المصايب تجي دفعه وحده

[غاده]

[blink][align=center] لي عوده ياالاصيل ان شاء الله !!!!!!!!!!![/align][/blink]

[الأصيل]

[align=center]المحروووم

الله يسلمك يالغالي

وعلى قولت المصري : ماتشوفش وحش






نطلالالان

أثريك مثقف يامذهوب

بالله عليك : منهو اللي غششك معنى كلمة ( خلاصتها )؟؟

وبعدين أشوف طموحك واصل الثريا ،،

يقول : لو إني المشرف العام !!!!!!

عساك ماتتولى علينا

المثل يقول : مد رجلك على قد زبونك






أبوغازي

ماتقصر إنت وابوقناة

لكن السالفه مهي سالفة قني ( جمع قناة )

السالفه مثل مايقول المثل ( إخيذة ضحى )

الماضوع بوه المشرف العاااااام ( وحنا على قد حالنا )

وسلامة عيونك من الإحولال







المخاوي

يابعدي

وش موازيك تمشي ألفين ؟؟؟

الركاده زينه ونا خوك

لو يضرب معك كفر ... تاصل قطع سيارتك لمضيف الألغاز

ونتحرى نكستك الميمونه








الريم

هلا بتس ياخيه

أما التعديل ، فأنا هقيت هقوه إنوه لمدة ساعه

وذلك ( انتبهي لـ وذلك )

وذلك حسب خبرتي في بعض المنتديات الأخرى

وبيني وبينتس ...

أنا بغيت أدز رساله خاصه لحدا الخيوات علشان تمسح تعليقي الغبر

لكن : خذتن العزه بالإثم

قلت والله يابو الأصايل ،، لو ياصل الدم للبلعوم ،

ماأطلب من الحريم أي حاجه .

وعسى الله لايعوزنا لكنّ







نبراااس

بنجور أخيييي


يالبخييييل

وراك ماتعزمن على الكبتشينو ؟؟؟

عاد أنا أتسلي خفيف ، ثلاث أربع لقمات

وعقبها ( الله ينعم عليهم ... عوافي )

أهم شيء : تسثر ملح بالكبتشينو هذي

وياليت لو تشويه شوي أزين من الطبخ

سي يو ليتر






ذيب شراف

أما حنا ... نشم ونعوي ( تخبر مالنا ظهر )

والحمد لله اللي فكنا من هالجلاجل .







يابو الشناقل

يابو (( تونجيقيا )) الله يخليه لك ،،

هي الحين تسم عمره ؟؟ عساهي تخطّي

افطن هاليومين،ترا برد، لاتخلي الهوا يشفّ بنيتك ((تونجيقيا))

ياحبيب ألبي ..

المكامش غير ،،

وانت عارف إن أي موضوع لوه علاقه بالحريم

فلابد أن يخضع لجميع الابتززات والحزازيات






اترك عنك مكامش الشبث ... خلاص .. صرتو رجاجيل ، نبي نزوجكم







مفتاح 14

ياخوي أنا لو أدري إن المهجور ( كنايه عن الموضوع )

لو أدري بوه عن النسوان تسان دقيت لطمتين وواحد ببسي

لكن .. العمى عمى القلب الله لايبلانا

أخوك غارن غافل .. شفت موضوع شموع ( ذابحتوه الرومانسيه )

واللي حصل حصل

وأما كلمة ( تحسباً ) فما تبي له روحه للعارفه

وهي أوضح من الشمس في رابعة الغيوم ..


وتحياتي الحاااره لك







الملاك غيدا

نهجت له حاجه

وتجي شوين .. اقظبو القاع ليما تجي [/align]

[أبو مقرن]

[align=center]الأصيل..
((عندنااا وعندك خير...يالعشير..))
هذي يابيي ياصرت مطفوق وشامط.ن. الطفاقية شوووي قرادة..
لاتستغرب مثل هالسوالف..من كثرهن (حتما) سوف تصبح القرادة سمة ً وعادة..
<<<<<<<<ألينك ماتبشّر بخيرررررررر

عااااااااااد أقولك
لو ماهي بك هالسويلفة..وتلوددة هالنصيب..تسان ماإنت من الربع
***
لي فترة.ن.غايب أعافر هالدنيا وبلاويّه
ويوم نكست أول مانطحن هالموضوع..اللي يودع الفرفشة ملابطتن
إلى وقت.ن.هقوووتي إنه يطول..وخصوصا لاصار بوه نكهة قلم الأصيل
***
تحياتي..وعسى القرد يجنب طريدزك..يالرفيدز [/align]

