صلاتنا..والفرغلي..وأكلة الثوم (بوه قصيدة)!
[align=center]:2:
:1007:
(الإهداااء)
لمن نسعد بزيارته..ونفخر بطلّته..زائراً كان أو عضوا..
لمن يهدي لنا جميل الانتقاد..فيما نضعه بين أيديكم من اجتهاد..
(ألف تحية تسبق الإهداء..وألفٌ أخرى تعقبه)
[align=center]***[/align]
(خليجي: فجر المطيري: السنيورا)
في مثل هذه الأيام من العام المنصرم كانوا:
يشاركوننا الفرح ويواسوننا في المصاب..
واليوم هم في أحضان البعد والغياب..
ولم يبقى لهم معنا إلا جميل الذكر..والاشتياق..
فعسى المولى أن يعجّل بزوال كابوس الفراق..
:1007:[/align]
[align=center]قررررررب...ياولد..قررررررب
هذا خلطة.ن.حاولنا تنقاته..ولو إن بعضه طلع هالسنة والتسثير حويل ! بس من الحويل اللي بوه حمض.ولاهو طالع.ن.بالحيل؟!ّ
يعني فنجال المهيلة يغسل حمضوه إن شاء الله!
8
8
نسي يحسبن إنوه باسط.ن. بسوق التمر..
الوكاد:
رمضان كله خير وبركة..وماأكثر بوه من الدوجة والحركة..
1-من مايحدااابي إلى دوامة.ن.من التفكير..ويتلن إلى متابعة فلول القضية وسليكاااته المتشعبة من خلال تلك المواسير المتكصمة داخل تلك الجدران الآيلة للسقوط<<<ماعمره جالس المصارية..لله..لله..!
(هالناس وهالخلق اللي ليا بقي عن الفطور من الخمس دقايق وجاي..هجت مهج.ن.واحد وكل ما تروغ مع لك شارع..ياولله هالعالم معك..والآخرين عاقبينك..
وكل ماتدخل لك مع لفة يهالناس لافة.ن.معك وبإثرك!(سبحااااان من أودعه هلووون)
تقل جايهم لهم واحد..وقايل.ن.تروكم صيام ويلزمكم فطور!
مع إن هالتقويم حقّ الأفطار معهم من دخلة(قصــــيّر)..<<<(شهر ثمانية لغير الناطقين بلغة.ن.مابقي منه مايستر)!
وعارفين إنهم صيام..بس الظاهرالفطور مايحلا ولايصير لوه لذة
إلا ليامن الواحد حصّل لوه شتمة.ن.على الطاير..
عقب مايحرف ملويتوه بلوه وجه مسلم <<<وهالمسلم وش موزيه يطلع هالحزة؟
<<<<إنت ياراعي السالفة..وشوووو اللي رّاصك على مداحم هالخلق..وبهالوقت؟!!
***
هكاليوم تخافيت روحي عقب الفطور..قلت:ياولد بوه لوه مسجد.ن.يذكرونه يمّْ حي الرحمانية يصلي بوه لوه خطيب.ن. يخلي الدموع تساكب أربع أربع..وليه يامال الغنيمة ماتصلي معوه الليلة؟!
جيت للمسجد ياولله ضايق.ن.مالك المخش..داحمت لياما توهلت منصفتهم ..
وأنا أزرع روحي بين هـــ(كالمصري وفرخوه)
ياولله نوا ظر المصري نواظر.ن.قشر..ووجهووه هكالوجه الليّ ماترجي من وراوه إلاّ الدبور!
قلت:فرقا وجه وش عندك (تبحلئ) لي ياولد؟؟
قال:مايصحش كدا يااستااااز..إحنا في بيت ربنااااا!!
قلت: (أومااااااااااااااااال بئاااااااااا)
والله ماوقفت هالماقف إلا وأنا داري.ن.إنوه بيت ربي..وأشوى اللي ماهو بيت.ن.لك..
تمن بوه علي أو تطردن منوه..يااااوجه الحمرّة..<<(بضم الحاء وسكون الميم وفتح الراء بعد تشديدها)<<تكفى يا....
كبّر الخطيب..وكبرّنا..ياولله ولدوه مغضور الشبر ثومة.ن. خالصة..وبس لوه حركة..
