[align=center]سئلني مرة واحد من العيال عن حياة الغرام
قالي وش اخذت من الغرام
قلت بيني وبين نفسي وش حادة على هالسؤال
رديت عليه وقلت [/align]
[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صار قسمي من حياة الغرام فـراق خـل=
هو بداية درب عشقي وهو ختم الطريـق
مع حبيبً له مقـامً رفيـع ولـه محـل=
عاليً قـدره لـو انـي بغباتـه غريـق
غاب عني كيف مدري هجرني وارتحـل=
اشهد انه صوب القلب بالجـرح الغميـق
غاب عني دون سبة ولا ادري وش حصل=
اشهد انه لاطرالـي بـي الدنيـا تضيـق
من وسع بالي وحرصي ومن زود الامل=
هاقيً به هقـوة الطيـب دامنـه رفيـق
لاكن ابطا مالفا منـه مكتـوب ورسـل=
شب في جوفي سعاير كما مصفى بقيـق
المصيبه كل ماجيت ابعمـل لـه عمـل=
قال قلبي كيف تقوى وهو عندي صديـق
قلت ياقلبـي بعـد راح ماذقـت العسـل=
بالمرار افك ريقـي وانـا بالـع بريـق
المحبـه دربهـا لاتقـول انـه سـهـل=
كم رهيناً للهوى حاسـبً نفسـه طليـق
ياسقى الله يوم اهلنا واهـل خلـي اهـل=
يوم كنا اثنين نلعب مع عيـال الفريـق
لاذكرت الخد واللـي بـلا كحـل انكحـل=
واشقر المجدول والعنق والعود الرشيـق
زاع مني خافقي زوعـة اللـي مادهـل=
عقب وكد شوفت اللي بداغرهـا بريـق [/poem]
فهد النايف
رد مع اقتباس
المشاركة الأصلية كتبت بواسطة فهد النايف
المفضلات