مهراس في صالة الاعراس

[مهراس]

:D :D :D :D :D :D
يااااااااااااااااااااااااااااااااااااعو والله مبطي عنكم وين خواياي :D محاوروش ياهنوه
يابعد سبدي هالخشش اللي متجمعه ويقرون:D احلى تحيه لمحارش والمصيري النايم مدري الساهر:D احلى تحيه لكل الموجودين :D

والله مشتاق لكم حيل ياعيال الذين لكم وحشه قويه بصميم القلب :D
يالربع ابي اعرس تكفون من عنده سياره اقساد تروا الكفيل محارش كفيل غرام
ايه يامهراس مادايم الا وجهه

تقطعنا من هالعروس مير يوم انها جت المدرسه الله لايبلا قبت هالعلم بالعروس الا وش نوحههم ما اعرسوا باول العطله << شديد من قدوه
كخ كخ كخ كخ كخ
مرت ايام ضحتس والله ياتفدغت سبدي من الضحتس <<<<يامرشه

8
8
8

تروها مقدمه وبهارات السالفه طويله :D <<<< عادتك بس تهذري انت وهالنفره اللي براس خشمك ياخيوني اول مره اشوف خشم بوه قشره :D
8
8
اقول انثبر بالله خلني اهربد على خوياي :D <<<<انفصام بالخشم معاه ناتج عن انفصام بالشخصيه :D


الزبديه
معزوم على عرس واحد من الربع وبله ديرتن بعيده ارياحياة الشر والشرير
طريق + 500 ريال + سياره ومصاريف بانزين + قلة حياء + معاي لي واحد افمه له ريحه :D بباي المدلقم :D
المهم ياخيويني ماشين ياما وصلنا للديره يامير ديرة صغيره وبها قصر افراح مثل قلته ومهنا عمال عندهم رحبوا بنا المعازيب والله وقلطنا معاهم على هاك المفاطيح اللي على كيف كيوفكم :D وفدغ ابو االمهرايس ياما انحول وغديت مثل صابر عوكل :D:D:D تزعل مو بحسلك :D
المهم جالسين العصر اللي منه ليلة العرس ( الدخله ) <<<الا من يقسدني سياره يالربع :D
يامير واحداً من الجماعه يسولف يقول أخطب لبنتك قبل ولدك وهو ينطق شايب لنا من الجماعة الخاصين قال وينهم عيالنا عز الله مابهم خير والا هذولان البنات مكومات عندي :D ;) |510| :D الله لايبلى يوم انه قال هالكلام وهن يضربن فليشراتي وقمت اومض عند الرجال وسكرت الطقاق حق ثوبي ( طقاق الرقبه)
والله واقوم ابلل شفايفي واتميلح قدامه ويامن خلصت كاسة الشاهي من امس وانا عند الوجار واقفن بالبريق على راسه :D:D عمي صار
خويي ابو ريحه فاتحن افمه ومغير يتسمع للسوالف وينشدن هم وش يقولن قلت ياااشين سكر افمك صرعتني ارررررررره ياريحته :D الله يبلكم ولا يعافيه :D قصدي الله يعافيه ولا يبلنا :D :D :D
المهم جاء العشاء وجاء العريس <<< ياسعدوه ابن الذين ماغير يوزع من الابتسامات
انا قلت ياولد الفت نظر عمك اغديه ينطيك حدى بناته والله مغير لي مزاقر على الوغدان اجلس ياوغد قم عن المركى ياورع قوي من قدي ههههههه
وتخبرون بس امرمر من عند عمي واتنيذخ واتسذب تسني انادي على حقين القهوه وانا انادي من يسارهم :D:D بس ابيه يشوفن اني قرم وقايمن بالعرس
طبعاً القصر حاطين بوسط الحوش بيت شعر واللي جالسين فيه الشيبان وانا معاهم :D ومغير لي مزابخ وين وين وهات وجب والله وهو يناديني عمي :D
يامهراس عندك عندك الوغد ( ولده ) شايلن طوفريت الشاهي ومليانه كاسات شاهي والله وانا اجيكم مطبق ابي اخذهن منه :D لاتفرحون ماخبصت كخ كخ كخ والله وانا اخذهن منه واقوم امشي على الرجال مغير مدنز وامشي عليهم اقهويهم :D يومن خلص الشاهي قالي عمي يامهراس يابعدي اجمع هالكاس هالعالم يتوطونهن والله واجمعهن وعدني جالس اجمع عبادي شمس من له حديقه :D من الفرحه صارت الكاسات ورود وازهار :D:D <<< تروه دخل جو الرومنسيه
المهم يومن امتلت الطوفريه والله وامشي وتقل سمعتهم يتهامسون باسمي وانا امشي والتفت لهم ابي اعرف وش يقولون :D يالربع مادري تسيف الله قال بي يامار هالدنيا فرت بي علمي بالطوفريه طارت سمااااااء شين شقلني مع رجليني يامير عقالي بله ديره وشماخي مادري وينه والنعول الله يتسرم هالوجيه بلهن وادي وفرتي تراب ودم ابي ارد النسم مااش طلعت روحي :D
والله العظيم زنت وغدا وجهي ازرق يسولفون علي ويسمون وابي ارد ماش تطلع الكلمه مني بتعطيس <<< قلب حصنية شويان ماتشتغل الا بالتعطيس :D:D:D
يمار ظهري مهو مني ودايخ والوغدان يضحكون علي ار لرحم الله عدوكم انزلعو عن وجهي طاح طاح مهراس طاح على فرته شهروا بي عند هالعالم يمير واحد من هالوغدان شكله قاهرني هو اللي مسوي هاللجه
الحتسي نسيت عمي هو بناته مالي وجه اقابله انا بلشت بهالورع اللي فضح بي مسبوع ابو العصب والله واتغافله عند برادة الماء :D معاه خويه مايمديه يعلمه يانا تانزه مع علابيه والله وانا اسطره واتمردغه تمردغ غلّ قاهرني فضح بي المهم اني توطيت ببطنه توطي :D والله واخليه يومن اني تركته فرك ويلاعن ويشاتم والله ماخليك قلت انقلع ترن جيتك مسحت بك البلاط يالهيس ادد لرحم الله عدوك :D:D:D المهم تركت بيت الشعر هو وشيبانه وانا اروح داخل القصر والله واتكي عند عيال من الجماعه والله واستلمهم تسذب وتنكيت :D
وانا اسولف ياشين لصق بين عيوني وعلمي بنفسي هاك الساعه|513|
والله وعيت ياهم يرشرشوني بلي مي بارد واحس ان فيه شيء لاصق بجبهتي
:D:D:D واتحسسها بيدي يامير زعرورتن ياكبرها كبراه اثريه الوغد مسبوع ابو العصب رايح وجايب النبيطه وحاط بها قل صيني وماسه لاخر شيء وصافقن بمفرق الحجان
الله لايعيد هاك العرس كله غرابيل من اوله لاخره والا الزينه يومن نقلط على العشاء يمير لحم بعييييييييير اسود والله تقل رضم جبل حبشي :D:D
وهلتسان من الجوع والله واقطع هاك اللحمه وانا ادربيها وهي تنشب بنص حلقي |513| ابي نسم ابي هواى ياحياتي يابوريحه والله هو يردحن على علابيي وهي تنطق يمار كتره مو لحمه والله هو يطب خاطري من هالعرس قلت مشينا يابو ريحه مشينا والله مانجلس عندهم ولا ابي بناتهم لو يحطون عليهن ذهب يارجل من جرف لدحديره قم بس
والله وحنا انتسهل لاهلنا لما وصلنا بالسلامه

