[align=center] بسم الله الرحمن الرحيم [/align]
سلام ياهل المضايف كيف احوالكم اشتقتوا لى والا لا ....بكيفكم (واحد مغرور):641:
اكا السنه وحنا قطين على جبه سير علينا بناخينا / صلفيق.... جاي من المنطقه (الشرقيه)
وكاشخن على الشيبان ويكذب عليهم حتى انا يامحاكيكم صدقته 
المهم تعشى عندنا وخذ ياعلوم وسوالف عن المنطقه والفلوس اللى مثل الرز تعبيهن بخيشه 
(نظرت اهل حايل لاى واحد شغال بالشرقيه )
الوكاد جال بفكرى روحه للمنطقه اغدينى اعبى كم خيشه وانكس لحايل اعرس وابنى بيت واستقر (مالن من مسراح بالغنم والبعارين )
وانا غارقن باحلامى وهواجيسى نسيت نفسى واقوم اتمثل بكالبيت (اهب يالتبيناوي)واقول
مليت شوف الغنم والبعارينى شفي اتمشى براس تنوره
ولا دريت الا بيد النجر بجنبى وانا اتلوى تقل داب 
واترك المعاميل والرجال وانحاش وازبن الضلع (توه واقع بالتتن )
وبعد ماهدت نفسى وارجع الا الناس والشيبان يراعون .... واصيح يبه ويرد الشايب ..حطبه وش تبى يابناخى الرجال (احسبه مسبه )
قلت ابى اروح مع صلفيق للمنطقه اغدينى القى وظيفه واخذك معى انت وهلى ونسكن بالمنطقه ونترك حياه الشقاء والكسافه 
.... قال الشايب وش تبى بالمنطقه ياوليدى خلك بهذا اريح لك ولى ماتصلح لك المنطقه ...قلت يعنى هاللى راحوا للمنطقه احسن منا.... ابى اعرس واشترى سياره 
وتقوم الشيبان اي والله يابو مغترب خلوه يروح ويجرب حظه ويجيب من الدراهم كم خيشه مثل( ما يقول ابناخيكم) الفلوس بالشوارع تبى اللى يجمعه والمغترب تره حرك..... ويرفعون بالشويب وهو يوافق 
الوكاد خذينا الخرجيه ووادعنا العجيز ويوم صار الليل ليلينى سريت انا وصلفيق على اكا السى (نوع من انواع السيارات انقرض منذ مبطى )
ومع شرقت النور الاحنا بالرياض وبكا المطعم نفطر (اول مره يطب مطعم ) ونطلب الفطور وعلى جيبه الفطور يا دخلت اليم ومحارش .....
ياهلا والله ..الله اللى جابكم بها لسهله الريداء ... قال صلفيق وش عندك يامغترب ومنهو اللى تهليبه 
قلت اصبر وهالحين تعرف منهو اللى اهليبه وافزع للسى اخبر به له قناة تفضخ قلوب المرضعين 
واستدنى قناتى واجيك منصلق يمهم .....تخبرون يوم تحاشقونى عند القليب انت والخسيس اللى معك وتضربونى هالحين جاء وقت اخذ الثار (الزير على غفله )
....قال اليم يامغترب خل الامور اللى بيننا بحايل لاتفضحنا بوسط هالرياض ادخل على ربك 
قلت ذليت ياعفن الرجال يالسدمه انطح عن روحك جاك الموت ياتارك الصلاه 
وعندك عندك :629r:قلت مالى الا اصفق اليم مع الافم واتفاهم مع اللعين الاخر ....
المهم برفعتى للقناه وتنزيلته يم اليم ياروغته يمرت عامل المطعم ابو يمن على فاله 
ياهات ضريساته 
وهم يتحاشقونى انا وبناخيي اليمانيه وعندك عندك واشوى يفزعون معنا اليم ومحارش ياغادين المطعم (قش صلبى )
ويفرقوننا الناس يا جيت الشرطه وهم ياخذونى لبو زعبل 
وهناك الله يجيب لى هكا لشمرى وانا انخاه افزع لعنبو حيك (كلمه تقال لبث الحماس والنخوه عند الشمرى ):023b:وربك يهدى اليمانى يتنازل ب3000ريال (يامدور المكسب راس مالك لا يضيع ):480r:
انتظرونا المره المقبله لتعرفوا المزيد من المواقف في روحتى للمنطقه
ودمتم سالمين (مهو لاعب البحرين )انتم ياملى
رد مع اقتباس
>>> الا على فطنه هي كم تاخذ كيس شعير 
مشرف مضيف الترحيب والتعارف
المشاركة الأصلية كتبت بواسطة ذيب شراف
المفضلات