الى لبنان مع التحيه<<<<سبشل للفله
[align=center]اسعد الله مسائكم او صباحكم بكيفكم خوذوا اللي يجوز لكم بس لا تكامشون<<<ياحبي للشحطات
يالربع ترو الموضوع عليه طول شوين فا اللي يبي يفصل الحين وقراه على كيفه بكيفه
وقد اعزر من انزر
المهم البارح كنت بالبر<<<بالله عليك!!
الوكاد وسلمكم الله الربع قاموا يلعبون ورقه(جنجفه)<<<للشفايه ان بغوا يعرفون وشو لعبتنا...ما راح اعلم
المهم يوم فازوا علي وانا اشيل صابري(خدي)...الوكاد
وانا اراعي للسما وليا والله منظر النجوم الخلاب
اللي من شفتهن تذكرت نفر المحروم اللي بوجهوه الله يدفع البلا من العكنكز
وبس يخرشهن وانا اصيح عليه ياملا المهنقط اترك اللي بوجاهك وهو يقول انهن يجبن الحتسه
مالكم بالطويله
وبينما <<<ترونن متمركي وانا اكتب هالكلمه
وبينما ابحّر<<بشد الحاء
بالسما وليا والله هكالليت اللي يومض بالسما وانا اركز وليا والله
طياره<<<سبحان الله !!
الوكاد وهي تروح مخيلتي بساااااع يم الايام الخوالي
ايام سفرتنا انا وبشكتي
الشله المنتهيه صلاحيتهم من قبل لا ينتجون
وهم بدون ترتيب<<<لا يتسثر
انا<<<اعلمكم منو انا ولا لا؟؟
الشبث
المحرووم
الاصيل
شنقل
ابوغازي
مفتاح اربعطعش
المخاوي
وكنا على ايام عزنا تونا متوظفين ماصار لنا 3 شهور
وطبعا دحرا للشفايين اللي مانا كثرهم ماراح اعلم وش كانت وظايفنا
الوكاد
وكنا فازين ومتنومسين بالرواتب
وكبرانتن روسنا تسننا من هذولا اللي خدمتهم 15 سنه
وفكرنا اننا نسافر!!
وحنا تسد ماطلعنا من منطقتنا لله
يعني حتى التلفزيون يالله نشوفوه بس مقابلين الحلال
الوكاد اجتمعنا بلنا شعيب علشان الاتفاق اللي راح يجري ما يدري بوه بشر وبالاخص
وكالة ناسا <<<هي امريكيه ولا روسيه؟؟
ماعلينا
الوكاد وحنا نتفق اننا نسافر يم ديره ما ندري وينها وينقال لها المكسيك
وخلال المناقشه تكامشوا الشوش انت يا الاصيل ويا الشبث
على متسان المكسيك
واحد يقول متسانه حول البحرين والآخر يقول انها حول نجران
ويجي ابوغازي يبي ينهي المشكله قال يالربع لحد يحتسي بالرجال وهو ماهو موجود
وهم يراعون لوه ودرى انوه مخمل
انت يا ابو غازي
وليا والله هذيتس غبرتوه وشبيثان والاصيل يلحقونوه
ويوم اتفقنا اننا نسحب الرواتب ونخليهن عندي انا!!!!!!
الوكاد قلنا بعد يومين السفره يم لبنان ولحد يدري من ربوعنا
ونبي نقول لهم اننا كواشيت
وحنا نركض بساع وكل واحد يجهز شنيطتوه
واغراضوه
................وجاء موعد السفر
وتجمعوا البشكه
وليا والله كل واحدن منهم جايبن قش يكفي افريقيا
وماخذ هدوم سنتين وحنا نبي نقعد 10 ايام
طبعا بدون ذتسر اسماء
اللي جايب خضرة مزرعتهم وماهو المخاوي
واللي جايب 4 ذبايح ماهو شنقل
واللي جايب ثلاجه ماهو المحروم
وطبعا انا يامحاتسيكم
جايبن لي شرشف وكحوش مواعين بيتنا
وريحتنا تصرع الطيور من المحروم حسبي الله عليه
جايبن مباركه ومباركه وحلتيته وبس ينشقه
يقول عن الشمم علشان ضرسه ملتهب
يوم وصلنا يم المطار اللي بديرتنا وليا والله قاموا موظفين يراعون لنا
يحسبون اننا جايين المريخ
وكله من شنقل حسبي الله عليه
ولا عمروه فصخ الهيلاهوب لاصفر ويموت على الالوان الفاقعه
الوكاد يالله يتطلبهم المخاوي وابوغازي بحكم انهم اكبرنا واعرفنا بالحتسي
واقنعوهم
وهنا بدأت المشكله.................
