المناسبه
أصيب ثامر بن فلاح بن شامـان الشمـري إصابـة ادخلتـه المستشفـى
وكان في دورة عسكريه مسؤلها المقدم تريحيب واثناء وجوده في المستشفـى
كانت قد اوشكت الدوره على الانتهاء وطلب والده من المقـدم تريحيـب
تمكينه من التخرج مع خوياه ،، وكان له ما اراد ،، وبهذه المناسبه أتى ابو ثامر
بـهــذه الـقـصـيـده وسـلـمـهـا الــــى تـريـحـيـب
[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="solid,5,burlywood" type=0 line=0 align=center use=ex num="0,black"]
سـلام منـي للمقـدم تريحيـب = اعداد ما خـط القلـم بيـد كتـاب
وعداد ما غنوا هل الفطر الشيـب = بأرضٍ خليه ما بها غير الاعشاب
وأعداد ما ذعذع نسيم الهباهيـب = وأعداد ما سجيت رجلي للاقـراب
ما هي غريبه منك يا كاسب الطيب = حلياك من نجمٍ تبيـن ولا غـاب
شريف ما يدخل على ساسك العيب = من يفعل الحسنا بالاجواد ما خاب
لقيت بالعتبان خمسـة عذاريـب = الطيب والنخوه وتقديـر الاجنـاب
دون الخوي يا طون حر اللواهيب = وان حدت الدنيا يفكـون الانشـاب [/poem]
وجاء الرد من : تريحيب بن سويلم العتيبي
[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="solid,5,burlywood" type=0 line=0 align=center use=ex num="0,black"]
حي الكتاب اللي من الشمري جيب = اقولها بالصـدق مانـي بكـذاب
يا مرحبا عد النجـوم المراقيـب = ترحيب مشتاقٍ ليا شاف الاحبـاب
بكتاب ابن شامان رجل المواجيب = فيه الجواهر بين صايغ وحسـاب
بنيت له بأقصى ضميري دواليـب = هذا الرصيد اللي كنزته وراء الباب
من شأن ثامر يرخصن المطاليب = خوينا الطيب له الحـق غصـاب
خوينا ننصاب مثلـه ليـا صيـب = نمرض معه ونطيب مثله ليا طاب
يا عل ما يفتق على مثله الجيـب = والله يجيره من صواديف الاسباب[/poem]
رد مع اقتباس
المفضلات