المدرســـــــات والباقي لاتعليق

[نجم الشمال]

هذا قصه بداية مشكله المظاهرة الي سووها المدرسات ....على الرئاسة العامة لتعليم البنات .... وهي

يقولون ان فية وحدة اسمها حصة من القويعية مدرسة اناشيدهذي هي سوسة الشر ..........

المهم المديرة جتها ذاك اليوم وقالت اسمعي يا حصة بنت فلان زميلتس نوره تبي تبيض وعنها اجازه اربعين يوم تبيس تمسكين مكانها في حصصص القواعد .

حصة : معصي من الصبح ونا ادهر انا وهالبنات اناشيد تقولين كنا فرقه ابو سراج هذا غير مشاوير الرياض كل يوم وتبين امسك قواعد

المديرة : يا حصة انتي مدرسة فاهمه وعارفه الوضع ساعدينا شوي

حصة : قلت معصي بعدين انا تخصصي دين ومسكيني اناشيد وش اقول لاخواني وابوي قالو وش سويتي في الدوام اقول والله كنت اغني .. قالو لعنه مرسلينس تدرسين في القويعيه ولا مرقص في البحرين ... اقنعناهم مهيب مشكله لاكن امسك قواعد بعيد عن وجهس ..

المديرة: طيب يا حصه اوريس ..

حصة: في بليس انا بايعتها اصلا كل يوم خط للقويعيه عشان ثلاثه الاف اكد شيويل اصرفلي ..

ــــــــــــــــــــــــــــــــــــــــ
المهمالمديره راحت لمدرسة القران مريم
ــــــــــــــــــــــــــــــــــــــــ ـ

المديرة : هلا استاذة مريم وش لونك

مريم تميلح : لوني وردي هق هق هق

المديرة : اما وردي عاد كثري منها قولي معدني يمكن يجي .

مريم: يالله لوي كابرس الفين هق هق هق هق

المديرة : اقول عاد بلا تميلح المهم زميلتس نورة تبي تبيض وتبي اجازه اربعين يوم ونبي احد يمسك القواعد عنها وش قلتي .

مريم : اقول عاد قران وكلام ربنا نحتسب الاجر فيه موب مشكله لاكن امسك قواعد كثري منها ..

المديرة: وليهما تمسكينة على راسك ريشه

مريم : مو بس ريشه الا دجاجة كامله هق هق هق بس انسي الموضوع ..

المديرة :طيب عندي شغلك
ــــــــــــــــــــــــــــــــــــــــ ــــ
راحت المديرة لمدرسة الفنية مها
ــــــــــــــــــــــــــــــــــــــــ ــــ
المديرة : هلا ابله مها

مها هلا والله ابله

المديرة : مها تعرفين قواعد

مها : لا والله وش القواعد طبخة

المديره : افا القواعد مادة زميلتس نوره نبيك تدرسينها البنات انشالله

مها اقول صدق اني حولا بس منيب غبية و جاب لجاب انا تخصصي فنيه وش عرفني بالقواعد وارجوك وخري عني قبل لا اغلط عليك ما احوليت الا من مدرستكم اجي كل يوم مع هاسواق المهبول ميتين كيلو وعيوني طايرة في الخط هذا غير المصاريف الي على وسائل ولعنه خير وبعض الاحيان اجيب الوان للطالبات وكراريس وحلاو وبساكيت .
افتح محل عطارة وحلويات احسن
بعدين ثيابي انعدمت من هالالوان وبخاخات تقولين محل خطاط مغير نجرجر هالليحان والبلكاش في الاسياب تقولين محل نجارة من زينكم انتم ومعداتكم بعد ولا تجهيزاتكم ... اقول اسمحيلي مالك عندي سنع وخري بس وراي لوح ابطقه على جدر المدرسه قبل الظهر ..

المدير : اشوف المدرسه ما اعجبتك

مها : اقول انتي بتوخرين ولا تفاهمت معك

ــــــــــــــــــــــــــــــــــــــــ ــــ
المديرة **ت معها واتصلت على مدير المنطقه ومدير المنطقة اتصل علاى المرشد مدير تعليم البنات في الرياض وكبرت المسالة ...
ــــــــــــــــــــــــــــــــــــــــ ــــ
المهم يوم جت الساعة 11 الضحى ويدق تلفون المدرسة ترن ترن ترن ترن ..


المديرة : الو

رجال : الو من معي

المديرة : اقول انت متصل على عزبة زيود وش الي منمعي وش تبي

الرجال : انا مدير تعليم منطقه الرياض ابن مرشد

المديره : سم طال عمرك الي ما يعرفك يشويك ال ال الي ما يعرفك ما يثمنك طال عمرك .

المرشد: ما علية صار خير المهم وش هالمدرسات الي يتغلون عندكم ما درو ان حنا نصرف عليهم ونعطيهم رواتب يرفضن التعاوم مع زميلاتهن ليه .

