مجلس ....بناااات !!

[بـنـت النـور]

[glow=003366][align=center]غيث السحايب يالله حيها

نورتي المجلس بنات قمن فزن وين القهوه

ريم شمر جيبي القهوه والقدوع على فاصله بيضاء

وانتي يالريم وين الحلا

وطيوبه وين البسكوت والحلويات وشموخ والملاك غيداء عليهن العشاء

انجزن لاتبطن عليناااا

انا بقعد مع غيث السحايب اونسهااااا [/align][/glow]

[ريم شمر]

[align=center]هلابالبنوتات

هلا باللي دخلوا مجلسنا

الملاك غيداء

وغيث السحايب

حياكم ربي

وهذي قهوتكم

وشكرا لكل البنات اللي لبوا الدعوه

الله لايحرمني منكم

وانتظر باقي البنات


ومجلسنا عامر بوجودكم





ريم[/align]

[الجازي]

[align=center]الله يفشلكم تسانكم فشلتونا في التماسيح

الحين هذا مجلسكم أنتم ووجيهكم ماعندكم الا قهوة وحلى >>> ضاق صدرها من كثر مايصجونها بالحلى

سولفوا زي الأوادم بلا فضايح ,, عطونا سالفة جامدة خلوا هالتماسيح يعرفون ان عقلياتنا كذا

يعني عطونا بحث علمي تكنولوجي عشان نتناقش فيه >>> وش هالشطحة

شوفوا عاد ياسولفوا زين والا تراني بقاطع مجلسكم هذا وأفتح لي ديوانية خاصة VIP مايدخلها الا اللي أعطيه كلمة السر >>> علي بابا على غفلة [/align]

[بنت الشمال]

[align=center]ياهلا والله .. الله يحييكن يا( بنت النووور & ريم شمـر )
المجلس منـووور بوجودكن يالغاليات ...

ماشوف إلا الحلى والقهوه

الله الله بالسوالف والمواضيع المفيده << على قولت اختنا الريم

[/align]

[ريم شمر]

[align=center]الريم لاتصّرفين


الحلى بتسوينه يعني بتسوينه



ريومه تبين سواليف خوذي سواليف

عندي مقال طازه تو حبره مانشف

مكتوب في جريده (............) وهي اشهر واكبر جريده في (..........)

المقال يتكلم عن السعوديات ( انواع المدح )

الصحفيه حضرت مناسبه خاصه بالسفاره السعوديه في هالبلد وتعرفت على السعوديات وتكلمت معهم

وطلعت من هنا وكتبت الموضوع من هنا

صراحه موضوع راااااااااايق

تمدح فيه اخلاق السعوديات وجمالهن واناقتهن
والكرم المبالغ فيه وحسن الاستقبال

ماخلت شي حتى البوفيه كتبت فيه معلقه

لانه بوفيه على الطريقه السعوديه

مفاطيح وجريش وقرصان


لو قدرت بحاول احصل ترجمه للمقال وانزله هنا



.
[/align]

[بـنـت النـور]

[align=center]

[glow=00FFFF]الريم [/glow]

لاتصّرفين


الحلى بتسوينه يعني بتسوينه

[glow=33FFFF]ريم شمر[/glow]

مقال كذا
مفاطيح وجريش وقرصان
وتبين من يترجمه عندتس الريم وشموخ [/align]

[هـــلا]

[align=center]طيوبة

بصراحة حبيت أسوي أقتباس لجملتك أعجبتني مرة

[glow=FF99CC]اذا تبي حريمته شاوره[/glow]

بنت النور

ما شاء الله عليك صايرة كأنك مضيفة المجلس ترحبين بكل اللي يدخلون.... عساك على القوة يالغالية

وباقي الحلوات

ربي يسلميدينكم على الحلى والقهوة كل صورة أحلى من الثانية

شموخ

بالنسبة لموضوعك عن طريقة صبة القهوة

حبيبتي الحين نادر اللي تصب القهوة على عادات أهلها , عندك الطبع الصحيح في صبة القهوة تعرف امي وجدتي وإجتهاداً مني تعلمته لنه عجبني..