بس اللي قاهرني هالزعروره عيت تروح تقل زبيديه متشطبه ارلرحم الله عدوك يالمسبوع تسيف دنة القل للحين وهي براسي دنننننن :D:D:D:D

اخوكم ابو زعروره موقتاً :D
ابو المهاريس
بنالسبة للي مايعرفون عربي يقولون لي اترجم لهم القصة اوردو :D:D:D

سي يو افكوز بربرم :D
ثانكيو فيري ماتش يور هاوس مي :D
افكوز ايام مهراس قويونق تو هو سبيتل الارطاويه :D:D

اذا جازت لكم العنقليزيه حقتي قولولي :D خريج معهد اعيوج يونايتيد :D

[سـاهـر الـلـيـل]

أيييييييييييييية داااااااااااااة ابو كوميخية عااااويز يتجاواز ........
واعة ....واعية ...واعييية ( دي دحكة صعيديية) ابو كوميخية اتألاب وحيد اررررن
من الصعرورة بتاعيت الواد الكويس ...
انتى ملحيزتش حاقية ..... اآة مدرعيم ياكيبد اوماك .... بتنزاخ ..... هاااااااااة يابوكوميخية.... عافوا أغلطنا .... وحيد الآرن .....أصلي كونت وياك في الآصر
بس انتي ماتعرفنيش ......... ونا أعريفتاك..... من الكوميخية والفرررة ....اولت
الله قابوة .... داااة الواد مهراس ..... دنا حهرسوة الليلة دي ..... ونا أأوم
ودي الواد خمس ريالات ....حتة وحدة ..... ورسمت الخوطة بتاعتي .....
بس بعد ماأتزمط القدع ......هوة بأة اللي اتصريف لحالوة ......بعد ما نبطاك وتصفرت
ا,لت الله يخريب بيتوة دة قاب العيد .... دحنا روحنا شربية ميلح....
بس الحمد لله ... اومت بالسلامية وهقيت وقت سليمة .......
انتبية تاني مرة متقيش نحيتنا .......... موش احسللاك.... دنا بأوللاك اهووة....
عاويز من محاريش ددسون..... داة بيأصد سيا كيل.. مأصدني واحيد
مستعمال أستعمال كويس ..... دة السيكال الخاص بوة..
ونتا عاويز ددسون ...... دنتا اطموحاك كبير ميتل كوميخيتاك.....

