[align=center]بسم الله الرحمن الرحيم
اخوتي واعزائي اعضاء الفله
يالله حيهم هذا خلاصة يوميات متشحطط اظن انه الجزو الاول
اجلسو ابي اقص عليكم قصتي
تعال انت يابو غتره اجلس هنا ابي اترزز بك علشان انك مثل ثنايا الفاضي
وانت ياللي متلطم تعال خلك عند المركى شكلك بك من دم الشبث اعرف دمه وان ما خاب ضني انك وغدوه
اولا يا الربع انا اخوكم برق قدر الله علي وتخرجت ومن يوم تخرجت وانا مطامر من ديره لديره
وبحكم اني فني وشهادتي دبلوم فني رحت اقدم على شركات الجبيل ماغيرهن
اليوم الاول شغلت ددسني وانا اروح للجبيل الصناعيه حقت المصانع ومن مصنع لمصنع وكل ماجيت لي مصنع طردوني
وبعض المصانع حاط ورقه ممنوع دخول الباحثين عن الوظائف
ويوم صهرتن الشمس وعاد انا ماشين متأخر واذن الظهر يامار مابين عيوني الا البحر قلت ابي اروح اشكي همي على البحر
واصلح لي فنيجيل قهوه على هالسيف ( السيف = الشاطي ) واعين من الله خير
والله وانا ارعد مكينة (عزّه) سيارتي ام عزيز وهي تطلع لي رساله على الطبلون تقول
where you whant to go ?
وانا اكتب له
not your bisnes!
وانا اسمي بالرحمن وانا اتوجه للشاطي ويوم وصلت وانا افرش فريشتي وانزل الدافور والنجر والمحماسه والمبراده والبغداديه والصفن والشكوه وانا اعلق القربه على الصدام
وانا انزل القطبه وانا امده وانا انزل الغنم واسرحهن بكا الثيل وانا ارط الجمل بالطنب
8
8
ما تحسون ان ماله مطار هذي
الوكاد يوم جيت ابي اولع الدافور اثرينن ما سكرته اخر مره الوكاد انه قاضي الدافور وانا ارجع
الحاجات هذي مره ثانيه للسياره وانا اصل اقرب بقاله وانا اشتري ثنين ماونتن ديو
واعين من الله خير الوكاد عقب صلاة العصر تجمعوا العالم على الكورنيش وانا قاعدن من القوايل
وكل من مرن يامار امغت من الديو ضحك علي وراح
مالكم بالطويله اني امرحت اكا الليله ويوم جا من بكرا وانا اتوجه يم الشركات كريته عليهم
وانا اقعد احوس وادوس وكل من جيته قال يا اخوي قلنالك امس مافيه وظايف بالبدايه احسبه قوة ذاكره عندهم
اثريه لا قوة ذاكره ولا شي السبب ان ما بوه غيري يدور وظايف بالجبيل
الوكاد اني قلت ابي اخربه اروح يم واحدن من الربع بالجبيل ابي اسير عليه اليوم واشوف علومه
وانا طالع من الجبيل واتلفت من الخيبه يمار يالربع اكا البيبه ( ماصوره ) تجي حول اربعه بوص تدف ماءعلى كبره بوسط شبك من شبوك المصانع
قلت بيني وبين نفسي اكيد يا حول انه منكسره والمسؤل عنه فاتحن افمه يكع كع مع واحد من خوياه بها المكتب
وهي تطري علي اكا الفكره الجنونيه وانا احك اكا البريك على السياره وانا اسفط على الرصيف وانا امعط لي لستك خربان من حوض السياره
وانا اتغربش الشبك وانا اطير يم القصبه وانا ازوي عليه اللستك وازويه يا ما سكر الما
( خبرة تمديد مزارع ) وانا احول يو م فاعوا علي الامن الصناعي وانا اقف رافعن راسي ومترززن بعمري
قلت الحين يبون يعطوني شهادات الشكر وطلبات التو ظيف غير محددة الراتب
ويوم هم مقبلينن علي تصدقون يالربع بلشت ما ادري اكتب الراتب المطلوب خمسين الف
والا ستين الف مالكم بالطويله اول شي سووه انهم فكو اللستك وتشاقلوني وهم يطيرون بي
وانا قلت شكل المدير موصيهم علي انهم يجيبوني بسرعه الوكاد انهم يلقنوني الشهاده وانا بلسياره معهم وطبعا نهاية السالف الرجال اللي من الربع بالجبيل بدال ما اسير عليه اكا اليوم
سير علي هو بعد خمسة ايام بالمركز حق الشرطه على شان يكفلن واطلع بعد التحقيق
وما زالت معاملتي جاريه بالدواير الحكوميه
الفائده من القصه
كل صهاريج التسخين بمصانع الجبيل لها انبوب تصريف مياه
8
8
ركزوا على المعلومه هذي[/align]
واذا كان برق يبحث عن وظيفه اقول يمكن يكون فيه يوميات متشحطط الجزء الثاني
سايو نارا
رد مع اقتباس
تفضّخن عيوني عجزت أميز الحروف 
[/align]
المفضلات