ونوب.ن.يزحر تقل زحرة بعير..أيقنت إنوه معبي.ن.مطشيوه لطاروه..والثلاثة أثلاث مودعهن كلهن أتسل.!!
قلت:ألين هذي البلشة!؟ ويالله إنك تصبرن على هالمصيبة وتعطينن البال الزين.. والصدر الوسيع<<منين؟؟!
وهو يقوم يروج ردّي الشيمة..ويتمرجح بيني وبين أبوه..وليامنوه خذا لوه شوين لمعَن بكوعه..مع ورتسي ..
ياهو تقل مسمار.ن.بتسبدي
<<<<مابغى يتعرضوه..لياهالحين وهو خاااشع الله يجزاوه خير
طالت وعرضت ..وهو يشتت خشوعي..شتت الله شمل العدو..
وأنا إرّص كوعي على كتفوه..وأهبطوه للقاع..ياما بغا يصيح..وأيقنت إنووووه حسّ بالوجع
وأنا أرفع كوعي عنوه..وبس عيني لوه مغضور الشبر<<<متحري.ن.الخيانة وهادزي.ن.بوه الشين
<<<<<<خلاّااااا الخشوع..ونسي الصلاة..وصار كل هموه مجالد فرخ هالمصري
وعلى غفلة.ن.مني..وانتباهة.ن.منوه وهو يرفع ماطاوه لياما وّزن ركبتي ويهبد أصابعي هكالهبدة اللي خلفت له جعرة.ن.تبعه له تسف.ن.بالصابر..وهي تصير بيني وبين أبوه..والوغيد بيننا..
خلينا الصلاة وصارت مماوط عقل ومحاذف بصحات هالماء وقوارير اللبن<<<حاطينهن أهل الخير للشرب..ويبون الأجر ماحسّبوا حساب هالسالفة..وإنهن يبن يصرن مهاديد!
والخطيب يقنت((ولاعدوّا إلا خذلته))..وردي الشيمة المصري يغز يديه ويمّن((آآآآآآآآآميييييييين))؟!
والولد..أبو فناخر يغط عليّ..<<<(مافهمت قصدوه وإنوه يعنينن ويقصدن إلا هنااااااك)
قضى الخطيب من القنوت..وأوشكت الصلاة على الانتهاء..
قلت:مابه مابه..باتسر يقال ذللوه هالمصري..وعجز ياخذ حقوووه..
وأنا أززززخ هكالبرادة <<<<نشيط ماشاء الله عليه..
الله حق هي برادة.ن.مهي تسبيرة والظاهرإنه خربانة..وراكنينه على الجديّر..وليا وصلت الصحيح والصدز جالوه مجال<<(الصدز ماهوعندك يهالوجه) بعضه ماهو به..يعني تقدر تقول نصف براااااادة أو هيك شي!!
تنخيت بالعجيّز<<<عمة.ن.لأبوه يسمعوه يتنخابه ولاّ هي ماتت ماشافه الله يرحمه وينزله المنزل الطيّب.
المهم:إني زخيت رمّة البرادة وأنا أحذف به المصري وفرررخوه حذف..
ومادري وشلون قال سبيع الأبو ليا والله بس رجدته بالجدااار..ثريه جنّب عن وجهته(يامجنب.ن.دربوه السعد)..
ولاصار بوه بلى..وهو يدزلب بحلقي..
ويقوم يصيح وينتخي((آرااااااا سميت أناالفرغلي)) وهو تقوم تناخا أكاّااالة الثوم
وإذني ماتسمع إلاّ ((أرررخو حسنية))..((أراااا ابن الحاااق متولي..))<<<المهلي مايولّي
<<<<<<<قام يخور
آثري المسجد كلووه مصارية والحارة عن كبة أبوَه أحد معاقلهم بالديرة..!؟
وأنا لك أعضّ الشليل..وأقوم أقمز قمزاااان..طايرة.ن.شوشتي وبوجهي لهديفتي((مبيّد الحيل<<كابرسي))
وهو عارف.ن.بهالسوالف من أرتسبوه يشتغل<<<<من والله كثر ماتـُنجش وتـُطرد لهس على الانحياشة
ومابين عيوني إلا هالمرايا أبي أتأكد هو لحقن أحد ولاّ..لا!
