للبنات فقط سؤؤؤؤؤال محررررررررررج

[فاصــ بيضاءــلة]

[align=center]السلام عليكم ورحمة الله وبركاته....

سؤالي لو سمحتوا وبكل صراحه هووووووو.....

لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك
الا امك تناظرك وتضحك وتتبسم وانتي كل شوي تعدلين بشكلك تحسين فيكي شي غلط ( وحده ماهي واثقه في نفسها ) ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال) هاهاهاهاهاها
امك : تبيك تكنسين حوشهم وش تبي يعني تصور مع خشتك ( الام خفيفة دم )
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل ) ماعلينا المهم
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )

المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب ( انتي طبعا خايفه يقول المعرس بعدين اهم شي الاخلاق ) ههههههههههههههههه


سؤااااااااالي هنا ابى اعرف وش بتسوين من يوم الاثنين للخميس ويوم الخميس بالذااااات وش بتسوووووين ؟؟؟؟؟؟؟
<=== ملقوفه

ابغى اجابات وابغى حركة

اختكم
فصولة [/align]

[تركواز]

[align=center]

مرحبتين فاصلة

السؤال لافيه حرج ولاشي

بالعكس راح استغل كل لحظة في هذه الايام بالاستخارة و تكرارها و الالحلح فيها

لأن هذا أصعب قرار و الخطأ فيه غير قابل للتصحيح



طبعا هذا لــــــــو كنت صاحية

لأني من أتوتر انام في اليوم 20 ساعة أو أكثر . و الأربع ساعات الباقية أكون عند الثلاجة _ قولوا مشاء الله يابنات _

و مبروك مقدما فصفص [/align]

[طَيْبَةْ الْفال]

[align=center]وعليكم السلام ورحمة الله وبركاته



يالله انك تحييها وتقبلها ولا تكسحها

مشاء الله اجل بتجوزين هههههههههههههه عالبركه الله يرزقتس بالرجال الهدي والذريه الصالحه

ههههههههه بس مشاء الله عليتس اسلوب ممتاز وربي الله يسعدك ويدخل السرور الى قلبك


اما بالنسبه لسؤالك وش تسوين؟؟ انا اقولك صلي وادعي ربك واستخيري

واحنا عاداتنا مهي زيكم الرجال ما يشوف الحرمه الا ليلة العرس

يعني قبل العرس تلقينه يفتر عند باب البيت ههههههههه يحتريها تطلع

وهي بعد ما تشوفه الا ليلة العرس .. يعني انتم عايشين بربيع


والله يوفقك اختي الغاليه دنيا واخره ويرزقك بالزوج الهدي والذريه الصالحه[/align]

[فاصــ بيضاءــلة]

[align=center]


لأني من أتوتر انام في اليوم 20 ساعة أو أكثر . و الأربع ساعات الباقية أكون عند الثلاجة _ قولوا مشاء الله يابنات _

[align=center]ماشاء الله
حلو انك كذا ياتركواز النوم راحة[/align]
و مبروك مقدما فصفص [/align]

[align=center]ويييييييييييين مبروك

حرام عليكم توني ماكملت 16 سنة وتبون تزوجوني

لاحقين..[/align]

[فاصــ بيضاءــلة]

[align=center]وعليكم السلام ورحمة الله وبركاته



يالله انك تحييها وتقبلها ولا تكسحها

مشاء الله اجل بتجوزين هههههههههههههه عالبركه الله يرزقتس بالرجال الهدي والذريه الصالحه

ههههههههه بس مشاء الله عليتس اسلوب ممتاز وربي الله يسعدك ويدخل السرور الى قلبك


اما بالنسبه لسؤالك وش تسوين؟؟ انا اقولك صلي وادعي ربك واستخيري

واحنا عاداتنا مهي زيكم الرجال ما يشوف الحرمه الا ليلة العرس

يعني قبل العرس تلقينه يفتر عند باب البيت ههههههههه يحتريها تطلع

وهي بعد ما تشوفه الا ليلة العرس .. يعني انتم عايشين بربيع


والله يوفقك اختي الغاليه دنيا واخره ويرزقك بالزوج الهدي والذريه الصالحه[/align]

غريبة عندكم انه الواحد مايشوف العروس ألا ليلة العرس

[align=center]على فكرة حق شرعي انه يشوفها قبل..

وبعدين اتنم توقعتوا انه انا اللي باتزوج انا توني

بس حبيت احرك المضيف شوي..

ومشكورة على المشاركة[/align]

[مجموعة إنسان]

.