بدأها ابوغازي يوم بغينا ندخل الطياره
وهو يقوم يفصخ نعولوه ((اعزكم الله)) قدام باب الطياره
يحسب انها مجلس!!؟؟
وهو يقومون الكابتن والمضيفات يصوتون له يمار ماحولك احد منجم مع اللي يمينوه ويساروه
الوكاد ويوم دخل المخاوي عقبوه وهو يقوم يراعي للمضيفه ويتمقله
وهو يلكزه المحروووم ويقوله انحش تر اخوها قاعد يراعيلك<<<<يقصد الكابتن
ويوم جاء مفتاح اربعطعش يبي يدخل وكان وراه الشبث
اثري الشبث شايفن المضيفه وذبحوه النذخ عندها
وهو يقوم يلوي راس مفتاح 14 عنها ليا تسمع جعير مفتاح بغت تنكصم رقيبتوه مير الله ستر
وننطر 10 دقايق
و20د
و30د
و45د
قلنا شنقل وينه؟؟
يمار اللي خثع قدام الباب
ليا تسمع قرقشة السيم
اثري شنقل شايفن لوه مضيقتن ثانيه وهو يقوم يتميلح عندها ويسوي حركات بالسيم وهو يلف على كرايعاتوه
وهي تضحك عليه المضيفه وتخليه
وهو يقوم يجعر من القهر لا تطير الطيارة وهو مادخل
الوكاد يوم تجمعنا كلنا وتطمننا
ليا غربشة فوقنا وحنا نراعي فوق لي الشبث داخلن بالدروج اللي حقات الشناط
وهو ينشده الاصيل وشعلمك يا شبيثان
وش تدور
قال يمكن القا شي ناسينوه العرب اللي قبلنا<<<<ياشين القروي
اما جوال
ولا اغراض زينه
وهي تندبل تسبدوه ابوغازي وقال وش هالقرويه اللي الله بلانا بهم
وهو يمسد المخطر من جيبوه اثري المخاوي مزهبن الولاعه وهو يحمي المخطر
وهو يلذع ورتس الشبث وهو يفوع ليا راسوه هابد السقف وهو ينصفر متسانوه ويقوم ابوغازي يسكر عليه بالدرج
ويلتفت على الاصيل ليا مايشوف الا تسرعانوه فوق وراسوه منصلق حدر الكراسي يدور
مثل الشبث
وهو يقمز المخاوي ليا على متونه الاصيل
وهو يتحمالوه ابوغازي بالمخطر على غاربوه
ليا جعيروه يدزعد الميت
وو يقول هذا متساني وهو ينصفر هو الآخر
وهو يلتفت يم المحروم يمار وجهه ازرق يبي ينفجر
وهو يفوع يموه يمار خانقن نفسوه بالحزام ابن الحلال
ذالن من الموت
وهو يتغصوه المخاوي قال يالقروي انت ماتدري هذا وشو قال المحروم من الخوف لا
قال هذا سير تسان انفتحت شنطتك تربطوه بوه
ماهو تخنق روحك
الشرهه مو عليك على اللي علمك السفر
وبهكالساعه صوت بزخن اقشر قفو الطياره
وهو يفوع ابوغازي ويا المخاوي
وهم يلقون مفتاح 14 بالحمام (اعزكم الله).
والحمام افرنجي والرجيلي مايعرف الا للعربي
ويبي يفتحوه ومايعرف
وهو يقوم يبغّز كل دقمة موجوده قداموه
اثريه تنرفز ابن الحلال وهو يقوم يرثع بالدنيا
وكسر مغاسل العرب
وهو يقوله ابوغازي الله يمصخك الحين لو جو فيدين الطياره وش نقول لهم؟؟
مار خلك بالحمام ياما نوصل غدي الله يفرجه وان وصلنا انطق من بيننا واطلع اولنا
قال مفتاح الشكوى لله
وهو يقول المخاوي يابوغازي والله ان خويانا الثانين بهم بلا وكاد
وهو يراعي ابوغازي يمار يشوفن متولجن الكابتن
واقوله والله اني اعرف اسوق بالبر تكفى ابي بس دورة فوق بيتنا
ودبلت قاعة تسبد الكابتن مادريت الا يوم الدنيا ولعت بعيني وانا التفت ليا والله ابوغازي لاغدن ظهري
وانا اصيح واتجشم غرفة القياده وارثع باجهزتهم وتسني مادري من الشفاحه اقوم ارعص من هالازرة وانا اصيح
وهو يسحبن ابوغازي من شوشتي ويربطن بحزام الامان
وقال مسبوعين الابو بيدوا حيلي رح يالمخاوي دور شناقل عسى ما شناقل
وهو يروح المخاوي وهو يمسد لوه علاق ملابس حديد وهو يقوم يطويه
ياما ابترم
ويوم راعى ليا شنقل يتخم بين هالكراسي وكل ماشاف مزيونه قام تسني مايدري
ويطيح عليها
ويوم شاف هكالمزيونه
وهو يروح يبي يطيح عليها
على ما مال يبي يطيح
ليا هالسيم اللي طوى برقبته ويسحبه
وهي تنقز عيونه تقل بيض
وهو يقوم يربط رجولوه مع الشله
ليا صيحة الكابتن بالجهاز وصلنا الله لا يعطيكم العافيه ولا يبارك بخوتكم
اندزلعوا لا تشوفكم عيني مدحدرين على طيارتي يامسبوعين الابو
يا.................
وهو يترك الميكرفون وهو يفوع علينا وحنا نسحب خويانا وننطق منحاشين
عاد استروا يالربع على ما واجهتوا ولا تعلمون احد بفضايحنا
============================
ميغسي على المتابعه[/align]
رد مع اقتباس
مشرف مضيف الترحيب والتعارف
المفضلات