[فوفو]

[c]



:D :D :D :D :D :D :D :D :D :D :D :D :D

ايييييييييه ياابوزعروره

بنفضح بك زي الوغد :D :D


بس امرمر من عند عمي واتنيذخ واتسذب تسني انادي على حقين القهوه وانا انادي من يسارهم بس ابيه يشوفن اني قرم وقايمن بالعرس

:D :D :D

والله عليكم حركتات ....اثريكم بعد تتقيرمون:D :D

بت يور انغلش واز فري نايس اكسلنت بوي

اي ول قف يو فل مارك:D


[/c]

[عبدالله الجعيثن]

الله الله عليك وعلى هالفلم الكوميدي.

تصدق انك مقرود ولا وش لك بالطلايب. ماسمعت بمتبح شراي الطلايب!!!!!!!!!!!!

تعيش وتاخذ غيره. وبعدين رايح يم هالقرويات .ياشين خذلك مدرسه وارتح.

[al-nadir]

حمدلله على السلامه يامهراس00
زين الله يوم فك عينك00ولا يازينك داخلن علينا يقودك خويك00!!
الله العالم انه عين00(شافو هالاطخم000!!!) ولا ذكرو الله00
الوكاد ما كل مره تسلم الجره0000
هالمره زعروره وباتسر الله واعلم000؟؟!!

[رنا 21]

( من طول الغيبات جاب الغنائم )

والظاهر هذى غنيمتك يا.............مهراس :D :D :D تستاهله

:D :D :D :D :D :D :D :D :D

[المشرف العام]

ربّي ولك الحمد ..

عشان تحرّم انك تغرقن بالاسئله

عاد .. تصدّق انني دعيت عليك و انا مستعجل ..

بس : طيران وهبوط اضطراري على الفرّه . . صهدتن بين الحجاجين .. غصّه بهبرة حاشي
.
.

أزادي لو أني .. متمركي(ن) لك .. وداعين عليك .. وش يصير . . ؟



اصبر

.

.

مرّ .. عليّ وخارشن تقفى .. . . ودّي أتمركى لك بلي مدعاه ..


الحمد لله على السلامه ..

التّعب منسي ...

[مهراس]

حيوه حيوه فوفو حيوه
كخ كخ كخ كخ كخ كخ
مستانسه على فلقتي يافوفو هين وانا اخوتس يالله ان يشبتس لتس واحد بجبهتس وتطلع لس صعروره مثل صعرورتي بس لونها وردي كخ كخ كخ
عفت بنته مابيها هذا التنيذخ وهذي نتايجه شقلة طنب وقل صيني دنينه للحين وهو بذني

اشكر مرورس ايتها المبدعه فوفو :D
وانه يعني لي الكثير من التقلط في الاسهام بفتح شركة صعروركو :D

اخوتس الصغير
MHARISO.COM.SARORKO/VB :D

[سلمان النبهان]

[poet font="Simplified Arabic,14,black,normal,normal" bkcolor="" bkimage="http://www.shammar.org/vb//backgrounds/47.gif" border="double,4,gray" type=2 line=200% align=center use=ex char="" num="0,black"]


مهراس البطل الصميدع
حقيقه قصص بطوليه ترمى الحجر
ببحر محارش وارش ............
انك تعلن التحدى للهزلى المبدع محارش
تسلم وننتظر المزيد من تلك الروايات
والقصص الهزليه من حياتنا اليوميه ...
كنت اتمنى الكتابه بطريقتكم واسلوبكم
المميز ولكنى للاسف لاستطيع ذلك لعدم
القدره على ذلك الفن المبدع الجميل الممتع....
[/poet]

[مهراس]

:D :D :D :D ساهر الليل :D
واعة ....واعية ...واعييية الله يغربل جيرانا عدوين اللي تكرههم :D
هذي ضحتست اهل الصعيد عندكم :D
اقول وشنوحك تقول لي ابوكميخه :D
هو انت شفت ياساهر اخر الزمن تطلع بجبهتي صعارير ومن منهو من وغد حسبي الله عليه ياهو صويب ابن الذين انقشن من بين ميت شخص وشكله مركب كاتم صوت لوحيف القل الصيني :D:D لاني مادريت الا بشيء قال طب :D
اثريه صوت القل يوم يلصق بجبهتي والدنه الي بإذني من طيحتي على وجهي :D
ان ااشم ريحة مؤامره علي منك والله انك ورى هالوغد اللي محطني بالنبيطه بس اردها لك يالساهر ....... شكلك ماتعرف الشليفه اخ بس والله لارسل عليك حدى وغدان الحاره يمحطك بلك شليفه بجبهتك تسني اسمعك تصيح وتقول ....... يااااااااااابويييييييييييا ايه ده :D

تجي تعشى معاي بيض الليله :D:D:D <<<<<<< تكره البيض يالمصيري :D

الا ابي انشدك الخط خليفة الخط وش يقرب لك :D
قونقنيح قوناح قولوا منيح مناااااااااااااااااااااااح :D:D
:D

يازين اسمك بموضوعي يابو عتريس
اخوك الصغير ابو الهرايس :D