العوني .. تحسبوننا حضر ٍ حمى حضار !!؟
[align=center]السلام عليكم والرحمة
هذي سالفة لسعـود بن عبدالعـزيـز بن رشيد ( ابو خشم ) ...،،،
هـذا يقولون انه ظهر من حايل بثلاثمائة ذلول يبي الجوف يبي يرتِّـب بوهـ ، ويوم جا الحزول ويجيه الخبر إن بن شعلان نازل بالجوف وكل اهل الشمال معه !!
واشاروا عليه خوياوهـ قالوا يالأميـر خلنا نستلحق لنا قوة ؛ من شان الى جت فزعات شمر ندخل الجوف !! ولا اطاعهم !؟
وعقب ما دخل الجوف ـ ارسل قصيـدة العـونـي اللي ينخى به شمر:
راكب فوق حر ٍ يذعرهـ ظلّه ** مثل طيـر ٍ كفخ من يد قضّابه
ومن ضمنهم ضاري بن طوالة ،، كان هو وإياهـ مترادين النقا !! ضاري على اسفوان بالزبيــر ـ
وهي تصير المعركة بين ابن رشيد وبين ابن شعلان ، ليست معركة بالمعنى المتعارف عليه وإنما مناوشات بين الفينة والأخـرى هنا وهناك !! ومن حير الى حير ـ الحير : النخل بالفلايـح ؟؟
جاء ضاري بن طواله وباقي شيوخ شمر والفرسان وجحافل شمـر ،،،
وهي تصيـر المعركـة الحاسمـة حيث كان العـدو ( بن شعلان ) واقعا ًوسـط كمّاشـة فرسان شمــر من الـداخــل سعـود بن رشيــد ومن الخارج ضاري بن طواله وباقي فرّيــس شمـر !!؟
ويكتب الله النصــر لشمّــر ،،،
وقصد العـونـي بمناسبة هذهـ المعركة ،،،
يقول محمد العبدالله العوني :-[/align]
[poem=font="Simplified Arabic,5,white,normal,normal" bkcolor="black" bkimage="" border="double,4,gray" type=1 line=0 align=center use=ex num="0,black"]
الأيام سفـن ٍ والسنين بحار = بالأقدار تجري والغباب غـزار
لو صار له ولم ٍ ولو صارت سليمه = صيّـور مـرجـوع العمار دمار
الهي ووليي ومسنـدي وانت فزعتي = الى عاد وحدي والخصوم كثار
انا في ذراك وحدر ظلك وجيرتك = وتبرّيت عن غيرك بكل جوار
وفـوّضت لك امري وحيلي وحيلتي = وحشا الجار في ذراك يذار
ونويت انا بعد اتكالي على الولي = اعد ما شاف النظير وصار
ياراكبن من فوق كور العقيلي = ترحلوا على كور ما تطوي الزيازي حرار
ولا باس لو عجتوا لنا الهجن قدر ما =ارسم جوابي والركاب حيار
فيلا قضى ياركب شاي فشافكم =هموم ٍ همام ما تلاه حوار
جلايل فج النحور علاكم = على اول جلس ما بهن بكار
وخيل تمارا بالمسير الى ادلجن = وساجن وداجن خمّص وضمار
وان حـركوهن للهيج ولجلجن = تشبه روانيف ٍ حداه عصار
اركبتهن من نقرة الجوف واشملن = كمى جول ربد ٍ صابهن ذعار
وبعد خمس ليلات يلفن قبيله = لهم بالثناء علـم ٍ بعيـد ذكار
يلفن لنواف بن شعلان =والنوري ومن له هرجة وجهار
قولوا له يا زبن المخيفه عن الردى =ترى النصايح تشترى والصحيح قرار
نقول لك ان ما للرشيــد مقابل =إلا لمن يكتب عليه دمار
وهمّيت بأمـر ٍ ما يهم به غيـرك = تريد تقنص بالدجاج حرار
جبت الحوازم والشرارات خلطهم = وابو تايه يرثع بغير هجار
عقب المكافخ والخطوط وقوله = حنا سباع صار ديك وخار
وحشا ولي العرش يخلف عوايده = يركب على سرج الحصان حمار
إما هل العليا فنعـم القبيلـة = لا شك ما هـدّ الجبال جدار
تكاثرتوا منازلكم علينا وغرّكم = تحسبوننا حضر ٍ حمى حضار
حنا ندور الناس ما هي تدورنا = لا شك ذي ثارت بغير عيار
وجانا مناديب ٍ يقولون بقولهم = ما عاد بالجوبه يسوج وسار
وركبنا ثلاث مية ذلول ٍ نحثّهـن = نبي نعدٍّل مايل ويسار
الى ما وردنا الحزل جتنا ركايب = يقولون كل اللي يقال بوار
يقولون ابن شعلان بالجوف نازل = ومن كان قبل ٍ له صديق بار
