مقرود..والأجر على الله
[align=center]القرد<<<آه من القرد اللي بحديقة....(لا ماعليش تري ماهو هذا الموضوع
)
لم أتوقع أن مايحدث معي هو بوادر لقرادة.ن.مزمنة..قد يعاني الكثير منها..ومع ذلك..لانعترف بأننا مقرّد!..وأنا إلى هالحين أقول يمكن ماهي قرد..يمكن إنه صُدَفْ فارقها التوفيق..بس بالنهاية أشم بالسالفة ريحة قرادة..!
والقرد..من خلقة الدنيا موجود..وكانوا أجدادنا يكنونه بـ(ميّاح)!
وهو الذي يجعل منك صيدا سهلا لمصيدة الكاميرا الخفية من بدّ هالخلق كله..والذي يجعل سيارتك تنصدم وهي واقفة مع إن السيارت اللي بجنبه ويمينه بنفس المواقف أو الشارع!
وهو نفسه اللي يخلي الدكتور أو المدرس يتسلط عليك بسؤال.ن. منت عارفه مع إنك عارف.ن.جميع الأسئلة إلاّ هالسؤال!..:confused:
أقول..هالموقفين تعرضت لهن شخصيا:
1-بعد مشوار.ن.استمّر لعدة ساعات وتحديدا من آخر العصر
إلى بعد صلاة العشاء..وقفت عندالإشارة..
إلا ولوحة هكالمطعم تغمض..قلت: مابدهاااااش
أنا متحدي على التيّة(الجيّة) ...إجي ماهو كود تووومي لي (تأشرلي)
وثواني إلا وأنا عند المطعم ومن العجلة مدري هي فتحت الإشارة ولاّ لا؟
وقفت: وإجيك مجفع.ن. مامعي من الشماغ إلاّ رجليه..وقبل ماأدخل المطعم ياولله هالمطشية اللي سادة.ن. الطريدز..قلت: وشو هالدحش هذا؟ويوم نقعّت شوفي باللوحة ياهي(ح س م303)ياهذي لوحة الرفيدز
وبدون تفكير يلّوح(يركب) إبليسعلى غاربي..قال: الضحتس هالايام يدورونوه دورة..وهذي السالفة جتك!
وأفتح الباب وأركب السيارة ..وعلى ماحطيت يدي على المفتاح..
وهي تصيح (بنت الحلال)..وهن يلجن الحريم اللي بالسيارة..أنا من الخرعة والربشة مادري وش السالفة ؟
أبي أحتسي..أبي أشرح..أبي أوضح..ياولله مافيه مجال!!!(وجه واحد.ن. مايدري وين هي هابة)
واللّي تحذفن بالشنطة ...واللّي بقوطي البيبسي..واللّي تصيح..!!
طاح الشماغ..وأنا إنحاش مفرِّع..وبوجهي للسيارة.والظاهر إنه مشت وهي طافية من العجلة والخرعة..
أبعدت:يا ولله هذا الجوال يدّق..رفعتوه يا هو راعي السيارة ميت من الضحتس..قال: وش سويت يا مقرود؟؟؟
قلت: سويت سواد الوجه,والفعل الأغبر!..أحسبنك لحالك..قلت: أبي إليج سويويرته..وأضحك عليه شووووي..ولاجت عليه إن أهلك معك!
قال لا أبد: لايهمك..وهذي أمي ميتة.ن. من الضحتس..يوم علمته إنه إنت.وزّي ماتوقعت.كنت شاك من يوم شفتك منحاش.ن. بالكابرس..
إنوه إنت راعي المصيبة..
ومن هكاليوم..كل ماإجيهم مسيّر..أو أشوفوه..يقول:
الوالدة تقول ..سّلم لي على خويّك..!!!
***
2-تكشخت..وبزعمي إن مافيه أحد أكشخ مني هكالليلة..معزوم على عرس واحد.ن. من الربع..سلمت وهو يقضب يدي أبو العريس قال: ألا تجي بهذا..وهو ينهج بي يقودّن..ويعرّف بي..لياما جابن بين هكالثنين اللي من يوم شفت وجيهاتهم مارجيت خير!
سلمت..وقعدت..وماقصروا ..صوّت للولد..وجاب لي قهوة..وذلف وياليته على ذلفته..
خذيت حوالي ربع ساعة..ياهو متحضن.ن. لوه صينية.ن. مليانة.ن. كاسات والولد يرقل رقل..وبوجهوه سبيع الأبو ينصانن..بزعمه يبي يقدرن..وعلى ماشفته هلوون..قلت: الله يستر!
ومن بعيد أشرت لوه..يعني: بس..مابي شاهي..
لكن الولد راتسبن راسوه..وألا يدزهوينن بالغصب ،
ياولد..:مابي! مابي شاهي!
لكن القرادة لعبت دوره..وعطانن راسوه..
وياما وقف دزامي..وهو يصيغ الصينية..ويحني روحوه ..من زود التقدير مايبينن أمغط روحي..وإمد يدي..
ياوالله ثلاث كاسات من اللي يمي منكباتن بحضني..
قلت: ولّ الله لايوفقك..ومدري وش أعمل..مدري أنا أضحك مع هالناس اللي مع أيميني وأيسري لهم تغتغة..أو أبكي على الحظ الردي..اللي يعمل بي هالعمول..
قضبت روحي..ووجهي كوكتيل ألوان من الفشيلة..
ويوم قال: تفضلوا على العشاء..وبوجهي مع الباب اللي دخلت معوه..
وهو يقضب يدي العريس:وين؟ العشاء؟
قلت: عشاك كلوه...وأخوك ألا أتوطى بطنوه..بس صبرك عليّ..!
مات من الضحتس..قال: تصدق هذي أحسن نكتة شفته على الهوا..
قلت: يامال الهوى اللي يطيّر غترتك بله مطينة.ن.وهم زافينّك..
ولاردّن..ألا مغسلة(جوس المسيحي)<--ياإنه وليدة لو ماهو مسيحي!
***
عاد أقول..اللي به قرادة..أو تلقف لوه كل ماهذا لايبخل علينا بسالفتوه...تروا السالفة عادية..!
والمقرود..مقرود..ولو يسوي جميع التدابير اللازمة لتلافي مثل هالمواقف المتشحة بالقرادة..ألا يلقى لوه القرد مدخل.ن. عليه..
***
بانتظار ماتجود به أقلامكم <<<<صارت[/align]
رد مع اقتباس
افتر مخي وغديت لك حوووووووووسه
مشرف مضيف الترحيب والتعارف
المفضلات