[align=center]قال تعالى { ربنا آتنا في الدنيا حسنة وفي الآخرة حسنة وقنا عذاب النار }

أعتقد أن الدعاء بهذه الآية وبصفة مستمرة خلال فترة ماقبل الخميس المنتظر

لها مالها من تأثيــــر


الإكثار من الدعاء والإستخارة

السؤال عن شخصية هذا الرجل ومزاجه

تهيئة الجو المناسب لذلك اليوم

إلخ إلخ إلخ


غاليتي فصّوله :

النظرة الشرعية من الأمور التي دعا لها المصطفى صلى الله عليه وسلّم

وأنا من المؤيدين لها بشدّة

فلما لا ونحن نحمل نيّة البناء لا الهدم

والبناء يحتاج مايقوّي أساسه

ورسولنا أعلم منّا بذلك

فقال الرسول (صلى الله عليه وسلم): « إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل ، فإنَّ ذلك أحرى إلى أن يؤدم بينهما » ..

وروى مسلم في صحيحه عن أبي هريرة -رضي الله عنه- أن رجلاً ذكر لرسول الله (صلى الله عليه وسلم) أنَّه خطب امرأة ، فقال له رسول الله (صلى الله عليه وسلم): « أنظرت إليها؟ »



عجبي لمن يأخذ من سنّة المصطفى مايحلو له ويهجر مالا يحلو له


غاليتي فصّوله :

أشكرك على هذه المشاركه


ولاتقاطعين [/align]

.

[فاصــ بيضاءــلة]

[align=center]هلا والله بمشرفتنا

تو مازان الموضوع يوم مريتي عليه

رد جميل جدا

شكرا مجمج [/align]

[هـــلا]

[align=center]

موضوع قمة في الروعة غالتي فاصــ بيضاءــلة

أنا ماراح اناقش موضوع الرؤية الشرعية لأنه ولله الحمد مطبق عندنا

أما بالنسبة لسؤالك عني وش بسوي من يوم الأثنين لحد الخميس

أنا بقولك

من يوم الأثنين لحد الخميس يعني 24 * 4 = 96 ساعة

أعتقد إن كل هالـ 96 ساعة بقضيها صياح ودعاء وهواجيس وقل نوم هذا إذا نمت أصلاً

وإذا جاء يوم الخميس بدخل عليه ووجهي تعباااااااااااان حيل

وأعتقد بيهج أول ما بيشوفني

= = = =

عندي أقتراح أحسن مجرب ومضمون 100%

المفروض الأهل ما يعلمون بنتهم اللي مثل حلاتي بموعد الرؤية الشرعية

مثلاً ياخذون رأيها بالموضوع بشكل عام إذا أبدت الموافقة كان الله بالسر عليم وكملوا جمع معلومات عن ولد الأجواد

ما عندها إستعداد للزواج في الوقت الحالي كنسلوا الموضوع لأنه محد يقدر يجبرها

فل نفترض إنها النقطة الأولى ماعندها إعتراض على مبدأ الزواج

والرجال كل ما سمعت عنه من اهلها شيء يسر الخاطر

خلاص يتركون البنت فترة تستخير

((هذا الرجال ومواصفاته وفكري على مهل))

بهذا الوقت يحددون مع الرجال موعد للرؤية الشرعية بدون لايبلغون العروس



وفي اليوم المشهود



طاطاطاطاطاطاطاطاط <<< موسيقى تصويرية



يعلمونها من الظهر مثلاً ترى ولد الفلان بيجي يوشوفك بعد المغرب

إلبسي وتجهزي

على فكرة الموقف شهدته بإم عيني والبنت دخلت وبكامل جمالها الطبيعي

لأنها لا قعدت كم يوم سهرانة تفكر ولا ظاق صدرها ولا صاحت


مو ماصاحت أبد بس كم دميعة بطتهم قبل تدخل

ولله الحمد والمنة

خلصت السالفة










أدري بتقولون ياكثر كلامي

بس سامحوني في خاطري أقرق اليوم



الله يهني كل عروسين
[/align]

[ريم شمر]

انواع التطنيش

وش يخوف يعني

حتة عريس لاراح ولاجا

المفروض هو يخاف وينتفض بعد

حنا ولله الحمد واثقين من انفسنا

ان ماعجبه يقضب الباب

<<<< عسى ماتطقه

[هـــلا]

[align=center]حبيبتي ريم الخوف من مو العريس نفسة

على قولتك حتة عريس لاراح ولا جاء

الخوف من الموقف نفسة

تخيلي نفسك داخلة على رجال غريب بدون غطاك

ياربية قمة الإحراج[/align]