[font=Tahoma]الأولة بالأولة:مبروك علينا وعليكم الشهر الكريم واخص ابو سلطان الذي جمعنا على المحبة وجميع الاخوان والاخوات من مشرفين واداريين واعضاء وقراء..جعلنا الله من صوّامه وقوّامه .
الثانية واللي تتبعه: اعطوني اجازة يومين بالديرة اللي انتم خابرين بمناسبة عيدshonket عاد لاتسألوني وش معناه منعا"للاحراج..انا من دروسي وجاي وصلى الله وبارك. عاد من رقيتوني.استحيت..وقلت اعطيكم يوم ....والثاني اتقضى لرمضان .
عندي تكملة لسالفتي (ابو زهوة والطنية)....الخبل ما ينسى سالفته...والا لا يابو مروان...ابو مروان اللي اكتب في كمبيوتره وجالسن بشنقي...ارجو من المشرفين ..احضار مشاركتي السابقة ليتسنى(سيبويه) للاخوان فهم السالفة من طئطء للسلامو عليكو.نقطة ومن اول السطر .
حينما ؟؟؟؟قابلت الوالي في ارض العراق العظيم...وهبني ارض في شمال الرافدين...اخترت السكن في الجزيرة شمال العراق ...والله يوم وصلنا هكا الارض الزينة ومار ننزل وارسل البنغلاديشي ويسوي هكا المهيلة اللي تزعد الراس وااتقهوى واعين خير ونبني المثولث(كان مروبع لكن تماشيا"مع نظرية شد الحزام اصبح مثولث) وانتظر ابو جركن(قدس الله سره)والعود ابو قلنسوة(عجل الله فرجه)وابو راكان السيستاني ودابان المردغاني(ادام الله ظلّهم) ...وعلى وزن اني وانت ماشي....مالكم بطويله...جو القصرا ونزلوا بجنبي والحريم راحن يحطبن...خبركم هكاالايام مافيه لا قز ولاكرهب مافيه الا ميكروويف وعلى حجار...المهم..وجريا" على عادتي السنوية ..عزمت الجيران على خروف قرر ان ينتحر بملء ارادته هربا"من الروتين اليومي....ومار ادسم شواربهم هكاالليلة...ويوم اصبح الصبح؟؟؟...وانا جالس على مركاي والبنغالي يقهويني....يا البيجر يدق..واشوف الرقم ياوالله رقم صدام....هكا الايام كان البيجر تقدر تتصل منه...واتصل هاه خير يابو عدي قال... .ياعصير الذيب بالقليب...خير ان شالله...قال جاني خبر ان بعض القومان يبون يغزوننا(..والصلب) اللي( هاكن) عنا مسهلين لهم الامور ويشّر بيده هنا(صورة ليدي وانا اشّر) ....قلت لالالا...وانا اخوك اترك الامر لي...والله وافكر قلت مالي الا انخا بعض العرب...ووجيه العشائر...لكن مامن وقت مامن هكالحين الا خيل وبعارين والواحد ترسله يخش شهر مارد العلم...وانا جالس افكر ياوالله وحيفة السيارة والبوري يدق يوم لوّذ علينا الجيب الشاص مارياقف عند كسر الحريم...قلت اكيد انه اجنبي...والا السلم معروف واقوم يمه حياك ياضيف الرحمن على طريقة الممثلين..وهو ينزل هكا الرجل الطويل الحمر...اللي مقصصن شواربه ماهو مخلين الا اللي تحت منخره(صورة)صدّقت كذّبت ...يا هذا (ادولف هتلر) ...هتلر ماغيره والي المانيا.. وال عليك يابو( الهلاتر) ياهلا ..ويامرحبا بالغالي ولد الغالي...عاد انا اعرف ابوه يوم نخدم بسلاح (الهجانة) مع( ابو حنيك) ...كلنا (عرفاء) بس هو اقدم مني..هكالحين هتلر كبر بناخيي هذا.(ماتشوفونه. ماعندي صورة..وماهي مشكلتي ).وانتقهوى واطبخ هاكالتيس ..الثني..ولد نعجة امي..كله شحم الماخوذ
واجيب له طاسة هكااللبن...كان مدمن لبن(المراعي)الله يدفع البلاء...وش علومك يابو هيلمت(الصحيح انه عقيم وما يظني..بس هلمت..ولد خاله من الكتاب ولافيها عيب)..قال الله يسلمك جيت فزّاع(هو ماقال حرفيا"بس حسب فهمي للغة الاوردية..والسواحلية)على طاري السواحلية...كان لابسن له ثوبن ساحلي..ابو زرار..نرجع لسالفتنا...قال انا جاني خبر ان فيه خاش خرباش..حولكم وارسلن ابوي قال شف عمك عصير وخوياه يذكرون انهم قطين بالجزيرة....وعجل ياجنيني...قلت انا خابرن ابوك وفيّ..الله يرحم اموات المسلمين..والنار يابناخي ماترّث الا الرماد(هذي مدحتن له..... بس ...بعض المرات تزلق الكلمة غصب مني... مااتمذر من بعض الكلام)لكن اشوى قلته باللغي الحايليي...وعدّت على خير...واقوم احرث النار ..تخبرون المنحرج..قلت ماعنك كميا...على وزن (حميا,وهيا)لاجل اثبت انها لغة فصحى اذا سولت لاي واحد نفسه ان يتساءل(يستر عليك)السالفه يالبناخي عاد هو بناخيلي صحيح لان جدته هيلين(حنا ندلّعه "هلّة" )رضعت...من عنز امي...السالفة معقدة...ماعلينا.
