي ماهي مثل الرز اللي لازم انوه يشرب ماااو






ابو الأصايل.. هل تَنْطِق ما تَكْتُبْ أم تَكْتُب ما يُنْطَق؟؟


تشااااااااااو ماشرب ماااااااااااو[/align]

[ابو خليف]

[align=center]ههههههههههههههههههههههههههههههه
هههههههههههههههههههههههههههه

مالك الا العيون

بس عاد وش صار عقب جيت اهلك[/align]

[سلطان الشمري]

[align=center]الله يرحم والديك ووالدينا ..


ابو الاصايل.. تعال عندي واخليك طباخ ( اليسطه ) المهم الاخلاق.. وبعدين


والا ليهبعدين تعال بالشعر الشعبي اعلمك كيف تطبخ كبسة دجاج ..او مقلوبه ,,


بس وش صار لك مع اهلك [/align]

[المطنوخ]

[align=center]ابوثـــــوب

واطيبي تسان صبيت لي كوب ماء


اييييييي


قال ايش قال كبسة رز بالدجاج

ما اقول الا الله لا يخلينا من المطاعم

همسة للاصيل:تعرف مطعم نبع العصير؟؟اللي بالراس

البارح طالبن منه؟؟؟!!![/align]

[الشبث]

[align=center]الله يرحم والديك ويسكنهم الجنه






اخوي الاصيل

ياهلا بهالخشيشه

افا ليه ماتعرف تطبخ

عندي لك خطه تتعلم الطبخ بساااااع


ليا جوا اهلك بيسوون الغداء اجلس بالمطبخ وقل والله ماطلع من

المطبخ اليوم ابي اعاونكم

وراع لعملهم وتعلم



اما تجلس بالمقلط تنتظر الغداء وتبي تتعلم

هذا وجهي اذا عرفت شي غير بيض عيوووون

ولا الاندومي حقت ابو اربعطعش

هههههههههههههههههههههه








وتقلد تحيتي[/align]

[شنقل]

[align=center]الاصيل

شرحك سرى

شاي ويالله اعرف اصلحه



البلاء يافلان تصليح القهوه

ابوي بغى يذبحن ياما علمن للقهوه

ههههههههههههههههههههه
ههههههههههههههههههه
هههههههههههههه[/align]

[مغترب بالشمال]

ابو الاصايل الله يرحم والديك ووالدينا ووالدى المسلمين


هنيك اللى تعرف بيض عيون

الاندومى لنا عليه تحفظات

الافغان ترهم

لولا الله ثم هم تسان علوم ياظنينى

القهوه والشاهى نوب ونوب

اخوك الصغير

[ابو غازي]

[align=center]








أمحق رجاجيل ياهللي فوق كلكم لويذبحكم الجوع ماتاكلون إلا أندومي
أجل الأصيل >> طلع قدع بااه
الأصيل >> الطبخة ااااااااااالجاية نبيها مرقوووووووووق

[/align]

[الأصيل]

[size=4][font=Times New Roman][align=center]


ابو الاصااايل..شرهتك على اللي يعرف للبيض



[font=Simplified Arabic][size=4][align=center][B]
بس اسمع من بعض العزوبيه المخضرمين بان ليس هناك مثيل للأندومي


[font=Simplified Arabic][size=4][align=center][B]
وهي جاهزه للتحضير.. يعني مايحتاج تصرّف أهلك وهم بالبيت تسويه ومايدرون الا وهي جاهزه (على ذمة هالمخضرمين أنا مالي دخل)



واهم شي ان هالاندومي ماهي مثل الرز اللي لازم انوه يشرب ماااو






ابو الأصايل.. هل تَنْطِق ما تَكْتُبْ أم تَكْتُب ما يُنْطَق؟؟

[align=center][B]
تشااااااااااو ماشرب ماااااااااااو[/align]

[font=Simplified Arabic][size=4][align=center][B]



[align=center]والله يابعدي ماذقت الأندومي ولااعرف طعموه

أثري ربعي واجد اللي مايعرفون يدبرون حالهم

على العموم : أنا أكتب اللي أقرا ، وآكل اللي أشوفوه ، وأنطق باللغة العربيه[/align]