[poem=font="Simplified Arabic,5,blue,bold,normal" bkcolor="transparent" bkimage="backgrounds/27.gif" border="none,4,gray" type=1 line=0 align=center use=ex num="0,black"]
الغلا يا بنت ما هو كلمتين .. ورشفة من ثغـر كوب = الغـلا أكبر من سواليف السكارى والحروف الأبجديه
احذري يابنت حواء يا وطت رجلك متاهات الدروب = دام عشـاق الطهارة فيه وعشـاق الـدنس أكـثر شويه
الغلا أخضر والوفاء لون الثنايا وأقسى الألوان الشحوب = والطـيور ألـوان وأشكاله تجّمع .. كـل شكـل مع خويه
لا يغـرك بالهــوى من مـدلك يمـناه ولسانه لعــــوب = لـو نبـت في كـفه الــورد وغـنى لك لحــون السـامريه
مـن يرجـع شـالك الخمـري لـيا منه تمثنته الهبوب = من يلملم قصـة التيـه والتفـاحتيـن وشهـريار المهمهيه
والنهار تودعك شمسه حزينه .. لفها كيد الغروب = ويبتدي ليل الحسافات وهموم المرايا والمواجع سرمديه
من يقول أن أصـدق الحـب أكـذّبه .. أصـله كـذوب = مـا ارتــوى العـطشــان مـن شــوفة ســـراب الجرهديه
الغلا حنطة فـقـير وطـهـر سجـادة وترياق القلوب = الـغـلا سـر لمـحه أبن المـلـوح في عـيون العــامريه[/poem]
رد مع اقتباس
[/align]
المفضلات