لغز مسطل جاي عندكم :)

[الجازي]

[align=center]لغز بس مايصلح ينحط في مضيف الألغاز لأنه يبيله سعة صدر وفلة حجاج ومخمخة >>>>> ايه هين إلا الزحمة اللي هناك هي اللي نطلتس هنا

المهم مخمخوا معي زين وخلوا عنكم الخنبقة اللي متعودينها هنا >>>> تسني بديت أغلط

وشغلوا ماتبقى لكم من خلايا حية في أدمغتكم ,, وحلوا هاللغز :

أنشدك عن بنت رجال

تسكن جبال

جدها نجار

ورفيقها راعي

يالله فكروا في الحل زين ولا تستعجلون في الرد ,, لأن الحل يبيله مخمخة ,,

واحتمال تحتاجون لتأمل الكلمات والحروف عشان تقدرون تحلونه ,, لأنه يمكن يكون فيه خدعة بصرية >>>> ياحبيلي ماأعرف النجاسة أحاول أبسّط لكم الحل

عاد اللي يعرف الحل لايقوله >>>>>> أسلوب البزارين في الألغاز

يالله في انتظار أجوبتكم يالدوافير [/align]

[ابو غازي]

[align=center]





[/align]

[الجازي]

^
^
^
ماش الظاهر لغزك أصعب من لغزي ياخالي

[ابو خليف]

[align=center]

ماهي انتي يالريم
[/align]

[بتول آل علي]

[align=center]
و الله ما عرفته يالرمانة

بس تبين الصدق شفت رمعه في أحد المنتديات

يقول إنها ( الملفوف ) ، عاد كيف تجي ؟


الله أعلم [/align]

[المخاوي]

الريم الحمد لله على السلامه

الا ماهو فرخ البرمبش اللي يذكرون ههههه

[شنقل]

[align=center]الريم


انا اعرف الحل


















مهي

الدلاغات
هههههههههههههههههه

شكريااااااااات

شنقل[/align]

[بدرالدجى]

مشكوره الريم على اللغز

((مهي النخله))

[سلطان الشمري]

[align=center]اويحي:

كلكم ماتعرفونه..................؟!!!!




الله يهداك تقول شغلوا مخكم..


بعد تفكير مضني..وجاااااد.....ياريمووووووووووه :


حصلت الحل..





<<<<<<<<<<يبي يجيب الطعه بيّن..



الله والعالم...انه..



عزوز..



هس هس هس : لاتقولون له..اني علمتكم بالحل



تشاااااااااوطااااااااااااااااط


<<<<<<<<<<قائم مقام بدل الفاضي [/align]

[صلفيق ابو قناة]

يقولون صلفيق مخمخ عليه وطلع بالنتيجة التلية:-

هذي سلمك الله (موسيقى الناي)

تقولين شلون فسر الحل أقول حاضرين للطيبات والطيبين:

بنت رجال:بنت الناي لأنه طالعة من الناي

تسكن جبال: مع الراعي وهو يرعى بين الجبال وصدى الصوت يبين بالجبال

جدها نجار: الناي أبوه يصنعه النجار فيصير النجار جده من أبوه مهو من أمه

ورفيقها الراعي: ما يحتاج الراعي هو صاحب الناي وقصصه مع الناي مشهورة<<طبعاً هذا عندهم أما عندنا فرفيقته أنثى الا وهي الربابة:paranoid:

وسلامتكم