[align=center]السلام عليكم ورحمة الله وبركاته
عندما تحين الفرصه الثمينه بعد طول انتظار وغياب وعذاب
ويتم الللقاء المرتقب بين الحبيب وحبيبه
ولكن يبقى الحظ غائبا مما يؤثر سلبا على النتيجه المصيريه00
اليكم هذه المتواضعه(عتاب حظ00 ) آمل ان تحوز على رضاكم0 [/align]
[align=center] ول ياحظ 00!![/align]
[poem=font="Simplified Arabic,6,green,bold,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]
ول ياحظ وينك يوم عندي (وعد) = فرصة العمر راحت وانت وينك ووين
خنت بي وحبيبي معك خان وجحد = انكر العرف وانكر عشرة المخلصين
بعد ذيك المحبه والوعد والعهد = الزمان وظروفه فرّق العاشقين
فرقتنا الليالي لو نعد ونعد = وانهدم مابنيناه بثمان السنين
ماهقيت الزمان يغيره للابد = كان مخلص وانا له كنت مخلص وامين
كنت عايش بحلمي ماعلّي من احد = انتظر واتخيّل ( فرحة المعرسين)
لاكن الحظ الاقشر والقدر بي قعد = راح صبري وخلي راح للاخرين
افترقنا ولا ادري من نزل ، من صعد = ذاك قفّى شمال وذاك قفى يمين
ولابقى لي سوى الذكرى ، وصبري ابد = (ورسمة اثنين صف وبينهم وردتين)
فرصتك ياعذولي بس مّر وتعد = شف دموعي عليه وبشر الحاسدين
جهزوا ماتبون، وجهزوا لي لحد = متت هجر وتغلي واشتياق و وحنين
يازماني صبرت ولابقى لي جلد = يازماني علامك قاسياَ ماتلين
معك مادام حزن ولايدوم السعد = والنتائج تغيّر بين حينٍ وحين
واي موجود زايل ويتبدل بعد = يتبع الزين شين ويتبع الشين زين
ياوجودي عليهم وجد طير الهدد = له سنه رابطينه وانعمت منه عين
واطرفوا عينه الحيه وفرفح زهد = بين جرحه وعدوانه ولاله عوين
عشت عيشة تعاسه واضظهاد وضهد = اسهر الليل كله مثل سهر السجين
كل ما اخيل برق وكل ما اسمع رعد = واذكره 00 قلت يالله عوّض الصابرين[/poem]
[align=center]محمد عطاالله الشراري[/align]
رد مع اقتباس
مشرف مضيف الترحيب والتعارف
المفضلات