[poem=font="Comic Sans MS,5,black,bold,normal" bkcolor="silver" bkimage="backgrounds/7.gif" border="ridge,4,deeppink" type=2 line=0 align=center use=sp num="0,black"]
لا تنخدع في بسمة البرتقالة = إللي على الشاشة بها الزين قتّال
عندي و عندك مثلها برتقالة = لا شك بعض الناس جشعٍ وميّال
بنت الوطن في حشمته وأعتداله = تسوى جمال الكون في كل الأحوال
ياحي فاله لا عدمنا خياله = سعوديةٍ تسوى كثيرات الازوال
كاللؤلؤ المكنون خافي جماله = نشميةٍ مضرب مثل لكل الأجيال
بنت الرّجال وعز عمّه و خاله = من فاطمة و أسماء بها عدة خصال
زينه لزوجه بس وحده لحاله =ما بيّنت زينه لرِجلي وخيّال
في أسود الجلباب أخفت جماله = له بالحياء و الدين رايه و منزال
وفي كل مجال كفء غطّت مجاله = بيت و عمل و أعيال ماعنده أشكال
نفرح بعزتها و ندمح خماله = والله ما نسمع بها قايلٍ قال
بنت الوطن بنت الوطن بس لحاله = تاجٍ يشعشع نورها بالسماء عال
قاله سعودي صادقٍ يوم قاله = طرحه و عباة أنتي و انا بشت و عقال[/poem]
[align=center]
البرتقالة لـ
فهد بن محمد المبلع
30/ 6 / 1425 هـ
[/align]
رد مع اقتباس
المشاركة الأصلية كتبت بواسطة شموخ
المفضلات