ابدا بذكر اللي له الناس ركاع

**ابو مشاري الشمري** · 11-01-2002 00:28

ابدا بذكـــــــــــر اللـــي له النــاس ركـــاع
ووازن القيــــــــفـــان لــلي يعرفـــــــــــون
قافي ســـرى مايفــــــهـــــمه كل سمـــــــاع
دمــــعي جرى والقــــــاف ساري على نون
من حيرتي داويـــــت الاوجاــــــــع باوجاع
حاف القدم وامشي على شــــوك وغصــون
ياهل ترى لو مجت عــن درب الاســنـــاع
واطفيت نــاري ياترى ويش يـــقــولــــون
دق الهونــد وخل نارك لـــها شـــــعـــــاعr
الطـــيب يبقــى والمخــاليق يـــفنــــــــون
والرزق عـــند الله وتــحسين الاوضــــاع
بامــر الولي براقــها يلـــقح مــــــــــزون
تـــمطر قـــراح ويشرب الحــزم والقـــاع
وينبت بــذار بالثـــرى كـــان مــــدفـــــون
ومن كال لك بالمـــد كيل البدل صـــــــاع
وجــــر اللحـــون اللي عليهــا يغــــنــــون
يالله يـــامعبـــــود ياخـــــــيـــر فـــــــزاع
تفـــــزع لـــنا يافـــارج كـــــرب ذا النون
أنا من المكـــتوب مانــــي بــــــجـــــــزا
وذي صـــــبر يرضيك يامــــدبر الكــــون
بحار مايسمع عنيــــــــــد وطـــــمــــــــاع
أخطىالمــراسي والخــطر صـار مضمون
هبت عليع الريح والبــــــــــرق لــــــماع
وارعـــد سماها وامطرت خوف وظــنون
معــــاكس التيار والــــمركب اشــــــــراع
بينه وبين الســــيف تسعيــــــن وشلـــون
حتى الامل ياناس لـــو مابعــــد ضـــاع
اليــــاس مـــــني قاب قــــوسين أو دون
دنيا العجايب همهـــا صنوف وانــــواع
مامن خــــفوق الا بــه الهـــــــم خـزون
لي صــاحب مطعــــون مابين الاضــلاع
مكــن صــوابه اريش العــين مـــــزيون
وأنا جتلــــد ليلــــي من الهــــم مـرتــاع
ومصيبتي زورق وبــــحار مــــــجـــنون
غريـــب يعـــشق من الحب مــــلــتـــاع
تستفزع الاصـــحاب ودك يــــشــيرون
ليش الحــســـايف يوم راع الهوى باع
مفتون غيرك ليش فيه انت مـــــفتــون
دامك نصــــحت القلب والقلب ماطـــاع
أحذر تطيعة والكــــــرامه تــــهينـــون
خــله على فـــاله وليـــــاك تنضـــــاع
خــله يـــبات الليل ســـهران مفتــون
يطــرد ســراب بخـــالي البيد خــــداع
يلقاه زيف ويرجع الشــــوق مطعــون
واعرف ترى طرد الجوازي له اسناع
وانشد هل الخبرات واللي يـــــخبرون
ان كـــــود ماترمي على ساق وذراع
والصيد جــــافل والقوانيص يــرمــــون
تخطي ولا تضــــرب مســجات الاكوع
ويفري نحرهـــا زرف قناص دنـــــدون
ويصبح منايك غزنا لـــكبا الاصـــباع
وعــــمر النـــدامة ماشفت غبن مغبون
ومني سلاما عـــد مـــالح مــــذيــــاع
على لنبي ياللي سمعتوا تصـــلــون

الشاعر سليمان الربيض البلوي

ارجوا المعذرة لبعض الاخطاء الاملائيه. وشكرا

**غازي العلي** · 11-01-2002 01:22

الاخ ابو مشاري الشمري

يا لله درك....الا لا شلت يمينك...اختيارك الغيث

هذه يا اخي تضاف الى القصائد القديمه التي عندما تقراها ياتيك

احساس بانك حضرت مجموعة محاضرات عن الشعر الشعبي.

ها نحن لا نعلم اذا كان شاعرها حيا ام ميتا...قصير او

طويل...الخ ولكنك الان ارسلتها من جديد فلك مني مليون شكر