المكياج اللبناني و........ مكياجي :)

[سكون]

ههههههه هلا فيك اخيتي كللك ذوووق واحلى مكياج وربي معااد نبي لا لبناني ولا شي مدام انك عندنا اخيتي يسلموووووو الايادي ،، تشكراات

[الجازي]

[align=center]فاصلة بيضاء :

إلا راسك تكفين لايكبر ترى نبحل بتس بكرة في المشغل مانلقى تسريحة تناسبه

أنا طال عمرك أكحل من جوا بقلم

ايه هذا المطلوب

الحين أقدر أقول لتس تقدرين تستلمين الوظيفة عندنا بالمشغل من الليلة

كذا شكل العين بيطلع روعة

يسلمو فاصلة بيضاء [/align]

[الجازي]

[align=center]سكون هلا بتس يالغالية ,,

بعدين من قال لتس ان مكياجي ماهو لبناني !!

إلا لبناني ونص بس لبناني شمري يعني كذا

سكون شرفتيني بمرورك ياعسل [/align]

[المفتش]

[align=center]عوذة كل هالدوخة والحوسة

على شان تصبغن وجيهكن

هاذا غير الفلوس والخساير والقريشات

اللي تدفع من معيش الحليل المسيكين...

زين واذا جت فتالة وخربت..المكياج

تعيدنه ثاني مرة

ياحليلنا يالرجال بالكثير نتملغط بنيفيا والسلام....

يقولون الاولين

الزين زينن لو قعد من منامه

والشين شينن لو تغسل بصابون....

النشميات لا تواخذني [/align]

[الجازي]

[align=center]

يقولون الاولين

الزين زينن لو قعد من منامه

والشين شينن لو تغسل بصابون....

ويقولون بعد :

شينن مجمّل ولا زينن مهمّل

المفتش حياك الله أخوي ولو انك مخالف للقوانين وفوق هذا بعد تهزيء بس الظاهر لك حصانة دبلوماسية

لكن ماأقول إلا شرفتني بمرورك [/align]

[ريم شمر]

تدرين ريم

انا مادري العلة فيتس والا فيني

بس الظاهر ان كلنا علل انا وانتي

لي كم يوم وانا اشوف عنوان هالموضوع

بس مااشوف الا ...اوله ( المكياج اللبناني )

وكل ماشفته لاعت تسبدي

اقول لنفسي من هالفاضيه

اللي جايبه لنا مكياج لبناني

ملينا منه كل مافتحنا قناة طلعن لنا هالشيف

وانواع الفلسفه والخرط الفاضي

ومادريت انتس ورى هالموضوع


طيب يالمملوحه ورى ماحطيتي علامه علشان ادري

لمبات عرس والا ليزر والا بالونات علشان انتبه:480r:


المهم نجي للموضوع

اما المكياج اللبناني خليه على جنب

مانبيه

اما مكياجتس يالله من فضلك يفتح النفس

انا بجرب واشوف اذا رجعت لكم زين

واذا مارجعت خلال يومين

الشكوى لله

ولمي شنطتس وودعي اهلتس

اخواني ترى مااحد يلعب معهم

يذبحونتس وانتي وسط بيتكم

كلش ولااخيتهم

[بـنـت النـور]

[align=center] [/align]

[الجازي]

[align=center]ريومة الله يقلع شيطانتس

والله إني من يوم نزلت الموضوع وأنا ناوية أعطيتس خبر لأنه أساسا عشان عيونتس

وإلا تراني شرق وهالمواضيع غرب بس تذكرت إني قد توهقت وتميلحت وتفلسفت عليتس وقلت لتس إني خبيرة مكياج

قلت مابدهاش الموضوع فيني فيني ,, خلني أنزله هالحين وأفتك منه ومنتس >>>> ياعيني على الرقة

وأحتريتس تطلين عليه قلت على الأقل أشوف اسمتس مرتز فوق مايحتاج تردين بس عشان أضمن إنتس قريتيه وأخلي مسؤوليتي ويرتاح ضميري >>> ذابحها ضميرها

ويوم شفتس تأخرتي في الطلة قلت الحين وش بيفتح صندوق رسايلي ويرسل لتس ؟؟

عاد قعدت أحتري رسالة منتس عن أي موضوع عشان أضطر أرد على رسالتس وفي نفس الوقت أعلمتس بموضوعي >>>> ماتسن زوالتي خفّت هاليومين

بس ماش من عرفتس وأنتي قاطعة

يالله الحمد لله الحين أقدر أنام ملء جفوني

وبعدين لاتصيرين مرجوجة وتطبقينه هو عن قولة إني أبريت ذمتي عاد لاتدققين في الجودة

وإن صار لتس شيء ترى مالي شغل [/align]

[ريم شمر]

ريومه

تصدقين انتس لعبتي علي

وانا اهز راسي لا ...وبعد اشكرتس

الحين انا كان طلبي بالضبط

ماركات للمكياج تكون طبيه وغير مضره

وبنفس الوقت حلوه وطبيعيه

وماتبين كنها بويه

مو طريقة وضع المكياج

الطريقه حتى الدجاجه الصقاء تعرفها

وانا صح احيانا اكون دجاجه ببعض الحاجات

مثل الطبخ مثلا

بس عاد منيب صقعاء ولله الحمد :192r:


يعني لاتلعبين علي بهالمويضيع



.

[الجازي]

[align=center]^
^
^
متحسفة على شكرك أنتي ووجهك

خذيه معك من زينه

بس تصدقين ياريومة ما أدج مني إلا أنتي

أنا مسطلة ورحت أتفلسف في المكياج وأشرح لك مع إنك طالبة الماركات وأنتي اسطل مني لأنك فرحانة وجاية مقلعة تعتذرين عشانك ماشفتي الموضوع

البلشة يالزينة أنتي راعية الطلب المفروض ماتنسينه وإلا أنا هين ماعلي شرهه [/align]