قلت يالبناخي" الذيب بالقليب."..و"العشب بالنفود"...و"السلق بالشعيب."..كنت حكيم اول قبل ماكبر...ويضيموني الرجال..قلتله القصه كيت وكيت؟؟؟؟وصدام ومجلس قيادة الثورة يا الليلة يروحون او على السحر يجون بهذا...وانت امرح وعين خير ونشوف وش عند الربع...المهم قال مايخالف ويروح للسيارة ويقربه عند رفة الرجال وهو ينزل هكالصندوق اللي مليان قواطي خضر وهو يقوم يلتح..وقوطي ورا قوطي...الله يجيركم...انا تهولت...الرجال تفاختن حنوكه....وعيونه...غدن حمر...وهو يقوم يم الجيب...ويشغل المسجل....ياهذي اغنية رابح عبده....(ماهقيت ان البراقع..يذبحني)عاد انا ماهمن بس عندي بناتي بسن المراهقه..وقلت ابيه يطفي الملوي...خوفي من الغزو الفكري للاناثي ويوم رجع من السيارة يا معه الشوزن(ام خمس)هالحين ولا(برم)....قال اشرب ياكلب...(عادكلب مرتن وحده...كبيرة)لو قال جرو كان اشوى....والله واتخير احسن الرايين...والتح لي قوطي...غصب...اما الثاني والقواطي اللي تبعته..لاوالله بكيفي...ماجت الساعة 12 الا 10 الا الصندوق يسلم عليكم....حسيت بقشعريرة...تسري في انحاء جسدي(يلعن ابو البلاغة عزالله انه جاب ولد)وصار عندي احساس باللامكان واللازمان.ومار....اروح للسحارة واطلع شريط البنت اللي انتم خابرين(جواد العلي)...لانه يذكرني باالانتفاضة...ضد عدم تجنيد الشاذين في الجيش الامريكي هكا السنه...وهز ياوز ...وهويقوم هتلر ويجلس على النار(ماهو بسط النار...لكن مجازيا" ويعني بالقرب من)وهويطلّع كيس التتن(الشاوري باللغة الالمانية)ويطلّع سبيل (العظم)حق تيسنا..ويقوم يعبيه ويهيجن:
طس السبيل من اشقر التتن طسّه
الشاوري يجلى عن الكبد علّه
.ياراكبن من عندنافوق بسّه
. ضميرة السرجوف تجل زقم دلّه.
.لاهيجنت باللّيل ياحلو حسه
ما توقف الا الصبح في بيت(هلّه).
يعني امه(هيلين) اشتاق له وانا مالومه..وعلى هالقاف ياما قال بأتلا القصيدة:
دانتا مشفتش شئ لسه ولسّه
. ذب الديار ودار عمك تدلّه
الحب سلوان القلوب الجريحه
والشعر تعبيرن عن الهم والضيق
وجانا الهوى جانا جانا من زنجبار.
هذا اللي حفظت منه هكاالحين.