[الأصيل]

[align=center]هلا وغلا بعميد الفله

أبو مقـــــرن


والله ياخوك .. الطفاقه شينه

وبوه مثل يقول : من تهدا ماعثر

ونا عثرت على وجههي لكن .. ربك يحب الستر




حول شوين الله لايهينك









أنا ( بيني وبينك ) خفت من حويجتن أخرى

ألا وهي ( إفطن لـ ( ألا وهي )

الشيطان مامات

والصراحه خفت لايقولون الأصيل ذابحوه النذخ ، ومسير على البنيوات

واللي يشوف صابري الأيمن يقول إني من مواليد 1312 هـ







على العموم ..

الجميع يبتهج إذا رأى مشاركة أبومقرن

وخصوصاً ... الأصيل أبوثوب [/align]

[الشبث]

[align=center]

عمووووووووووووووو الاصيل

الله يرجك رجة الشاة

عزالله ان عرقي قام يتصبصب معك ذالن تنكبن معك ( اللي بطنوه ريح

ما يستريح )


بس وانا اخوك ادخل اي مضيف يعجبك وتلطم وشارك وتسنك ماتدري

وفض اللي براسك

وليا تنهزرك احد او سمعت دبكن حولك لذ بالفرار ( خطط الشبث )




تسلم يامبدع على هالتميز

وعلى اسلوبك الرائع واللي عشنا معك هالقصه المأساويه





وتقلد تحية اخوك الشبث[/align]

[بو رائد]

الاصيل هلا بهالطله شكلك اخذن دوره لغه عربيه صايرن مثقف بالحيل
موضوعك يحصل كثيرا مع كثير من الناس لكنك انت رجلن حياوي والا
ترا الموضوع عادي ليه؟ يمكن تستفسر عن شي المهم ياعل عمرك طويل ياالاصيل يابعد حيي ولاتبطي بالغيبه وتر عندي روحتن يم الشارقه
كان توصي بشين او تخاوي السفر مع مثلك مكسب يا الاصيل دمت بصحه وعافيه

[الأصيل]

[align=center]شبثااان

وين ألوذ بالفرار ؟؟

هاللي تشوفن خامر عندكم بهذا بالفله

حتى أهل المحاورة عجزت أسير عليهم

خايف من اللي يتعرض لي بطريدزي

وإنت عارف المساااافه اللي بيننا وبين المحاوره


( يالمذهوب ... أثريك راعي خطط ))

عسى ماصابك اللي صابن







هلا وغلا أبورايد

لكن الظاهر إن الثقافه مجنبه طريدزي يافلان

تروح وترجع بالسلامه ياعزيزي


أوصيك بحاجتين

1 ـ السرعه ،، خلك من الميه وخمسطعش وجاي ( يعني لاتسرع)

2 ـ لاتاخذ معك الشبث أو النطول أو شنقل

(لو تسافر للهند لحالك مشي على رجليك ) [/align]

[المخاوي]

[align=center]

باختصار
هكا اليوم ..
منبطح على الكيبورد .. أراقب شريط العناوين عن كثب

اريت لياهالحينك منبطح عن كثب

جلست أمامه ... واضعا كفي على خدي ( أكسر الخاطر )

ايا بعد حي هالخد هي صفقتوه هالشمس

قلت : عز الله انفضحنا ، أكيد شافو مشاركتي ( عساه ماتفيد )
يوم فتحت الصفحه
مالقيت أي رد لي .
قلت : الحمد لله

اقووول ماتغرف لي من صميل حظك لو شوي

الاصيل
تصدق ياخوك ان تو يفطن علي اني ابي انكس لموضوعك

مدامك هلون نوبتن اخرى توقع لاتجيب العيد [/align]

[الأصيل]

[align=center]هلا بالمخاوي

نكستك أبطت شوين ( عسى ماخلاف )


المهم .. تسان تبي أغرف لك من صميل حظي .. دزرب الطاسه



والله يالمخاوي .. أنا ياخوك متوقع ( ولاهو مدحن بروحي )

لكن المعثور معثور ..

ولولا الله .. تسان أخوك جاب العيد وشوال وربيع الثاني[/align]