المديرة : والله هذا الي حصل يا طويل العمر وش تشوف انت

المرشد : شوفي ما ودنا نطول في المكالمه لان اكلم من الرياض وانتي في القويعيه وهذا اهدار للمال العام .... قولي لهن ان فيه خصم نصف الرواتب على المدرساتالي رفضن التعاون وارسلي لنا خطاب باسمائهم..
ونبي نرسل لكم قرار الخصم الحين .. يالله مع السلامة

المديرة : انشالله طار عمرك
ــــــــــــــــــــــــــــــــــــــــ ــــ
المهم المديره شكت اسماء المدرسات وصكته بالفاكس على الاداره وجاء قرار الخصم ...ثم بعد ما جاء قرار الخصم ... جن المدرسات
ــــــــــــــــــــــــــــــــــــــــ ــــ
حصه مريم مها

المدرسات : وش هالقرار الزين ما شاء الله قالو نازل قرار جديد قلنا انشالله نقل واخرتها خصم ..


المديرة: عاد كني انا الي مدرة القرار عميان انتم ما تشوفون التوقيع الي تحت القرار ( ابن مرشد ) انا ابن مرشد

المدرسات : منتيب ابن مرشد بس الظاهر انك بنت مرشد

المديرة : المهم هذا قرار ولازم ينفذ على كل خارج عن التعاميم الصادره من ادارتنا اداره تعليم البنات ...انتهى

المدرسات خير انشالله مهيب مشكله
ــــــــــــــــــــــــــــــــــــــــ ـــــالمهم انتهى الدوام وهم راجعين بالباص للرياض من القويعيه ميه وخمسين مدرسه ..
يوم بقى خمسين كيلو على الرياض ...

قامت حصه ::: قالت : ايها المدرسات الفاضلات المادات على قوله صدام
لقد تمت اهانه زميلاتكن المدرسات هذا اليوم... وبدت تقول القصه.... الخ ونرجو منكم المساعدة في صد هذا العدوان الغاشم علينا من ادارة تعليم البنات .. فكلنا يعلم ان الدوله اتاحت كل التسهيلات لهذة الاداره ولكن سوء الاداره هو ما قادها لهذا المستوى المتدني من التنظيم ....
وان ادعوكن لتنظيم مظاهرة امام الادارة للمطالبه بحقوقنا ... هاه وش قلتو قدااااااام

المدرسات في الباص : قادم لعن ابو ورا روحي حنا فاصلين الريوس اصلا

حصه : تعجبوني ..... يابو مجرشي

السواق : نعم يا ابه حصة

حصة : ودنا للرئاسة عندنا مراجعه

السواق : كيف ام مراجعه ام حريم يراجعو

حصة : اقول وغلاوه مجرشي تودينا

السواق : اذا كان مجرشي على راسي ما هي مشكله

ــــــــــــــــــــــــــــــــــــــــ ـــ
المهم وقفو المدرسات عند باب الرئاسة ولا ابن مرشد توه طالع من الدوام قالت حصه يالله بنات هجووووووووووووووووووووووووووووووووم ....
ــــــــــــــــــــــــــــــــــــــــ ـــ
المهم نزلت حصه عباتها وراها كنها سوبر مان
ونزلن البنات وراها هذي مه مسبهه

المهم قامو يهتفون وزعيمتهم حصه


البنات : الكباب الكباب لنخلي عشيتكو هباب

مها : الكباب الكباب يابن مرشد يالنصاب

وتجمعو السكرتيه ب الكباب لنخلي عشيتكو هباب ويدفدفون فيهم وحوسه وهواش .

المهم طلع ابن مرشد

ابن مرشد : وش بوه عندكم بذا وش هالحريم وش هالزعاق يامال اللسنه .

البنات . الكباب الكباب يابن مرشد يالنصاب

ــــــــــــــــــــــــــــــــــــــــ ـــ
المهم اخترقت حصه الصفوف وراحت لابن مرشد وبيدها فرشه الشعر .. صفط البشت ابن مرشد انحاش وحصة وراه الييييييييين وصل الكدلك وطبت حصه بعباتها مثل سوبر مان ونطلت الفرشه على الباب عشان ما يصكه .. وجت لمه والباب ما تسكر وصادته وتغصته مع عللباه .. عاد ابن مرشد يوم مسكته البنيه ذاب

حصه : اقول لا تميلح انت مملوح خلقه اوسم من توم كروز بس لو تشيل الشماغ .

ابن مرشد : وش توم كروزوه ذا

حصة : المهم وش هالقرارت الي انت مطلعهاتحسب عاد انك مسكت هالحريم وتهبل فيهن يبي يسكتون عليك لا والف لا ترى حنا بنات بس نعجبك وفيه ميه وخمسين عربجيه عند الباص وتكفيك ابله نوال شفها ذيك والله ان وطت في بطنك مهوب احسن لك كنها تايسون مدري وش لون تخرجت من الكليه ذي .