..المهم ومن هالسوالف واتعلل انا وياه واسأله عن برلين وديارهم قال والله ابشرك حنا بخير قلتله وشلون الاسعار عندكم حنا ياربعك كلانا البانزين والكهرب...والغاز...قال وشلون بنزينكم غالي وانا اللي اعرف ان عندكم خير ماشالله...قلت اتركنا من هالسوالف ورمضان كريم وسمعت ان المعازيب يبون يطنخوننا هاليومين....قال وعسى.المهم نمنا بالرفة واركّب الخرّاشة على صلاة الفجر..واقوم للصّلاة...وادن النجرواصلح الدلة...مادري وش بطاي من سرعي يالركايب نوخن وارسل الهندي(كان بنغلاديشي)ويهلّي بهم واطلع اشوف منهم ...ياهذا ابوعدي ورديفه
عزة ابراهيم..ياهذا محمد الصحّاف..وطارق ولد عزيز....ومعهم اربع رجال وثلاث ماجدات ماعرفهم....ياهلا ويامرحبا ومار اقهويهم ..واقعد ولد هلّه...ويقوم وياخذ له دش ويسلم على الربع .قلت لهم انتم استريحو هالحين وحنا نبي نزهب الغدا وعقبه....نسوي اجتماع مغلق...ونشوف وش حنا عليه....المهم طلّعتهم للدور الثاني وشغلت المكيفات....وشغلت لهم (بيتهوفن المقطوعة الثالثة)على شان يجيهم النوم بسرعة...جلست بالرفة بلا باطي ياهكاالجيب اللكزس..الابيض العنّابي...يوم لوّذ علينا واطلع من الرفه...ياهكا الرجل المتين... الاوضح..... المتعافي...هكاالطويل ماعندك حلا من زوله....وينزل من السيارة هو وسواقه السوداني...قال:عمت صباحا" يااخا العرب...قلت حللت اهلا" ووطئت سهلا"(نفعن الله ان عندي مباديء لغة المانية)...قلت هلمّ الى الدار قال ...ياعبد السؤ(مايعنيني يقصد سواقه) احضر بشتي ..والله وهو يقلط ..واصبله قهوة...وشرب فنجال واحد...بس ثم قال...الست عصير الكهرب..قلت بلى وحاشا وكلا..وش( تبا)(بعض المرات ارتبش وخصوصا"اذا كان السؤال على غفلة وباالصبح) وصلت على خير ايها الاعرابي....قال انا لست اعرابيا"...فالاعراب انتم يابني ابن رفادة.هاهاهيهو..الم تعرفني...قلت لا ايها الرجل....قال( محاكيك) ابو الحكم ابن هشام وان شئت فسمني ابا جهل تحببا".من زود الميانة..انا تفاجئت...انت ابو جهل ماغيره..انت ابو جهل اللي موذي العالم.قال نعم..قلت ومن هذا السواق الذي معك
قال قبل ان اخبرك خبري ايها (السربوت).اذهب واحضر لي (نبيذ)(وقينتان)يعزفن لي....فأنا(متعومس)..واريد ايضا"بكتا" من( المالبورو الابيض)...فأنا احب قليل النيكوتين والقطران...قلت الا تريد شاوريا" من تتن ابو هيلمت شف الكيس تحت راسه انه شاوري من صنع بلادنا كأنه فضة قد مسها دهب(تأسف النقطة لسقوطها سهوا")قال ماتقول لا ابا لك يالك من رجل سؤ ماتقول العرب عني ان علمو ان ابا الحكم تعاطى حشيشا" واللات والعزى لن اترك.وجوه القوم تنظر الي بازدراء وخصوصا"بعد ترشيحي لنفسي في( الأنتخابات البلدية)قلت يااباجهل لاعلم لدي بمكونات الشاوري ولم اعلم ان هِؤلا القوم داشرون من مبطي قال دعك من الثرثرة وارسل الى احد الحوانيت وان يكن سوبرو ماركتا"يكن افضل قلت سمعا" وطاعة ومار اقوم ..واصرخ بأعلى صوتي ...ياغلام...ياغلام ...ياغلام (وصقهن يعمي عيونك).انت ما توحي.
(انتهى الجزء الاول)
...حان وقت السحور حسب التوقيت المحلّي لمدينة(....)في الحلقة القادمة سأخبركم ان شاءالله
با لاحداث والاجتماعات..................ياغلام افرش المائدة...(ماعنيكم انادي للعامل)....استودعكم الله....والى اللقاء في الحلقة القادمة من يوميات ام حديجان...والسلام عليكم[/font]
رد مع اقتباس
[/align]
المشاركة الأصلية كتبت بواسطة عصير الكهرب
المفضلات