رهين عيونك

[عزام]

[poem=font="Arabic Transparent,5,black,bold,italic" bkcolor="white" bkimage="backgrounds/12.gif" border="groove,5,crimson" type=2 line=0 align=center use=ex num="0,black"]
انا دخيل اله ودخيل عيونك الثنتين=لالايصير الجفا والبعد لك راده
أنا زرعت الغلا والحب من عامين=غرست الوفا حتى هوينا والوفا عاده
عشقنا لين صار العشق اكبرمن طموح العين=عيوني في رجا شوفك وعشقي يمك عباده
تولعنا وضيعنا بكينا مانشوف الزين=سهرنا والسهر عله على المجروح بزياده
الا ياروح من جرحه قسى مابدله باللين=طغى جرحه على قلبه غزير الدمع مافاده
تمهل وارفق بحالي ترى ظلمك يبل الطين=لفت يمك مراسيلي عن التجريح نشاده
انا ببقى ذليل النفس لجلك لو يطول البين=ابعلن لك خضوع القلب وارمي تحتك عناده
انا المظلوم ياظالم علامك قلتلي بعدين=خذلت اللي وفى عهده ولا جيته بميعاده
سرقت الحلم ياغلى حلم طعنت بصدك الجرين=وانااللي بالفخر خطيت اسمك حولي قلاده
صنعت اسمك قرار العز مكتوبآ على سطرين=من الفرحه بدا عمري كفاه الله حساده
رسمتك منبع افكاري علاج الروح لاتنسين=وصورتك طريق الصح فرح دنياي واعياده
تبعتك منهج اقداري ينابيع الوفا تسقين=ابيك لميلة الدنيا تكون لعمري سناده
يتوه القلب بافكاري ويطعن بالحشا سيفين=يغافلني وخلاني مع التشكيك وأسياده
متاهاتي مع اوهامي تجي وتروح مدري وين=اجمع من شتات العمر جرح القلب وانكاده
تراودني عليك النفس وابكي بين حين وحين=أنادي باسمك الفتان ياليل الهوى ناده
صدا صوتي اذا ناديت رد وقال يامسكين=ترى درب الهوى بالنار حد السيف وزناده
أنا باصبر على جرحي واداري خاطر الغالين=واسامح لويعاديني ولو جرحي له عباده
تعالي (يافرح)نبني هدف واحد وحنا اثنين=صروح العشق وآماله تماثيله مع امجاده
تقولين الهوى جنه وانا اقول الهوى نارين=فراق وبعد واشواقآ عذاب ونار وقاده
تعالي وامسكي يمناي وانا بارفع لك الكفين=ابضمك على صدري وهذي اول اعياده
يقولون السنه فيها على كل البشر عيدين=واقول ان انتي اعيادآ تجيني دوم منقاده
عسى تضحك لك الدنيا وحط العين يم العين=ويفرح مابقى فينا يموت الهم وجهاده
قريتي بعض تعبيري وانا رجواي لاتنسين=ترى قلبي عنيد الراي وانا بارمي لك عناده
وأناببقى (تذكر) رهين عيونك الثنتين=بربك لايصير البعد عني والجفا راده[/poem]

[خلـيف الجهيلي]

[align=center]

عزام

صح الله لسانك ياعزام

على هذه القصيده الاكثر من

راااااائعه 000

تحياتي



اخووووووك /
خليف الجهيلي [/align]

[سلطان الشمري]

[align=center]عزام :





صح بوحك.. وروحك..


وربي رائعه ..





احترامي[/align]

[عبدالله العريفي]

[frame="2 80"]اخي العزيز المبدع عزام

تحية طيبة واهئنك على هذة القصيدة الرائعة والتي تعبر عن الوفا والاعتزاز بالنفس وليس غريب على مثلك هذا الابداع
سجلنا من المتابعين لكتاباتك الرائعة

وتقبل فائق تحياتي@
عبداللة العريفي [/frame]

[الأدهم]

[align=center]عــــــــــــــــــــــــــــــــزام

يامن باناملك لامست اوتار القلوب
كلمات اية كلمات هذه أ تدرك
مدى تاثير كلامك على خصلات اشعة الشمس
لها اسلوبها الخاص
باجمل شفافية متالقة ولايمكن لها بديل
دمت ودام نزف قلمك الجذاب
لاحرمنا منك
سجل أعجابي وتقبل فائق التقدير والأحترام
أخــــــــــــــــــــــــوك
الأدهم[/align]

[بتول آل علي]

[align=center]
شاعرنا الجميل

عزام


يبدو لي أنها أولى مصافحة لي لهذا الاسم البرّاق

قصيدة قوية و شاعر متمكن من حروفه و تصاويره الشعرية

ألف صح لسانك أخي الفاضل

و لا تحرمنا إطلالات مشابهة أيها الكريم


أختك

الدهور[/align]

[عزام]

[poem=font="Times New Roman,6,black,normal,italic" bkcolor="transparent" bkimage="" border="none,4,gray" type=3 line=1 align=center use=sp num="0,black"]
اختي

الدهور

مرورك على صفحتي


زادها نورآ وجمالآ

لاهنتي يالغاليه

وكل عام وانت بخير



اخوك
عزّام[/poem]

[عزام]

[poem=font="Simplified Arabic,5,white,normal,italic" bkcolor="transparent" bkimage="" border="none,4,gray" type=3 line=1 align=center use=sp num="0,black"]
اخوي
خليف

شكرا لمرورك على الصفحه

وكل عام وانت بخير


تحياتي لك


أخوك

عزّام[/poem]

[عزام]

[poem=font="Andalus,6,crimson,normal,italic" bkcolor="transparent" bkimage="" border="none,4,gray" type=3 line=1 align=center use=sp num="0,black"]
اخوي

نبراس


صح لسانك وعمرك


وكل عام وانت بالف خير وسلامه


تحياتي لك


أخوك
عزّام[/poem]

[عزام]

[poem=font="Times New Roman,6,white,normal,italic" bkcolor="transparent" bkimage="" border="none,4,gray" type=3 line=1 align=center use=sp num="0,black"]
اخوي

عبدالله العريفي


مرورك على الصفحه زادها جمالا وروعه


وكل عام وانت بخير


اخوك

عزّام[/poem]