كل شمري يدخل هنا دعوه لكم من الموايقي

[الموايقي]

السلام عليكم ورحمة الله وبركاته

اخواني اعضاء المضايف وبالاخص اخواني من قبيلة شمر


فيه موضوع بنشدكم عنه وابي حقايق عنه لانه موضوع اثار الجدل بيننا انا واحد من اخوانا عتيبي



(( لطامة العايل ذباحة الحايل ))


وقال لي بيت وهو


(( انا من ربعة تفعل نهار الملاقا والهواش ** من عوايدهم على الخيل لطمة من يعيل ))


انا اقول انها لقبيلة شمر واخذتها عتيبه من شمر نفس الشي مع قبيلة عنزه وبالاخص
فخذ الفدعان اللي لهم

(( حمر النواظر ))

واخذتها قبيلة مطير منهم هذا مو موضوعي موضوعي الاول ابي الفزعه من عيال الطنايا

وهقوتي فيهم فوق السحب

لانهم خوالي

وانشدكم بالله ابي شي يبري الجرح لان فيها شي كبير بيني وبين العتيبي ؟


مالكم بالطويله

وياليت كم قصيده توثق كلامي ؟


اشكر لكم واشكر ادراة المووقع على هذا المووقع المتميز


تقبلووو تحياتي

عبدالرحمن العنزي

[الاصمعي]

[align=center]حياك الله يالبناخي

وأبشر إن شاء الله تحصل الجواب الي يرضيك ولا يلرضي قبيلك لكن هو الصحيح إن شاء الله

يالغالي حسب معرفتي (( لطامة العايل ذباحة الحايل ))
هم عتيبة بينما خوالك شمر يقال لهم كبار الصحون وساع الطعون

أما (( حمران النواظر )) فهي أيضاً لقبيلة مطير حسب ما نسمع وهم مشتهرين به جداً وبنفس الوقت لا يمنع أن تطلق على فخذ من قبيلة أخرى

أخي الكريم ننقل موضوعك عند أخواننا بمضيف التراث وإن شاء الله يعطونك الجواب الشافي لتساؤلك

يا مرحبا بك مرةٍ ثانية يالبناخي[/align]

[الموايقي]

الاصمعي

لاهنت ولاهان مقدارك ومشكوور ياغالي على الايضاح وان شاء الله نشووف من الاخوان توضيح اكثر........

ولاهنت على نقلك للموضوع والعذر والسموحه اني نزلته بالعام لاني اجهل المكان.......

لك الشكر على وجودك

اخوك الموايقي

[هايس الشمري]

الموايقي


انتظر معك رد الاخوان


اجمل تحية لك

[مشــــعل]

حياك اللة اخوي

حسب مانسمع ياخوي انة لعتيبة

ويقال واللة اعلم انة كان فية رجل كبير السن سألوة عن القبايل
فسألوة عن شمر قال:"كبار الصحون وساع الطعون"
وسألوة عن عنزة قال:"لبسهم قز وضربهم كز"
وسألوة عن عتيبة قال:"لطامة العايل ذباحة الحايل"
وسألوة عن العجمان قال:"بالارض سلاطين وعلى الخيل شياطين"

وسألوة عن بقية القبايل كلة
بس ماحفضت الا هذي

واللة اعلم ويمكن عند الاخوان شي

اخوك/مشعل الغفيلي

[راعي الوقيد]

السلام عليكم ورحمة الله وبركاته

وعليكم السلام ورحمة الله وبركاته

اخواني اعضاء المضايف وبالاخص اخواني من قبيلة شمر

هلا والله وغـلا بـك وبالـدرب اللي جابــك

فيه موضوع بنشدكم عنه وابي حقايق عنه لانه موضوع اثار الجدل بيننا

انا واحد من اخوانا عتيبي

حسب ماسمعـت اخـي العـزيــز ان (( لطامة العايل ذباحة الحايل )) تقال

لقبيلــة عتـيـبــة ،،،

واما شمـر فيقال لهم : (( كبار الصحون وساع الطعــون ))

هـذهـ الأقاويــل تنسـب للشاعـر / راشــد الخـلاوي !!؟

والله اعلــم ،،،

وحيـاك الله مـرة اخـرى اخي الموايقـي ،،،

سلااام ...

[الموايقي]

الله لايهينكم جميعا وعساكم للقوه

ومشكوورين على الفزعه اللي تثلج الصدر

الله لا يحرمكم غاليكم

ويخليكم لعين ترجيكم.


تقبلوو تحياتي


اذا فيه قصايد اتحفونا فيها لا هنتم

[راعي الوقيد]

عااااااد لو ما اسمك الموايقي تسان علمتك !!

والموايقي وش يودعه ما يتصفح مضايف الشعر بشكلها العام ، الفصيح ، النبطي ، المورث الشعبي القديم والجديد خذ لك جولة عامة ،،

وبالتوفيق تحصل اللي تبي من قصايد شمر وغيرهم ،،،

سلاااااااام ...