[align=center]0
0
0
بسم الله الذي لايضر مع إسمه شيء
أحبتي .. ! كل عام وأنتم بخير ! ..
وعذراً على الغياب
وكعادتي لاجديد ..
مجرد نزف ..
ولكم الحب
ودُمتي بخير يالقلوب الطاهره
0
0
0[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
0
0
0
0
0
0
تحايلت أمس وأركبتك شدايد يا (ظهور الشيب )...=نهار الضيق يستفحل علي ويفتل أشنابه
تلاعب بي هجوس الليل بالتشريق والتغريب...=ولا به همٍ البارح بصدري ماغرس نابه
ذكرت الله وأنا والله وأمان الله حشا مانيب...=ضعيفٍ لاادبرت دنياه صاح وشقق ثيابه
لك الله كن في حدبي تعلق يامحمد ذيب...=ظهر بي فوقٍ مزمومٍ وأنا ماودي أرقى به
ألوذ بمن ياخيي ؟! وأنا أشوف الهوان معيب...=وأنا مانيب أسوي شيٍ إلا حاسب حسابه
تنصيت اللحى لكن تعشمك اللحى وتغيب...=وجيهٍ ننتخي فيها وهي سودا وكذابه
ياخيي لاتقول تطيب ( تكفى ) لاتقول تطيب...=مدام إن الوجع والهم ضدي كنهم لابه
ياعنَك إن ( الألم ) توَه بعد مامل بي تسحيب...=وأنا زودٍ على إنه شرس قاسي وأحرق أعصابه
قطعت سنين وعيوني من الترغيب للترهيب...=أمرغ هامتي وأسجد رجا اللي فاتحٍ بابه
أجافي مضجعي وأسرح وأسج بهاجسي وآغيب..=تحلف إن من ورى صدري صغيرٍ ضاع في غابه
عزاي ( بسبعةٍ ) تغسل يديني من وباء العيب...=تصب الوسع في صدري وتزرع مسك بترابه
مفاتيح الدعاء والخوف والدمعات والتأنيب...=وحسرة قلبي الواجف وذكر الله وكتابه
يغرر فيني الشيطان وأستغفر وأجيك منيب...=وأعوذ بمن ( كفل رزقي ) من الشيطان وأحزابه
وأعوذ من القلوب اللي دخلها الشك والتكذيب...=وأعوذ بنور وجه الله من التفريط وأسبابه
إلاهي لو ضعيف النفس يعلم وش يجيب الغيب...=ياعنَك إن ما يبات العمر كله من سبب مابه
عيونً والله إن تبيض ورووسٍ والله إن تشيب...=حرام إن ماتشوف الناس غير بمكه وطابه
لو الدينا بها خيره وتسوى بس ( قطرة طيب )...=ياعنَك إن مازهد فيها رسول الله وأصحابه
ألا يالله أدبني إلاهي أحسن التأديب...=ويسر لي لطيف النطق وأورق فيني أدآبه
إلاهي قلبٍ يعول على طيب العرب ويخيب...=سجد لك في هجاد الليل لين إخضرَت أعشابه
ألح بما دعيتك فيه ياوهاب عل تصيب...=سهوم الليل من عبدٍ خشع لك ساعة إجابه
إلاهي تعبت هجوسٍ تودي خاطري وتجيب...=وضاق الليل بي ذرعاً وصدري ضاقت رحابه
تركت أشيا بها ريبه وأبي لي حاجةٍ ماتريب...=قبل للموت مايقتاد ( عبدالله ) عن أحبابه
وأنا مادامني عبدك ولد عبدك ( فلا تثريب )...=علي بقوةٍ منك وماجا منك أبرضى به
أبشكر كانها سرا وابسكب دمعة الترحيب...=وأبصبر كانها ضرا ودمعي بقهر ركابه
بواكب ضنك هالدنيا بقوة وأحتلي بالطيب... =وبكظم حزني بقلبي مدام إن القدر جابه
وإلا من ضاقت أركبتك شدايد يا ( ظهور الشيب )...=وابظهر من على العالي وأزم خطاي وأرقى به
والا ياذيب حطيتك براسي والوعد ياذيب...=نشوف إن دارت الدنيا من اللي يفتل أشنابه
0
0
0
0
0
0[/poem]
[align=center]شعر /
(( .. !! عبدالله الدواس !! .. ))[/align]
رد مع اقتباس
المفضلات