إلاّ ابن مويشيـر تبين بقوله = وثارت عليه الديرتين وحار
وينخاك يا عز الرفيق ومزبنه = نارك يشطِّـر عن سناه شرار
وشرنا برد الراس وإلحاق قوّة = تودع بواليد الحديـد كسار
وشلع طير شلوى ما تصنّت لقولنا = يقول ما دون الرفيق عذار
عيب ٍ على مثلي يهد وينثني = الى شاف نيران الحريب كبار
انا صلب عبد الله وانا شبله الذي = بنى للعليا فوق ساسه دار
وهي القدا من قديم ٍ افعالنا = ندخل ولا ننشد عن المعبار
كمى وصف غـوّاص ٍ ضرب وسط غبّه = يشق البحر لو كان موجه فار
وكثرت بكم الخونات مع كثر قومكم= ورمتوا امور ٍ ما ترام عسار
وقلتوا قليلين وذا قبل فعلنا = وحنا بضنكاة الأمور كثار
جبتوا جموع صايلين تبوننا = هماتكم قبل اللزوم قمار
من قبل ما اوحيتوا غمين قومنا = تنادي بحس ٍ للحريب ذعار
اهل هدّة شفقا على الموت كنهم = ورد ٍ تعايل ما عليه حيار
تناخوا غلامين الجبل عند شيخهم = الى ما حتكم صرف الزمان وجار
الى صدّروا بالري مطلق ثبوتهم = والموت بأتلاهم يخيم حيار
مساكين مايدرون منهو قبيلهم = الى شب من نار الحريب سعار
ما دريوا انه شالهم من ترابهم = وهم ما دريوا وش بالزمان يدار
ما دريوا ان اللي يديرون عامهم = يديره ابو مشعل بشرب بهار
اظلم عليهم بحيلة ٍ ضيغمية = بفعل ٍ وتدبير ٍِ سديـد وسار
وارسل لشمر نادر ٍ من مجاذبه = ابنه الى قام الخصيم بثار
من حين جاهم صاح صوت ٍ يحثّهم = وبكى عبرة ٍ منها جرت عبار
بكى عبرة ٍ منها تجارت دموعهم = الى انه مشت دمع الجيوش نثار
ومشوا من ورا شط الفرات غياضا =ميعادهم نار الحريب نهار
تلاووا على الحزل القديم وقيّلوا = على اكوار حيل ٍ وبينهن مهار
مشوا مثل مزن ٍ يطّحـن في ربابه = سيله غشى وادي الرويل وحار
نشا حي يمين اقبال ونهل دقّة=عجل غشا روس الزبار غبار
على ايسر سكاكا باللقايط سقى اللوى= الى ما ركب خشم الطعوس وجار
يرعد ويبرق والغضب في جوانبه = شاف ابو سلطان سناه ونار
خلا هل العليا وخلا حلالهم = وخلا فيافه والديار يسار
وجنّب عن ابنه وعيال عمه= وهي على مثله كثير وعار
وخمس ميةٍ من لابته عزِّي لهم = خلاّهم للسباع مزار
خلاّ المكاين والمدافع وإنتحـى = هو وابو تايه فر عقله وطار
ساعة نظر بالعين غلبا وشافهم = بـدّل من عقب هـز الشباة فرار
ولا بد من يوم ٍ تصيده شبولهم = لو اخطته مرة تصيد امرار
شمـر الى من العرب عدّت العرب = من دونهم كل الحبال قصار
لهم على العليا فروض ٍ قدايم = ما هم لفيق ٍ من حضير حضار
وحبالهم بالضيق تروي رفيقهم = الى ما غدت كل الحبال قصار
هم بنسل قحطان لحق عقب تبع = لهم بالعلى والطايلات منار
والله يا لولاهم فلا يذكر الوفا = ولا للحمية بالرجال مدار
اشهـد بعيني يوم اجانب شيخهم = وهم قبله غضبانين عليه جهار
على راي ابو تايه ونواف رايهم = يقولون ناخذهم بطول مدار
نشابيب الحرب والضرب باتع =ياويل من يلحق عليه بشار
كريم السجايا كل ما حاش طوله = تزيد حلم وعفية ووقار
وسيع جاش في ملاقاه للعدا = نحى الدم من ضرب الفواس فار
وهو الضاري الجبار ايلى تعلاّ = وهو مودع العظم الصليب نشار
وهو عظيم الشان والجاه والثنا = وهو واحد الدنيا بدون انكار
يا طالبين الحكم مهلا ترفّقوا = رويدا ً ترا قضب النجوم عسار
تمت وصلى الله على سيد الورى = عدد من قصد بيته وحج وزار[/poem]
[align=center]وسلاااامتكــم .. وهـذا اللي عرفنا منه .. !! والمعذرة ..؟؟
والسلام ...
[/align]
رد مع اقتباس
المفضلات