ولياما وقفت باستراحة الربع وهالدنيا له إدوواخ والعجّ قافينن..
وهم يفوعووون..<<(يطلق على الحركة التي تعقب الراحة يعني اللي جالس ياقف واللي متسلدزي يتعدى الجلوس للوقوف)
عسى ماشر؟! وش علمك؟!
وأنا أهنف(الهنفة نوع من أنواع الضحك بس قصيرة مدى..وغالبا ماتكون دليل غرور وثقة)
قلت: مايجيكم الشر؟
لقيت لي ناس.ن.تدّااابْ بهالشارع وأنا جاي.ن.للاستراحة وبوسط هكالضول ياولله تقل بوه شمغ ناس.ن.من الربع..يتعافرون هم وبعض أبناء الجالية السودانية..<<<الله حق شلة رعيان.ن.متغيبة.ن.عن كفلاه
وأنا أخطف قناتي وأحوّول عليهم وأبربدهم كلهم<<<إخص يالعديم
ياولله هالولايش متجضعة وأنا إطلع السعوديين من بينهم قلت:والله ماياطاكم الضيم وأنا حوووولكم
أبلشونن لازم تعلمنا من إنت؟ومن هالحتسي؟ يعني تخبرون راعي الجمالة؟
قلت:مالكم بي..توكلوا على الله...
وحنا بهالجو المحفوف بأوج الانتصار..ياولله هذولا الشرطة..وهذيتس تشغيلتي لياما وقفت عندكم؟؟!!
قالوا: ونعم والله..عادتك يهالوجه..ولاهي غريبة.ن.على أمثالك..!!
قلت: (أوماااااااااااااااااااااااااااااااااااا ل بئاااااااااااااااااااااااااا)!!
قالوا: وشووووووووووو؟؟!!!
قلت: لا قصدي..وين المغاسل أبي أغسل..!؟[/align]
[align=center]للي يشووووف المصري يوصلّ لوه هالبويتات على لساني..[/align][poem=font="Arial,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالفرغلي..لاطيّب الله مساعيك=ولاحقق الله مطلبك وأمنياتك
يالفرغلي..وشلون هذي مباديك=وين الخشوع الليّ يطمّن صلاتك؟
من وين ماجيتك من أيـّا نواحيك=ثوم.ن.يفوح ومصدره من لهاتك
يامتبع.ن.صحن السمك فرخة الديك=وجوز الحمام الليّ شونّه بناتك
وعقب الكوارع عايز.ن.حالي الكيك=والشاي الأسود عقبهن هو وصاتك
إرقيلتك حطيتها بين رجيلك=تمّزززها ..مزّ الوجع من حياتك
يالثور الأملح دشدش الله علابيك=وعجّل زوال اللي يسوّي سواتك
لاتقرب المسجد عسى الموت يخفيك=دامك تلوف الثوم هذي جزاتك
بالبيت خلـّك ياسمو حضرة البيك=وعند الهوانم مقعدك..ياحلاتك
لاتوذي من يكره صفاتك ويوذيك=وقناتنا ثمّن تعانق قناتك
ومذهب هلك عن مذهبي صاريكفيك=لاتفتنن إصبح سبب في وفاتك
براس العمد تقسم..وعزّة معاليك=وبالنعمة تحلف خيّتك..وبغلاتك*
أظنكم ناس.ن.تلوك المساويك=وزهاب غيرك تستضفه عباتك
مار انقلع تر لوّث الجو طاريك=فاااارق عسى المولى يخلخل ثباتك
هذا كلام الليّ حلف مايدانيك=لاانته..ولاخيّك..ويكره مرررراتك[/poem]
[align=center]*(للأسف شائعة وبكثرة بين أوساط المجتمع المصري إلا ماندر في بعض رجال الدين:
القسم بالنعمة وبالغلاوة وبالحياة..فيقول:عليّ النعمة..وحياتك..وغلاوتك عندي!)<<يملا اللي يغلك بلك مليله
تحياتي..والمعذرة تسان به طووول<<<وشاكّ.ن.بعد؟!![/align]
رد مع اقتباس
المفضلات