[align=center]افيه يالربع
خلوني اتعفا شوين هد حيلي المكروه شنقل
يالربع نصيحة اخو اللي يبي يعيد مثل الناس لا يقرب لشنقل
تروه قرب نمله
انا هالحين ابذكرلكم بضع طعش موقف حصلنا انا وياه بالديار الشماليه
واول موقف عقب صلاة العيد طلعت انا وياه من المسجد (يالله راح معي للمسجد )
قال شبيثان ابعزمك على عصير
قلت فود عوجان بهالبرد
قال الشرهة علي اللي اعزمك وتعيي
ويوم شفتوه برطم وانعصد وجهوه قلت يالله انا قبلت عزيمتك ( هذي صفه بي يسمونه الايثار )
وهو يوقف عند البقاله وهو يجيب اثنين برندا فراوله
ويوم فتحت حقي وبغيت ارشف اول رشفاتي
وهو ينتل الومينا ليمار البرندا متكبكبن على ثوبي الجديد
ومن القهر وانا المعوه بالحق ( القوطي )وهي تغديلك خبيصي باللومينا
ويالله يجون الربع ويحجزوننا ليمار هدومنا متوصخات وغادياتن مثل ملابس البنيوات
الصغار وشنقل غادين وجهوه مثل ابو ذنب اللي بالكراتين من البرندا
اما الموقف الثاني
فحدث بثاني ايام العيد
وكنت انا وشنقل معزومين عند عم شنقل
والغبر شنقل مخلين ملابسوه بالمغسله عقب عمشتنا امس
اما انا فركت ثوبي شوين وراح الوصخ الا ياربي تسان احدن يبي يبردز حيل
الوكاد ارسل شنقل وليد عموه على السياره يبيه يجيب الملابس
ويوم جاء الليد من المغسله وهو يدعم حدا السيارات
وهو يجي شنقل يبي يفتح الدبه ليمار ماش وهو يقوم يعرعره
يمين يسار لياوالله ماااااااااااااااش
قلت عاد انا استاذن ابروح للعشاء لا يفوتن
اما شنيقل فقضاء ليلوه يدور ورشتن فاتحه تفتح الملويه
وطول هكا الليله ماعليه الا ثوب نوم وهيلاهبوه الاصفر
وانا متمرتسين بين الرجال
وليامنك دخل المجلس ليمار هالولاد اللي مامثلوه دزدامك
ولابسن زبون وعلي شماغن خضر ( مشان مايبين بوه الوصخ )
اما الموق الثالث
فهذا حدث يوم نكستنا للرياض مساء البارحه
الوكاد يوم مشينا انا وهالمعفي من الشمال ليمار تقل ميتن لنا احد
ولاحد يحتسي مع الاخر
ويوم اوقفنا بالحفر وانا امر حدا التسجيلات قلت بالله ماعندك شرطان بلستيشن
تخبرون الومينا ملوية شنقل ماتشغل الشرطان العاديه
كود شرطان بلستيشن
المهم خذيت اللي انا ابي
ويوم مشينا قلت شنقوووولي جبتلك مفاجاة
قال وشي
وانا اشغل الشريط ليمار هجيني ( صاحبي بالمحرقه يومي شليله )
وهو يطير شنقل عن رحمة الله
وهو يقوم يومي بهيلاهبه الاصفر
قلت ياولد هد
وهو يقوم لوه صياح شبيثااااان على التمثاااااال
قلت وشو على التمثال
قال الرياض على التمثال
قلت ياخوفي اننا نبي نصير على تمثال حدا التريلات
ولكن الله ستر وفكن الله من تهور شنقل المشنقل
وعذرا للاطاله
وهذي بعض المواقف اللي صارت لنا بهالعيد
والباقيات خلوهن بالمخيم اعلمكم بهن
وتقلدوا تحية اخوكم الشبث[/align]
رد مع اقتباس
[/align]
المفضلات