[align=center] (عبيد) هو إبني الكبير وصديقي الصغير عبدالله 000حفظــه الله وفي احدى الليالي كان معي كعادته في مضيف الرجال في منزلنا المتواضع ننتظر من يشاركنا القهوه كالعاده ولكن كان الوقت متأخر جدا00
فخاطبته مداعبا له بهذه الابيات :- [/align]
[poem=font="Simplified Arabic,6,green,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
ياعبيد بعض الناس والسهر والليل= اتلى الزمن صارو علينا مصيبه
ماغير انا وياك مثل المغاليل= متقابلين وكل منّـا بــــ 00 ريبه
نحس بالوحده وكثر الغرابيل= لامجتمع00 لامسيّّر ٍ نحتفي به
ونبكي على الماضي بكل التفاصيل= النجر وبيوت الشعر والنجيبه
والنار واركاي الحطب والمعاميل= ومجالساً فيها شيوخ وشبيبه
وين العلوم الغانمه والتعاليل = وين الرجال اهل الصدور الرحيبه
راحو00 وجانا جيل يامااقشره جيل= جيل ٍ به الصاحب يحارب صحيبه
جيلا سوالفهم تغنّج وتدليل = مثل العذارى مالهم أي هيبه
لاهم مع العيله ولامع الرجاجيل= شلة شوارع والطبايع غريبه
ياعبيد واويلاه من قلة الحيل= بعض الشباب بعيشته راح سيبه
الله يكافينا شرور المقابيل = ويلطف بنا عن كل ذنب ومعيبه[/poem]
[align=center]محمد عطاالله الشراري[/align]
رد مع اقتباس
المشاركة الأصلية كتبت بواسطة محمد الشراري
المفضلات