ابن مرشد : وش ذا اويلاه وش هالابله من الي قابها بالكليه وش لون تصير مدرسة مثل هالشكل انا اوعدك يا ابله حصه اني اصدر قرار بتعيين المدرسات المماليح في الرياض والشيون مثل ذي في بنبان ولو ما في بنبان مدارس تروح توقع عند المحطه حقت البنزين وترجع لرياض واله يصبر عمال المحطه عليها بعد

حصة : اقول ما خذنا رايك المهم نبيك الحين تعدل القرار وتنقل كل مدرسه عند بيتها ولا ترى والله بفرشه هالشعر تراها مصنوعه من عاج على كيفك

ابنمرشد : طيب طيب يا حصه ابشر ما يصير خاطرس الا طيب بس ودي اقول شي

حصه قل وش عندك

ابن مرشد : صراحه انتي يا حصه اعجبتينن بشجاعتك ودي اطلب طلب

حصه: وش عندك اخلص

ابن مرشد : ما ادري ما ودك تتزوجيني
وان بغيتي نفتح لس مدرسه في الصطح حق بيتنا وش قلني اويلاه . بس ابيس تصرفين هالعرابجه الي عند الباص وبعدها ابشري بالخير .

حصه : : انبصطت : يابو مجرشي شغل الباص وود البنات لبيوتهم ...
واسمعو يابنات ترى ابن مرشد خطبني والزابله زواجنا انشالله لا تخلونا في قصر السعاده السويدي وترى ممنوع المغاتير واذا تزوجت هالرجال ابشرو بالخير وابشرو بالتعيينات وكل الي تبونه والحين ما قصرتوا كل وحده تتوكل على بيت اهلها وانا يبي يرجعني ابن مرشد بالكدلك

المهم بدل : الكباب الكباب لنخلي عشيتكو هباب

صـــــارت : ومباركين عرس الاثنين ليله ربيع ليل وقمرا

ــــــــــــــــــــــــــــــــــــــــ ـــ
وتزوجت حصه من ابن مرشد

وتم نقل ابله مريم جنب بيتهم

وتم تعيين مها مساعدة بواسطه لان ما في راسها تدريس بصراحه

وقد اصدر قرار بفتح مدرسه في بنبان وتييين ابله نوال فيها
وبهذا تم حل المشكله بسياسه ابن مرشد الحكيمه وعاشت مدرسات المنطقه برخاء وطمئنينه بمجهودات ابله حصه ومتابعتها لاحتياجات المدرسات في المنطقه وتم توفير كامل السبل للمعلمات وعاشت المنطقه فتره ذهبيه بعد هذا الزواج السعيد

ـــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ــــ ــــ ـــــ ـ

الموضوع تم لطشه

في ساعته وتاريخه

[ممدوح المسطح]

نجم الشمال
موضوع مثير وفيه حب استطلاع للقارىء
لكني ماوصلت لنهاية الموضوع الا مابي روح
شكرا لك
ودمت يانجم اخا

[عماش المسطح]

اخوي نجم الشمال
اقول انتبه لااحد يسمعك
انت ماتدري ان المدرسات ثروه وطنيه
بس قبل التقاعد لكن عقب ذلك
علة نحر00
الكلام اللي هنا ماقلته سمعت ناس يقولونه
واضاهر انه انت يانجم الشمال!!
( واحد نذل يبي يورطك)

[[رمح الشمال]]

النجم الشمالي
احسنت صنعا ونريد الاكثار من مواضيع المدرسات
وموضوعك هل هو قابل للنقاش

[ابوعلي]

موضوع حلو والله

ولكن لو النهايه كان فيها طقه لابن مرشد كان احسن

على كل حال كانت مداخله ممتعه

ونتمنى المزيد

[ابو خالد الجربا]

انا مع ممدوح تهد الحيل

وبهالمناسبه سوفى انشر في هذه الشبكه مساجله بيني وبين وحده مدرسه اسمه ام نواف

وش رايكم

تبونه



اخوكم

[العذب]

نجم الشمال الله يعطيك العافية .. وما قصرت




ابو خالد الجربا ..

هات المساجلة ....



وهل من الممكن المشاركة




وعلى المحبة ,,,

[دروب الشوق]

الأخ نجم الله يعطيك الف عافيه على الموضوع الشيق...وماقصرت....... وعلى فكره اخ عماش المسطح شكلك ماسمعت بشي اسمه بند 105 الي يتم تعيين المدرسات عليه الحين يعني تشتغل بكبينه المدرسّّه اصرف لها..

[شواح]

اخوي نجم قصه ولا اروع من كذااا يعطيك


العافيه

بس الخصم ترني متعقد منه هههه

[مطيـــــــــــــــــرة]

يعطيك العافية يااخ نجم وتشكر والله مع انك ماتوصلت للي تعاني منه المدرسات 0وعموما احنا المدرسااات مش للدرجة هذي غير متعاونات الا نشيل الشغل وغصب عننا بس يلا 000واما قضية الخصم ايه والله صدقت الخصم حتي لو قلت كلمة الحق يخصم من راتبك وعمرك بعد00 وعمومـــــــا هذي مبادرة جميلة ولطيفة منك ويعطيك العافية علي الاحساس بالمدرسات ومشاكلهم 000