بلاك ماتشوفين خواتي عند الضيوف احلف عليهم حلف ما يصبون لنهم يملون الفنجال ويجلسون يسولفون وينسون الدلة

يعني الدعوة ((مجرد إعجاب))

بيني وبينك أنا العادات اللي تلفت نظري أحب أعرف أساسها وإذا هي عادة حلوة أقتنيها وأعلمها لنفسي أولاً ومن يعز علي ثانياً

أما عن موضوعك بخصوص

[glow=FF99CC]طريقة عمل القهوة[/glow]

::المقادير::
بن / هيل / زعفران

::الطريقة::
عزيزتي الخرمانة ((معناتها مدمنة قهوة بس لهجتنا))
حيل عمل القهوة عليك وضع مقدار من البن حسب حجم الدلة يختلف المقدار
وإجعليها تغلي لين تعقد ((يعني تطلع روحها))

ثم بعد ذالك قليلاً من الزعفران ((المقدار بين أصابعك))
وأجعليها تغلي غليتين تقريباً

ثم بعد ذالك عزيزتي أضيفي الهيل بالمقدار الذي ترغبينه ويعدل مزاجك
ويفضل ان يكون الهيل بنصف مقدار القهوة<<<< ((نصيحة خرمانة))

بعد إضافة الهيل خلك واقفة عند القهوة غليه وحدة أو حتى أقل من غلية بمجرد إرتفاع الماء أحملي الدلة بعيداً عن الموقد

ثم أجعليها تركد قليلاً ريثما <<<<((قوية ريثما :: يعني لحد ما:: لغير الناطقين بالفصحى)) تولمين الصينية والفناجيل والتمر الحنيني

وبعد ذالك بالهناء والعافية على قلوبكم

بنات سامحوني مالي خلق أحط صور عند كل كلمة هذولي الصور وكل وحدة تحطهم بالمكان حسب رغبتها

:480r: :untitled: :192r: :023b: :515r: :507r: :629r: :confused:

ولاتنسون تدعون لي[/align]

[مجد]

[align=center]


يا هلاااااا وغلااااااا بالحبايب

مشكورين على الضيافة .. وكثر الله خيركن ماقصرتن..

موضوع القهوة .. امممم
اسمعي ياشموخ .. وباقي بنات المضياف "انصات لو سمحتوا"

القهوة ياحبيبتي
اذا ما يكون الفنجال أصفر من الزعفران + والهيل يشق الخشم
ما تعتبر عندنا يا أهل نجد "قهــــــــــــــوة"
لان قهوتنا .. كذا من اجدادنا الى احفادنا

أما غير كذا هذه مو قهوة ..
وغير هالقهوة لا احد يتعب يسويها
لاني لن اشربها

والسلام ختام [/align]

[بـنـت النـور]

[align=center]يا هلاااااا وغلااااااا بالحبايب

اخبااااااااركن بنااااااااات

شموخ والبنات القهوه اذا
ما يكون الفنجال أصفر من الزعفران + والهيل يشق الخشم
ماتكون قهههههههههووووه
سلاااااام [/align]

[طَيْبَةْ الْفال]

[align=center]السلام عليكم ورحمة الله وبركاته

اخباركم يا حلوات ان شاء الله بخير .. ابشركم انا بخير والحمد لله
وهذا انا جيت وعسى ما طولت عليكم كنت اصلح لكم قهوه


عاد الحين جا دوري اقولكم خلطتنا السريه في تصليح القهوه

اول شي اغسل الدله واذا مستعجله مهو لازم تغسلينها
اهم شي النيه
عقب اترسي الدله مويه عشان تعرفين مقدار المويه بس
ثومن صبي المويه اللي حطيتيها بالدله ارجعي صبيها بالقوري (الابريق)
ثومن شبي النار ودني الدلال
وهاتي القهوه المحموسه مسبقا وحطي مقدار فنجال واحد
وخليها تطبخ مع المويه عالنار
ثومن جيبي الزعفران اذا ما عندك زعفران حطي الوان عيش
وحطي مسمار مطحون شوي بس بين اصابعتس وهيل
عاد اضافات من عندي حطي شوية زنجبيل مطحون وحليب كوفي ميت او كارنيشن والا اقول الكارنيشن غالي حطي ابو قوس
وخلي قهوتس تطبخ ... عاد بهالوقت اللي القهوه تطبخ فيه اشغلي نفسك عزيزتي بغسل المواعين المتراكمه على المغسله


وحياكم الله واذا تبون طريقة الشاهي علموني بس

.[/align]